BAQ.kz - Қазақстан жаңалықтары USD 366.86 BAQ.kz - Қазақстан жаңалықтары EUR 424.49 BAQ.kz - Қазақстан жаңалықтары RUB 5.6
استانا:

الەكساندر ۆۋچيچ دىندەر سەزىنە جوعارى باعا بەردى

فوتو: Sputnik Қазақстан

قازاقستانعا رەسمي ساپارمەن كەلگەن سەربيا رەسپۋبليكاسىنىڭ پرەزيدەنتى الەكساندر ۆۋچيچ الەمدىك جانە ٴداستۇرلى دىندەر كوشباسشىلارىنىڭ vi سەزىنىڭ جۇمىسىنا جوعارى بەردى، دەپ حابارلايدى baq.kz ٴتىلشىسى.

«2003 جىلى قازاقستان پرەزيدەنتىنىڭ الەمدىك ٴدىن باسشىلارىنىڭ باسىن قوسۋ تۋرالى باستاماسى ناتيجەسىندە بارلىق ٴدىن باسشىلارى وزدەرىنىڭ قۇندى يدەيالارىمەن ٴبولىسىپ كەلەدى. يسلام ٴدىنى، پراۆوسلاۆ ٴدىنى، وزگە دە دىندەردىڭ وكىلدەرى باس قوسقان وسى جيىندا مەن دە ٴوز پىكىرىمدى بىلدىرسەم دەيمىن. ياعني ٴبارىمىزدىڭ مۇددەمىز، مىندەتىمىز – الەمدەگى وركەنيەتتى قورعاۋ. وسى فورۋمعا قىزىعۋشىلىق تانىتۋىمىزدىڭ سەبەبى - مۇندا تۇراقتى ديالوگتىڭ بولۋى»، - دەدى مەملەكەت باسشىسى.

الەكساندر ٴۆۋچيچتىڭ پىكىرىنشە، ٴتۇرلى ٴدىن وكىلدەرىنىڭ ٴبىر ۇستەلدە باس قوسۋى الەمدەگى بەيبىتشىلىكتى نىعايتۋعا سەپتىگىن تيگىزەدى ەكەن.

«قازىرگى تاڭدا ٴدىن كوشباسشىلارى – الەمدىك دەڭگەيدەگى بەدەلدى تۇلعالار. سوندىقتان ولاردىڭ ايتقان يدەيالارى، نەگىزگى ىلىمدەرى قۇندىلىقتارعا نەگىزدەلەدى. گەوساياسات وكىلدەرىنىڭ ٴدىن باسشىلارىنىڭ سوزدەرىنە قۇلاق اسپايتىن كەزدەرى بار. ال تۇپتەپ كەلگەندە الەمدىك ٴدىن باسشىلارىنىڭ يدەياسى - حالىقارالىق قۇقىققا نەگىز بولىپ وتىرعانىن اتاپ وتكەن ٴجون. ٴاربىر ادامنىڭ جەكە باسىن قۇرمەتتەمەيىنشە، ٴبىز تۇراقتىلىققا قول جەتكىزە المايمىز»، - دەپ تۇيىندەدى ٴسوزىن سەربيا پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي