BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

الىپساتارلاردىڭ جولىن كەسۋ ٴۇشىن پويىز بيلەتىن جسن ارقىلى الۋ ەنگىزىلمەك

فوتو: ашық дереккөзден

استانا، baq.kz ٴتىلشىسى. بۇگىن سىبايلاس جەمقورلىققا قارسى ٴىس-قيمىل ۇلتتىق بيۋروسىندا «قتج» بيلەتتەرىن ساتۋ جۇيەسىنە بلوكچەين تەحنولوگياسى مەن جسن ارقىلى ساتىپ الۋدى ەنگىزۋ تۋرالى ٴسوز قوزعالدى.

قازىرگى تاڭدا تەمىر جول بيلەتتەرىن الىپساتارلارعا قاتىستى جۇمىستار جۇرگىزىلىپ وتىر. الىپساتارلار ٴارتۇرلى باعىت بويىنشا، سونىڭ ىشىندە تاپشى باعىتتارداعى بيلەتتەردى الدىن الا ساتىپ الادى دا، ونى قىمبات باعادا ساتادى. ەلىمىزدىڭ بارلىق وڭىرىندە جۇرگىزىلگەن رەيدتەردە الىپساتارلاردىڭ وسىنداي ارەكەتتەرى انىقتالدى. وسىعان بايلانىستى جوبالىق كەڭسە «جولاۋشىلاردى تاسىمالداۋ» اق اقپاراتتىق جۇيەلەرىنە رۇقسات الدى»، - دەدى «ادال جول» جوبالىق كەڭسەسىنىڭ باسشىسى يسلامبەك مايشەكين.

ول وسى ماسەلەنى بىرنەشە تاراپتىڭ تالقىلاۋىنان سوڭ تەمىر جول سالاسىنداعى وكىلدەرمەن بىرگە جوبالىق توپ قۇرىلعانىن اتاپ ٴوتتى. بيلەتتەردى ساتۋ، ساتىپ الۋ پروسەسىندە ادامي فاكتورلاردىڭ ىقپالىن جوياتىن قازىرگى زامانعى ٴونىم جاساپ شىعارۋ جۇمىس توبىنىڭ مىندەتى بولىپ وتىر.

«وسى شارالار ارقىلى جاساندى تاپشىلىقتى جويۋ مۇمكىن بولماق. ايتا كەتسەك، جازعى تاسىمالداۋ كەزىندە بيلەتتەر ويدان شىعارىلعان ادامداردىڭ اتىنا تولتىرىلادى”، - دەدى مايشەكين.

اگەنتتىكتىڭ سىبايلاس جەمقورلىققا قارسى ساياسات دەپارتامەنتىنىڭ باسقارما باسشىسى ديدار سماعۇلوۆ الەۋمەتتىك جەلىدە بيلەتسىز جولاۋشىلار مەن الىپساتارلارعا قاتىستى مونيتورينگ جۇرگىزىلەتىنىن ايتتى.

«الەۋمەتتىك جەلىدە ۆاگوندا زاڭسىز جولاۋشىلار تۇسىرىلگەن ٴارتۇرلى ۆيدەولار تاراپ جايادى. كەيبىرەۋلەر كاسسادا بيلەت بولماعان سوڭ جولسەرىكتەن نە الىپساتاردان ەكى ەسە باعادا ساتىپ الۋعا تۋرا كەلدى دەپ جازادى. ٴبىز مۇنى كورىپ وتىرمىز. وسۆ تۇرعىدا بلوكچەين سەكىلدى تەحنولوگيالاردى ەنگىزۋ مىندەتى تۇر. بۇل مەملەكەتتىك باسقارۋدا جاڭا جۇيە بولىپ وتىر. وسى مەحانيزمدى ەنگىزىپ، ماسەلەنى شەشكىمىز كەلەدى. جوبالىق كەڭسە وسىنداي جاعدايلاردى انىقتاپ، الەۋمەتتىك جەلىدە مونيتورينگ جۇرگىزەدى. “جولاۋشىلار تاسىمالى” اق پەن جوبالىق كەڭسە مۇنداي جاعدايلاردى بىردەن نازارعا الامىز”، - دەدى سماعۇلوۆ بريفينگتە.

ول قازاقستاندىقتاردى بەلسەندى تۇردە زاڭسىز فاكتىلەر تۋرالى حابارلاۋعا شاقىردى.

“بۇل ٴۇشىن ارىز جازۋدىڭ قاجەتى جوق. “فەيسبۋكتا” پوست جازىپ، اگەنتتىك پەن جوبالىق كەڭسەنى بەلگىلەۋ جەتكىلىكتى. ٴبىز ونى قاراپ، جاعدايدى وزگەرتەتىن بولامىز”، - دەدى ول.

وتكەن اپتادا اگەنتتىكتىڭ اۋماقتىق دەپارتامەنتتەرى رەيد جۇرگىزىپ، 44 بيلەتسىز ٴجۇرۋ فاكتىسىن انىقتاعان. شىمكەنت ۆوكزالىندا 29 بۇزۋشىلىق انىقتالىپ، 11 وبلىستا بيلەتسىز جۇرگەن جولاۋشىلار بولماعان.

“الىپساتارلار ويدان شىعارىلعان اتى-جوندەرمەن الدىن الا بيلەتتەردى ساتىپ الىپ، قىمبات باعادا ساتادى. وسىلاي جاساندى تاپشىلىق پايدا بولادى. ال ٴقازىر ٴبىز بيلەتتەردى اتى-جونمەن ەمەس، جسن نومىرمەن ساتىپ الۋدى ەنگىزبەكپىز”، - دەدى يسلامبەك مايشەكين.

بۇگىندە تەمىر جول بيلەتتەرىن ٴاتى-جوندى ەنگىزۋ ارقىلى ساتىپ الۋعا بولادى.

“الىپساتار بيلەتتى ساتقان كەزدە قولدارىنا ەشقانداي قۇجات بەرمەيدى. 10 مىڭ تەڭگەنىڭ بيلەتىن 20 مىڭ تەڭگە ساتادى. ول بيلەت بەرمەيدى، ٴجاي ورىن بەرەدى. وسىنداي ورىن، ٴتىزىم بار دەپ جولسەرىكپەن كەلىسەدى. 10 مىڭ تەڭگە قتج-عا بارادى. قالعانى الىپساتاردىڭ قالتاسىندا قالادى”، - دەيدى سىبايلاس جەمقورلىققا قارسى ساياسات دەپارتامەنتىنىڭ باسقارما باسشىسى.

ديدار سماعۇلوۆ بۇل جولسەرىك پەن الىپساتار اراسىنداعى ۇيىمداسقان ٴىس دەيدى. بۇعان بلوكچەين تەحنولوگياسىن ەنگىزۋ ارقىلى توسقاۋىل قويۋعا بولاتىنىن ايتتى. ەكىنشى ٴادىس - جسن ەنگىزۋ ارقىلى بيلەت ساتىپ الۋ مۇمكىن بولماق.

“الداعى ۋاقىتتا بيلەتتەر جسن-عا بايلانىپ، بيلەتتى ويدان شىعارىلعان اتى-جوندەرمەن ساتىپ الۋ مۇمكىن بولمايدى. وسىعان قاتىستى ەرتەڭ جۇمىس توبىمەن كەڭەس وتەدى”، - دەدى ول.

«جولاۋشىلاردى تاسىمالداۋ» اق دامۋ بويىنشا ۆيسە-پرەزيدەنتى دانيار نۇرماعانبەتوۆ جسن ارقىلى تەمىر جول بيلەتىن ساتىپ الۋ كەلەر جىلى پيلوتتىق رەجيمدە قوسىلۋى مۇمكىن ەكەنىن ايتتى.

“رەسەي تەمىر جول بازاسىندا بولعان سوڭ بارلىق وزگەرىستەردى بىرلەسە اتقارۋىمىز كەرەك. بازا ورتالىقتاندىرىلعان. بۇل رەسەي عانا ەمەس، تمد ەلدەرى قولداناتىن كەڭەس زامانىندا ازىرلەنگەن تاريحي باعدارلاما. ال اقپاراتتىڭ بارلىعى قازاقستاندىق سەرۆەردە ورنالاسقان”،- دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي