USD 334.31 EUR 355.17 RUB 5.31
استانا:

الماتىدا اليمەنت تولەمەگەن 20 بورىشكەر قاماۋعا الىندى

الماتىدا اليمەنت بورىشكەرلەرى قاماۋعا الىنىپ جاتىر. قالالىق پروكۋراتۋرا جاۋاپسىز اكەلەردى ىزدەستىرىپ، سوت شەشىمىن پىسقىرماعاندارعا قارسى ارنايى شارا ۇيىمداستىردى، دەپ حابارلايدى almaty.tv.

ناتيجەسىندە ٴبىر اپتا ىشىندە جيىرمادان استام ادام اكىمشىلىك جاۋاپكەرشىلىككە تارتىلدى. 32 ادام جالپى سوماسى 8 ميلليون تەڭگەدەن استام قارىزىن وتەپ ۇلگەرگەن. پروكۋراتۋرا قىزمەتكەرلەرى بورىشكەرلەردى جۇمىسقا ورنالاستىرۋ ماسەلەسىن دە قولعا الدى. كوميسسيا قۇرامىندا جۇمىسپەن قامتۋ ورتالىعىنىڭ ماماندارى دا قىزمەت اتقارادى.

ايتا كەتەيىك، جىل باسىنان بەرى جۇزگە جۋىق بورىشكەر اكىمشىلىك جاۋاپكەرشىلىككە تارتىلعان.

«الدىمىزداعى اپتا ىشىندە پروكۋراتۋرا كۇشتەرىمەن 20-دان استام بورىشكەر قاماۋعا الىندى. قاتاڭ شارا قولدانىلىپ جاتىر. سونىمەن قاتار، ٴتۇسىندىرۋ جۇمىستارىنىڭ ناتيجەسىندە 3 ميلليون تەڭگەدەن استام اليمەنت وندىرىلگەن. جالپى، ٴبىز كامەلەت جاسقا تولماعانداردىڭ جانە انالاردىڭ كونستيتۋسيالىق قۇقىقتارىن قورعاپ جاتىرمىز»،- دەدى الماتى قالاسى مەدەۋ اۋداندىق پروكۋراتۋراسىنىڭ ٴبولىم باسشىسى ٴىزباسار ماساقبايەۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي