BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

«الماتى-1» تەمىرجول ۆوكزالىنىڭ اينالاسى حالىق ٴۇشىن ىڭعايلى بولا تۇسپەك

جۇمىس ساپارى كەزىندە تۇركسىب اۋدانىن ارالاعان الماتى اكىمى باۋىرجان بايبەك رەكنوسترۋسيالانعان «الماتى-1» تەمىرجول ۆوكزالىنىڭ اينالاسىن جانە ۆوكزال الدىنداعى كولىك قوزعالىسىن ۇيىمداستىرۋدىڭ سىزباسىن كوردى، دەپ حابارلايدى baq.kz اقپارات اگەنتتىگى.

ۆوكزالدىڭ الدىنداعى جاڭارعان الاڭعا بۇرىنعى ەسكى اسفالتتىڭ ورنىنا تروتۋار پليتكاسى توسەلگەن، جاسىل جەلەك اۋماعى كەڭەيگەن، 40-تان استام اعاش وتىرعىزىلعان. كىشى ٴپىشىندى ارحيتەكتۋرالىق فورمالار قويىلىپ، ٴالىبي جانگەلدين ەسكەرتكىشىنىڭ سىرتى جاڭارعان.

سونىمەن قاتار، قوعامدىق قاۋىپسىزدىكتى ارتتىرۋ ماقساتىندا ۆيدەوباقىلاۋ كامەرالارى قويىلعان.

تەمىرجول ۆوكزالىنىڭ تۋرا الدىنا قوعامدىق كولىككە باسىمدىق بەرەتىن قوندىرعىلار ورناتىلعان، وتپەلى جولداردا قاۋىپسىزدىك قاتاڭ ساقتالعان. جاقىن ارادا زاماناۋي فورماتتاعى بەكەت كەشەندەرى ورناتىلادى.

الماتى اكىمى مەملەكەت باسشىسىنىڭ تۋريزم جانە كولىك-لوگيستيكالىق قىزمەت سەكتورىن دامىتۋعا ايرىقشا نازار اۋداراتىنىن اتاپ ٴوتتى. بيىلعى جىلى قالادا «الماتى-1» جانە «الماتى-2» تەمىرجول ۆوكزالدارىنىڭ اينالاسى قايتا جاڭاردى، ەندى ٴبىراز جىلداردان سوڭ «كتج» اق عيماراتتاردىڭ وزدەرىن مودەرنيزاسيالايتىن بولادى. «سايران» حالىقارالىق اۆتوۆوكزالى دا قاتار رەكونسترۋكسيالانۋدا.

«مەملەكەت باسشىسىنىڭ جولداۋىندا قالالاردا تۇرعىندار ٴۇشىن قولايلى جاعداي جاساۋ قاجەتتىگى اتاپ وتىلگەن. ٴبىز كەلەر جىلى دا الماتىنىڭ تاريحي ورتالىعى مەن ٴار اۋداندى مودەرنيزاسيالاۋدى ودان ٴارى جالعاستىرامىز. سوڭعى جىلدارى تۇركسىب اۋدانىندا اۋلالاردىڭ 50%-دان استامى اباتتاندىرىلدى. ەندىگى جىلى تاعى 200 اۋلا جاڭارادى، وسىلايشا قالامىزدىڭ قارت اۋدانىنىڭ بارلىق اۋلالارى قايتا جاسالادى»، - دەدى باۋىرجان بايبەك.

بۇلاردان وزگە، كەلەر جىلى تۇركسىب اۋدانىندا جاياۋ جۇرگىنشىگە باسىمدىق بەرۋ ٴۇشىن ساۋرانبايەۆ كوشەسى مودەرنيزاسيالانادى، ەكى سكۆەر قايتا جاسالادى. ٴسۇيىنباي داڭعىلىنان ەرجانوۆ كوشەسىنە دەيىنگى شولوحوۆ كوشەسى جوندەلەدى، تروتۋارلار كەڭەيىپ، جاسىل جەلەك وتىرعىزىلادى.

ايتا كەتەرلىگى، قالا كەڭىستىگىن جاقسارتۋ اياسىندا مەگاپوليستىڭ تارحي ورتالىعىنىڭ ۇشتەن ەكىسى جاڭاردى، 524 كوشە مەن 1400 ەسكى اۋلالار قايتا جاسالدى. 300 كم ارىق، 800 كم استام ينجەنەرلىك جۇيە رەكونسترۋكسيالاندى. قالانىڭ بارلىق جەر استى جولدارى كۇردەلى جوندەۋلەردەن ٴوتتى.

كوشەدەگى بارلىق جارىق كوزدەرىنىڭ ۇشتەن ٴبىرى ديودتى جانە ەنەرگيانى ساقتايتىن شامدارعا اۋىستىرىلدى. جىل اياعىنا دەيىن جاڭا قوعامدىق كولىكتىڭ ۇلەسى 80%-عا جەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي