BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

الماتىدا الەۋمەتتىك وسال توپتار ٴۇشىن مىڭنان اسا تۇراقتى جۇمىس ورنى قۇرىلادى

فوتو: ашық дереккөзден

الماتى، baq.kz. الەۋمەتتىك قورعاۋ جونىندەگى ۆەدومستۆوارالىق كوميسسيا الماتىدا ٴبىرقاتار الەۋمەتتىك ماسەلەلەر قاراستىرىلعان مەملەكەت باسشىسىنىڭ جولداۋىن ٴتۇسىندىرۋ بويىنشا ٴماجىلىس وتكىزدى. بۇل تۋرالى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى حابارلادى.

جيىن بارىسىندا جۇمىسسىزداردى جۇمىسقا ورنالاستىرۋ، كاسىپورىندار قىزمەتكەرلەرىنىڭ جالاقىسىن كوتەرۋ، سونىمەن بىرگە، ۇجىمدىق كەلىسىم-شارتتار جاساۋ تۋرالى ايتىلدى.

«اتاپ ايتساق، حالىقتىڭ الەۋمەتتىك جاعىنان وسال تاپتارىنان 1،3 مىڭ مامانعا جاڭادان تۇراقتى جۇمىس ورىندارى قۇرىلادى. ياعني مۇمكىندىگى شەكتەۋلى ادامدار، زەينەتكە دەيىنگى جاستاعى تۇلعالار جانە جاستار ٴۇشىن. ولاردىڭ بارلىعى جاستار تاجىريبەسىنەن وتكەن جانە الماتى قالاسىنىڭ جۇمىسپەن قامتۋ ورتالىعىنا جۇگىنگەننەن كەيىن قوعامدىق جانە الەۋمەتتىك جۇمىسقا تارتىلعان»، -دەلىنگەن حابارلامادا.

ولاردى ودان ٴارى جۇمىسقا ورنالاستىرۋ ٴۇشىن ٴبىرقاتار ۇيىمدار تۇراقتى جۇمىس ورىندارىن قۇرۋدى كوزدەپ وتىر.

«جالپى جىل سايىن قىسقا مەرزىمدى كۋرستاردان 1 مىڭنان 1،5 مىڭ ادامعا دەيىن قابىلدانادى. وقىتۋ 50 ماماندىق بويىنشا جۇرگىزىلەدى، ولاردىڭ قاتارىندا «شاشتاراز ٴىسى»، «تىگىن ٴىسى» جانە ت.ب. بار. ماماندىق ەرەكشەلىكتەرىنە نەگىزدەلگەن، كۋرستىڭ ۇزاقتىعى 1 ايدان 6 ايعا دەيىن جالعاسادى»، -دەلىنگەن حابارلامدا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي