BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

العاش رەت altyn shipager مەديسينالىق جۇلدەسىنىڭ يەگەرلەرى انىقتالدى

استانادا مەديسينالىق قىزمەتكەرلەر كۇنىنە وراي ۇيىمداستىرىلعان altyn shipager ٴبىرىنشى مەديسينالىق جۇلدەسىنىڭ جەڭىمپازدارى انىقتالدى، دەپ حابارلايدى baq.kz ٴتىلشىسى.

ۇسىنىلعان ستاتۋەتكانىڭ نەگىزى كانن كينوفەستيۆالىنىڭ «التىن پالما بۇتاعى» سىيلىعىنان الىنعان. لاۆر جاپىراعى دەنساۋلىق پەن ۇزاق عۇمىردى بىلدىرەدى.

العاشقى ماراپاتتاۋ كەشىندە بىلىكتىلىگىمەن جانە كاسىبيلىگىمەن كوزگە تۇسكەن مەديسينا ماماندارى «جىل دارىگەرى»، «ۇزدىك ەپيدەميولوگ»، «ماماندىعىنا ادالدىق»، «سيفرلاندىرۋ كوشباسشىسى»، «دەنساۋلىق ساقتاۋ ٴىسىنىڭ ۇزدىك مەنەدجەرى»، «بىرەگەي وتا جاساعانى ٴۇشىن»، «ۇزدىك جەدەل-جاردەم بريگاداسى» سىندى 10 اتالىم بويىنشا ماراپاتتالدى.

سالتاناتتى شارانى اشقان استانا قالاسىنىڭ اكىمى اسەت يسەكەشەۆ مەديسينا سالاسىنا قوسقان ۇلەسى ٴۇشىن ارداگەر دارىگەرلەردى ماراپاتتادى. ولاردىڭ اراسىندا سەرىك اقشولاقوۆ، مىرزاكارىم الشىنبايەۆ، اباي بايگەنجين، نۇرلان باتپەنوۆ، ۆالەريي بەنبەرين، ماقسۇت قۇلجانوۆ، قادىر وماروۆ، يۋريي پيا، نادەجدا پەتۋحوۆا بار.

ماراپاتتاۋ كەشىندە وتاندىق ەسترادا جۇلدىزدارى سۇندەت بايعوجين، داستان ورازبەكوۆ، باۋىرجان يسايەۆ، جەڭىس ىسقاقوۆا، الماس كىشكەنبايەۆ، «فورمات» توبى ونەر كورسەتتى.

سونىمەن «جىل دارىگەرى» نوميناسياسى №1 قالالىق اۋرۋحانانىڭ وتولارينگولوگيا ورتالىعىنىڭ جەتەكشىسى گۇلميرا مۇحامەديەۆاعا بەرىلسە، «ۇزدىك ەپيدەميولوگ» اتالىمىندا 20 جىلدان استام ۋاقىت بويى قالاداعى ەپيدەميولوگيالىق جاعدايدى باقىلاپ كەلە جاتقان سارحات بەيسەنوۆا جەڭىمپاز اتاندى.

سونداي-اق، مەديسينا قىزمەتكەرلەرى كۇنىندە بەلگىلى وپەرا ٴانشىسى سۇندەت بايعوجين دە ارنايى ماراپاتقا يە بولدى. بۇل ەرەكشە جۇلدە انشىگە ناۋقاستارعا قول ۇشىن سوزىپ، قايىرىمدىلىق جاساعانى ٴۇشىن تابىستالدى.

ال «دياگنوستيكا مەن ەمدەۋدىڭ جاڭا ٴادىسىن ەنگىزگەنى ٴۇشىن» نوميناسياسىندا ونكولوگيالىق ورتالىقتىڭ باس جانە مويىن قاتەرلى ىسىگى ٴبولىمىنىڭ مەڭگەرۋشىسى دارحان احمەدين جەڭىسكە جەتتى.

سونىمەن قاتار قر پارلامەنتى ٴماجىلىسىنىڭ دەپۋتاتى زاۋرەش امانجولوۆا «ماماندىققا ادالدىق» اتالىمىنىڭ جەڭىمپازىن ماراپاتتادى. اتالعان جۇلدە مەديسينا عىلىمدارىنىڭ كانديداتى، «استانا مەديسينا ۋنيۆەرسيتەتى» اق دەنساۋلىق ساقتاۋداعى مەنەدجمەنت جانە ساراپتامالىق قىزمەت دوسەنتى بالابي ايعوجينگە بۇيىردى.

سونداي-اق altyn shipager ٴبىرىنشى مەديسينالىق جۇلدەسىنىڭ «دەنساۋلىق ساقتاۋ ٴىسىنىڭ ۇزدىك مەنەدجەرى» نوميناسيسىندا №2 قالالىق اۋرۋحانانىڭ باس دارىگەرى لي يۆان جەڭىسكە جەتسە، «سيفرلاندىرۋ كوشباسشىسى» نوميناسياسىندا №8 قالالىق اۋرۋحانانىڭ باس دارىگەرى ايگۇل قاسىموۆا ۇزدىكتەردىڭ قاتارىنان كورىندى.

«بىرەگەي وتا جاساعانى ٴۇشىن» نوميناسياسىندا №1 پەريناتالدى ورتالىعى نەوناتالدى حيرۋرگيا ٴبولىمىنىڭ جەتەكشىسى، بىلىكتى دارىگەر اسىلجان ەرەكەشەۆ جەڭىمپاز اتاندى.

«جەكە مەديسينالىق قىزمەتتى ۇزدىك جەتكىزۋشى» رەتىندە «سالاۋاتتى استانا» مەديسينالىق ورتالىعى تانىلدى. اتالعان ورتالىقتى لەيلا يشبايەۆا باسقارادى.

سونىمەن قاتار «ۇزدىك جەدەل-جاردەم بريگاداسى» نوميناسياسىندا تيمۋر سەيتەنوۆ، قايرات قۇدابايەۆ، بەكزات كۋلبابايعا بەرىلىپ، ولاردىڭ ەڭبەگى جوعارى باعالاندى.

ال «اقپاراتتىق سەرىكتەس» نوميناسياسىندا «حابار.24» تەلەارناسى جەڭىسكە جەتتى.

altyn shipager ٴبىرىنشى مەديسينالىق جۇلدەسىنىڭ «تەلەارنانىڭ ارنايى سىيلىعى – ابزال جان» نوميناسياسى التىنشاش تابىلديناعا بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
30 مامىر 2018, 17:55
altyn bank باسشىسى اۋىستى
كوممەنتاريي