BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

الداعى جىلى استانادا 10 مىڭعا جۋىق اقىلى اۆتوتۇراق پايدالانۋعا بەرىلەدى

استانا، baq.kz. اقىلى تۇراقتار جۇمىسىن باستاعالى ولاردىڭ قىزمەتىن جارتى ميلليوننان استام جۇرگىزۋشى پايدالاندى. بۇل تۋرالى ەلوردا اكىمدىگىنىڭ رەسمي سايتى حابارلادى.

«استانانىڭ كولىك تۇراعى كەڭىستىگى» جشس-دە مالىمدەگەندەي، 2019 جىلدىڭ سوڭىنا دەيىن قالا اۋماعىندا 10 مىڭ اقىلى تۇراق ورىندارى پايدا بولادى دەپ جوسپارلانۋدا.

«اقىلى تۇراق ورىندارىن ىسكە قوسۋدىڭ كەلەسى كەزەڭى سول جاق جاعالاۋداعى قونايەۆ، دوستىق كوشەلەرىندە، وڭ جاق جاعالاۋداعى كەڭەسارى، بەيبىتشىلىك، سەيفۋللين، جەلتوقسان جانە جەڭىس كوشەلەرىندە جۇزەگە اسادى. اۆتوقۇمارلارعا ٴبىر اي بۇرىن حابارلايمىز. اقىلى تۇراقتار پايدا بولاتىن ورىنداردا بۇل جەردىڭ الداعى ۋاقىتتا اقىلى بولاتىنى تۋرالى ەسكەرتۋ سيپاتىنداعى اقپاراتتىق قالقاندار ورناتىلاتىن بولادى»،- دەدى كومپانيانىڭ ٴباسپاسوز حاتشىسى ا. امانتايەۆا.

اۆتوتۇراقتاردى پايدالانۋشىلاردىڭ پىكىرىن سارالاي كەلە، 10 ايلىق جۇمىستىڭ ناتيجەسىندە اقىلى تۇراقتار جۇيەسى كولىكتەردىڭ جول بويىندا بەي-بەرەكەت قويىلۋىن بولدىرماۋعا، نۇرجول جەلەكجولىن جاياۋ جۇرگىنشىلەر ٴۇشىن ٴقاۋىپسىز ەتۋگە سەپتىگىن تيگىزدى. جەلەكجول ماڭىنداعى كوشەلەردىڭ وتكىزۋ قابىلەتى دە ەداۋىر ۇلعايدى.

«اقىلى تۇراقتار تۋريستەر ٴۇشىن ىڭعايلى بولدى. قىدىرۋشى تۋريستەر ەندى نۇرلىجول جەلەكجولىندا قىمتىرىلماي، بەي-بەرەكەت قويىپ تاستاعان كولىكتەر اراسىنان وتەتىن ورىن ىزدەپ جۇرمەيتىن بولدى. ەندى دەمالۋشىلار نۇرلىجول جەلەكجولىنىڭ ەكىنشى جاعىنا ەركىن وتە بەرەدى. جوبانىڭ ماقساتى دا وسى بولاتىن. كوپشىلىك ويلاعانداي تابىس تابۋ ەمەس، باستىسى ىڭعايلىلىق»، - دەدى ا.امانتايەۆا.

ول سونىمەن قاتار، 23 ساۋىردەن باستاپ اقىلى تۇراق ەرەجەسىن بۇزعانى ٴۇشىن ايىپپۇل ەسەبىنەن استانا بيۋدجەتىنە 66،7 ملن تەڭگەنىڭ قۇيىلعاندىعىن جەتكىزدى.

«استانانىڭ كولىك تۇراعى كەڭىستىگى» ٴجشس-نىڭ كومپانياسى ازىرگە اقىلى تۇراقتىڭ تولەم قۇنى وزگەرمەيتىنىن ايتتى. «اقىلى تۇراق قۇنىن كوتەرۋ 2019 جىلدىڭ كۇزىندە قارالادى»، - دەدى امانتايەۆا.

ەستەرىڭىزگە سالا كەتەيىك، پيلوتتىق رەجيمدەگى جوبا 2018 جىلدىڭ 15 قاڭتارىندا نۇرلىجول جەلەكجولىندا ىسكە قوسىلدى. اكىمشىلىك ورتالىقتا 487 ايماقتىڭ ٴ24-ى سەرتيفيكاتتالعان ارنايى جابدىقتارمەن – پاركومات، جول بەلگىلەرى، اقپاراتتىق تاقتا جانە تاڭبالارمەن جابدىقتالىپ، اقىلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي