BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

الەمدىك ساياسي وقيعالار مەن داعدارىستار كەزىندە جۋرناليستيكانىڭ اتقارار ٴرولى مەن ماڭىزى قانداي؟

جەر بەتىندەگى كليمات سەكىلدى ساياسي مەتەورولوگيا دا ۇنەمى وزگەرىپ وتىرادى. الەمدەگى ٴتۇرلى ەكونوميكالىق-ساياسي سانكسيالار، اسكەري قارۋلى كۇشتەر، ديپلوماتيا مەن باق-تىڭ ٴسوز بوستاندىعىنا كەدەرگى كەلتىرەتىن ارەكەتتەر قازىرگى قوعامنىڭ ۇيرەنشىكتى جاعدايىنا اينالدى. وسىنداي كەزەڭدەردە جۋرناليستيكانىڭ ٴرولى قانداي؟ وسى سۇراقتار ەۋرازيا مەديا فورۋمىندا تالقىلانادى، دەپ حابارلايدى baq.kz اقپارات اگەنتتىگى.

جيىنعا قاتىساتىن سپيكەرلەر: قر-نىڭ سىرتقى ىستەر ٴمينيسترى كايرات ابدراحمانوۆ، يتاليانىڭ ەكس پرەمەر-مينيسترى ماتتەو رەنسي، بۇۇ-نىڭ جەنەۆاداعى ٴبولىمىنىڭ مەڭگەرۋشىسى داۆيد چيكۆايدزە، اقش-تىڭ (2011-2014) قىتايداعى ەلشىسى گەري لوك.

سەسسيا مودەراتورى «پۋليتسەر» سىيلىعىنىڭ يەگەرى، «نيۋ-يورك تايمس» گازەتىنىڭ كولۋمنيستى نيكولاس كريستوف بولادى.

باق بولعان جەردە سارى باسىلىمدار مەن بۇرمالانعان جاڭالىقتار، ارانداتۋشىلار مەن جالعان اقپاراتتاردىڭ بولۋى زاڭدىلىق. سونداي-اق، جالعان اقپاراتتى قولدان جاسايتىن مۇددەلى توپتاردىڭ دا بار ەكەنىن ەسكەرۋ قاجەت. اقپاراتتىق تەحنولوگيا دامىعان زاماندا فەيك-جاڭالىقتار جاساۋ، ونى الەۋمەتتىك جەلىلەر ارقىلى تاراتۋ ٴتىپتى وڭاي. وسىنداي ارەكەتتەردىڭ قوعامعا كەرى اسەرىن تيگىزەتىنى بەلگىلى. الدىن الۋ جولدارى قانداي؟ بۇل تۋرالى ەقىۇ-نىڭ باق بوستاندىعى جونىندەگى وكىلى ارلەم دەزير، «new day strategy» كومپانياسىنىڭ باسشىسى، ساياسي ستراتەگ رودجەر فيسك، جۋرناليست، ساياساتكەر، قۇقىق قورعاۋشى اندرەي بۋزاروۆ، zaborona.com جوباسىنىڭ نەگىزىن قالاۋشى، تەلەجۋرناليست كاتەرينا سەرگاسكوۆا، «hashtag our stories» نەگىزىن قالاۋشى يۋسۋف ومار سىندى ساياساتكەرلەر مەن جۋرناليستەر ٴسوز قوزعايتىن بولادى.

سونىمەن قاتار، ەۋروپالىق وداق ەۋروپالىق تۇراقتىلىق پەن وركەندەۋدىڭ ىرگەتاسى بولىپ سانالادى. الايدا، سوڭعى جىلدارداعى ساياسي قيىندىقتار مەن الەمدىك وقيعالار ەۋرووداقتى اينالىپ وتپەگەنى راس. وسىنداي قيىنشىلىقتاردا ەۋرووداقتىڭ اتقارار ٴرولى قانداي؟ بولاشاعى مەن مۇمكىندىگى قانداي؟ بۇل پروبلەمالار مەديانارىقتا قالاي تالقىلانىپ جاتىر؟ وسى تاقىرىپ توڭىرەگىندە وي بولىسەر سپيكەرلەر قاتارىندا ۇلىبريتانيانىڭ سىرتقى ىستەر مينيسترلىگىنىڭ ٴباسپاسوز حاتشىسى سايمون ماكگي، يتاليا پارلامەنتىنىڭ مۇشەسى، ساياسي قايراتكەر جۋرناليست دەبورا بەرگاميني جانە تاعى باسقا ايتۋلى الەم ساياساتكەرلەرى بار. شارا مودەراتورى: جازۋشى، تەلەجۇرگىزۋشى، bbc europe ارناسىنىڭ رەداكتورى گەۆين حيۋيتت.

وسى جانە وزگە دە وزەكتى تاقىرىپتار فورۋمنىڭ ەكىنشى كۇنىندە تالقىلاناتىن بولادى.

ايتا كەتەيىك، فورۋم 22-24 مامىر كۇندەرى الماتى قالاسىنداعى the ritz carlton وتەلىندە وتەدى.

جالپى، ٴۇش كۇندى قامتيتىن شاراعا 500-دەن استام وتاندىق جانە الەمدىك تانىمال سپيكەرلەر، ساياساتتانۋشىلار مەن قوعام قايراتكەرلەرى قاتىسىپ، مەديا سالاسىنىڭ وزەكتى ماسەلەلەرى قوزعالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي