BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

الىپ ٴتيىندى تۇرعىزۋ ٴۇشىن قانشا قاراجات جۇمسالعانى بەلگىلى بولدى

فوتو: Автор

الماتىداعى الىپ ٴتيىندى تۇرعىزۋعا 23 ميلليون تەڭگە جۇمسالعان، ونىڭ 15 ميلليونى مەملەكەت قارجىسى، قالعانىن funk كرەاتيۆتى اگەنتتىگى تولەگەن، دەپ حابارلايدى baq.kz اقپارات اگەنتتىگىنىڭ ٴتىلشىسى.

بۇل جايىندا funk كرەاتيۆتى اگەنتتىگىنىڭ ديرەكتورى مايرا يزمايلوۆا اتالعان ٴمۇسىننىڭ اشىلۋ ٴراسىمى بارىسىندا ايتتى.

«بۇل ٴتيىن الەۋمەتتىك جەلىلەردە جازىلىپ جاتقانداي ميلليارد تەڭگە تۇرمايدى. بۇل مەملەكەت پەن funk كرەاتيۆتى اگەنتتىگىنىڭ بىرلەسكەن جوباسى. ٴتيىننىڭ جالپى قۇنى 23 ملن تەڭگە، ونىڭ 15 ملن-ىن مەملەكەت كوتەردى، قالعانىن ٴبىز وتەدىك. بۇل دەگەنىڭىز – 15 توننا تەمىر، 3 توننا سابان، 3 توننا اعاش، سۋرەتشىلەردىڭ گانورارى ٴارى وتە ۇلكەن لوگيستيكالىق جۇمىس. ونىڭ ۇستىنە ۇلكەن پياردى قاجەت ەتەدى، سوندىقتان بۇل جارتى جىلدا اتقارىلعان وتە اۋقىمدى جۇمىس»، - دەيدى م. يزمايلوۆا.

سونىمەن قاتار، ول اتالعان نىساننىڭ ورتكە قاۋىپسىزدىگى دە قالىس قالماعاندىعىن اتاپ ٴوتتى.

«ٴقازىر ورتكە قارسى ٴتۇرلى سۇيىقتىقتار بار. ٴمۇسىننىڭ ىشىندە سونداي قۇرال بار، ول + 90 گرادۋستان اسقان كەزدە وزدىگىنەن جارىلىپ، ٴمۇسىننىڭ ورتكە ورانۋىنا جول بەرمەيدى. سونىمەن قاتار، ٴورت شىعا قالعاندا ٴورت ٴسوندىرۋ قىزمەتىنە بىردەن حابارلاما تۇسەدى. ٴمۇسىننىڭ جان-جاعىنا بەينەكامەرا دا ورناتىلدى. سوندىقتان ونى قاساقانا ورتەگەن ادام جاۋاپكەرشىلىكتەن وڭاي قۇلتىلا المايدى»، - دەيدى ول.

جوبا جەتەكشىلەرىنىڭ ايتۋىنشا، «الماتى – جىلى قالا» جوباسى اياسىندا جالپى 16 بىرەگەي ارت-قۇرىلىم بوي كوتەرمەك. ولاردىڭ ىشىندە ٴتۇرلى مۇسىندەر، ينستاللياسيالار، ارت-ورىندىقتار، اشىق دالاداعى كينوتەاتر، ٴموبيلدى كىتاپحانا بار.

الماتى اكىمدىگىنىڭ مادەنيەت باسقارماسى جەتەكشىسىنىڭ ورىنباسارى نايليا مۋليۋكوۆا قالادا سالىناتىن ارت-قۇرىلىمدار بايقاۋدىڭ ەكى كەزەڭىنىڭ ناتيجەسىندە تاڭداپ الىنعانىن جانە وعان اكىمدىك تاراپىنان قولداۋ بولعانىن اتاپ ٴوتتى.

«بايقاۋ اشىلعالى جاسالعان 16 جوبانىڭ جۇمىسىنا 78 ملن تەڭگە جۇمسالدى. اكىمدىكتىڭ شارتىندا كورسەتىلگەندەي قاراجاتتىڭ ٴبىر بولىگىن funk اگەنتتىگى ٴوزى كوتەرۋ كەرەك بولدى. ياعني، ٴوز تاراپىنان دەمەۋشىلەر تارتۋى جۇكتەلدى. ٴقازىر قالادا جاسالىپ جاتقان كوپتەگەن جوبا دەمەۋشىلەردى تارتۋ ارقىلى جاسالىپ وتىر»، - دەيدى ول.

باستاما اۆتورلارىنىڭ سوزىنە سەنسەك، «الماتى – جىلى قالا» جوباسى ٴبىر رەت قانا وتكىزىلەتىن اكسيا ەمەس. ولار نازاردى وزىنە اۋدارۋ ارقىلى قالانىڭ ٴتۇرلى ورتالىقتارىنىڭ دامۋىنا ٴوز اسەرىن تيگىزبەك.

«كەلەشەكتە ٴبىز تاعى دا جاڭا شىعارماشىلىق بايقاۋلاردى وتكىزۋدى جوسپارلاپ وتىرمىز. ارت-قۇرىلىمدار الماتىنىڭ بارلىق اۋدانىنىڭ كورىنىسىن وزگەرتەدى دەگەن ۇمىتتەمىز. ٴبىز، الماتىلىقتار، قالامىز قازىرگى زامانعا ساي، تۇرۋعا ىڭعايلى جانە الەمنىڭ ەڭ اسەم قالالارىنىڭ قاتارىنا كىرۋگە لايىقتى ەكەنىن بىلەمىز»، - دەيدى funk كرەاتيۆتى اگەنتتىگىنىڭ ديرەكتورى مايرا يزمايلوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي