BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

الماتى وبلىسىندا جىل بويى جۇمىس ىستەيتىن تاۋ شاڭعى كۋرورتى اشىلادى

تالعار اۋدانىنداعى «لەسنايا سكازكا» دەمالىس كەشەنىن ودان ٴارى دامىتۋعا باعىتتالعان «اپورت-اقتاس» تاۋ شاڭعى كۋرورتىنىڭ جوباسى بۇگىن وبلىس اكىمى اماندىق باتالوۆقا تانىستىرىلدى. جوباعا باستاماشى بولعان «alina» كومپانيالار توبىنىڭ پرەزيدەنتى ەرلىك بالفانبايەۆ قۇرىلىس جوسپارى مەن نىسان ماكەتىن كورسەتىپ، بايانداپ بەردى، دەپ حابارلايدى baq.kz اقپارات اگەنتتىگى الماتى وبلىسى اكىمىنىڭ ٴباسپاسوز قىزمەتىنە سىلتەمە جاساپ.

ەرلىك بالفانبايەۆتىڭ ايتۋىنشا، جوبا اياسىندا 12 اسپالى جول، ۇزىندىعى 31 شاقىرىم بولاتىن تاۋ شاڭعى تراسساسى، سول سياقتى 700 توسەك-ورىندىق قوناق ٴۇي، مەيرامحانالار، كافە جانە باسقا دا نىساندار سالۋ كوزدەلگەن. كەلۋشىلەر سانى جىلىنا 724 مىڭ ادام، ياعني كۇنىنە 12 مىڭ ادام بولادى دەپ كۇتىلۋدە. 600-دەن استام جاڭا جۇمىس ورنى قۇرىلىپ، تارتىلاتىن ينۆەستيسيا كولەمى 31 ملرد. تەڭگە بولادى دەپ مەجەلەنىپ وتىر. كەشەننىڭ باستى ەرەكشەلىگى – ونىڭ جىل بويى ۇزدىكسىز جۇمىس ىستەيتىندىگىندە.

«تاۋ شاڭعى كۋرورتىنىڭ جۇمىسى جىل ماۋسىمدارىنا تاۋەلدى ەمەس. قىسقى كەزەڭدە تاۋ شاڭعىسى، حوككەي، كونكيمەن سىرعاناۋ قىزىق بولسا، جازدا ۆەلوسيپەد تەۋىپ، اتقا مىنۋگە بولادى. ياعني شاڭعى جولدارى جازدا ۆەلوسيپەد جولى رەتىندە پايدالانىلادى. ٴسويتىپ كۋرورت تۋريستەردىڭ جىل بويى دەمالۋىنا قولايلى ورىن بولماق»، - دەيدى ە. بالفانبايەۆ.

وبلىس اكىمى اماندىق باتالوۆ ٴتۋريزمدى دامىتۋ جوسپارلانعان جۇمىستىڭ باسىم باعىتتارىنىڭ ٴبىرى ەكەنىن اتاپ ٴوتتى جانە ينجەنەرلىك ينفراقۇرىلىمداردى دامىتۋ ماسەلەلەرى جاعىنان قولداۋ كورسەتىلەتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي