BAQ.kz - Қазақстан жаңалықтары USD 365.49 BAQ.kz - Қазақстан жаңалықтары EUR 420.35 BAQ.kz - Қазақстан жаңалықтары RUB 5.6
استانا:

الەمدىك جانە ٴداستۇرلى دىندەر كوشباسشىلارى سەزىنىڭ دەكلاراسياسى قابىلداندى

فوتو: Нұржас Жақсыбай

بۇگىن استانادا الەمدىك جانە ٴداستۇرلى دىندەر كوشباسشىلارىنىڭ vi سەزى اياقتالىپ، قورىتىندى قۇجات – دەكلاراسيا قابىلداندى، دەپ حابارلايدى baq.kz ٴتىلشىسى.

سەنات ٴتوراعاسى، الەمدىك جانە ٴداستۇرلى دىندەر كوشباسشىلارى سەزى حاتشىلىعىنىڭ جەتەكشىسى قاسىم-جومارت توقايەۆ سەزگە قاتىسقان ازاماتتاردىڭ بارلىعىنا العىسىن ٴبىلدىردى.

«الەمدىك جانە ٴداستۇرلى دىندەر كوشباسشىلارىنىڭ vi سەزى ٴوز جۇمىسىن اياقتاۋدا. سەزدىڭ جالپى جانە سەكسيالىق وتىرىستارىندا ٴقاۋىپسىز الەمدى نىعايتۋعا جانە رۋحانيات، ٴدىني داستۇرلەردىڭ ٴرولىن ارتتىرۋعا باعىتتالعان قۇندى باستامالار كوتەرىلدى. وسى سيپاتتاعى قارىم-قاتىناستار ٴوز جالعاسىن تاباتىنىنا جانە نىعايا تۇسەتىنىنە سەنەمىن. سەزدىڭ تۇپكى ماقساتى دا وسىنى كوزدەيدى. بارلىق كونفەسسيا وكىلدەرىنىڭ بەلسەندىلىگى مەن ٴوزارا ٴىس-قيمىلدارى قارقىنىن جوعالتپاۋى ٴتيىس. فورۋم بارىسىندا اشىق ايتىلعان مازمۇندى وي-پىكىرلەر مەن ۇسىنىستاردى تەرەڭ زەردەلەپ، وي ەلەگىنەن وتكىزۋ قاجەت. وسى سەزدە الەمنىڭ جاڭا بەينەسىنە قاتىستى ورتاق كوزقاراس پەن ورتاق تۇسىنىستىك بار ەكەنىنە كوز جەتكىزدىك»، - دەدى توقايەۆ.

سەنات ٴتوراعاسىنىڭ ايتۋىنشا، بۇگىنگى تاڭدا سەزدىڭ شىنايى الاڭى - استانا عانا ەمەس، بارشا الەم قاۋىمداستىعى. سەبەبى، بۇكىل الەمدە ٴار الۋان ٴدىندى ۇستاناتىن ادامدار قازاقستاننىڭ ەلورداسىنداعى كەزدەسۋگە زور ۇمىتپەن كوز تىگىپ وتىر.

«ۇرىس-جانجال مەن ۇرەيدەن قاجىعان ميلليونداعان ادام بەيبىتشىلىكتى، تۇراقتىلىقتى، تىنىشتىقتى قالايدى. حالىقتار شىن مانىندە بىتىمگەرشىلىككە ٴزارۋ ەكەنى انىق. بۇگىن وسى زالدا ٴوتىرعاندىن جەتەكشىلەرى، بەلگىلى ساياساتكەرلەر مەن حالىقارالىق ۇيىم باسشىلارى ٴوز مەملەكەتتەرى مەن حالقىنا التىنشى سەزدىڭ قورىتىندىسىن جەتكىزەدى دەپ ۇمىتتەنەمىن. سىزدەر دەكلاراسيانىڭ نەگىزگى شەشىمدەرىن ازاماتتىق قوعامنىڭ بۇكىل الەمدەگى ينستيتۋتتارى ارقىلى بەلسەندى تۇردە ناسيحاتتايسىزدار دەپ سەنەمىن. الەمدىك جانە ٴداستۇرلى دىندەر كوشباسشىلارى سەزىنىڭ دەكلاراسياسىن حاتشىلىق دايىندادى. ونى سىزدەردىڭ وكىلدەرىڭىز، حاتشىلىق مۇشەلەرى جانە جۇمىس توبىنىڭ مۇشەلەرى پىسىقتادى. ودان كەيىن قورىتىندى قۇجات ٴدىني كوشباسشىلار كەڭەسىندە ماقۇلداندى. وسىلايشا، بۇگىن دەكلاراسيا قابىلداندى»، - دەدى قاسىم-جومارت توقايەۆ.

فوتو: نۇرجاس جاقسىباي

سونداي-اق، شارانىڭ جابىلۋ سالتاناتىندا الەمدىك جانە ٴداستۇرلى دىندەر كوشباسشىلارى سەزىنىڭ 15-جىلدىعىنا وراي شىعارىلعان پوشتا ماركالارى تانىستىرىلدى. ماركالار 20 مىڭ دانا تيراجبەن جارىققا شىقتى.

ەسكە سالا كەتسەك، الەمدىك جانە ٴداستۇرلى دىندەر كوشباسشىلارىنىڭ vi سەزى كەشە قازاقستان پرەزيدەنتى نۇرسۇلتان نازاربايەۆتىڭ قاتىسۋىمەن باستالعان ەدى. سەزد جۇمىسىنا بارلىق الەمدىك جانە ٴداستۇرلى دىندەردىڭ وكىلدەرى، بەدەلدى ٴدىني كوشباسشىلار، ساياسي قايراتكەرلەر مەن حالىقارالىق ۇيىم وكىلدەرىنەن قۇرالعان 46 ەلدەن 82 دەلەگاسيا قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي