BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الداعى ٴۇش كۇندە كۇن سۋىتىپ، قار ارالاس جاڭبىر جاۋادى

الداعى ٴۇش كۇندە رەسپۋبليكانىڭ كوپتەگەن وبلىسى جوعارى سيكلوننىڭ جانە سوعان بايلانىستى اتموسفەرالىق فرونتتىڭ اسەرىندە بولادى. قازاقستان اۋماعىنان وتەتىن اتموسفەرالىق فرونتتار سولتۇستىك بولىگىندە قار، وڭتۇستىكتە جاۋىن-شاشىن، سوڭى قارعا اينالاتىن جاڭبىر، سونىمەن قاتار، تۇمان، كوكتايعاق جانە تەمپەراتۋرانىڭ تومەندەۋىنە الىپ كەلەدى، دەپ حابارلايدى baq.kz اقپارات اگەنتتىگى قازگيدرومەتكە سىلتەمە جاساپ.

باتىس جانە سولتۇستىك وبلىستاردا تەمپەراتۋرا كليماتتىق نورمادان 3-7وس تومەن بولادى، فرونتتاردىڭ وتۋىنە بايلانىستى قالعان اۋماقتا دا كۇن سۋىتادى.

12-14 ناۋرىزدا الماتى، جامبىل، وڭتۇستىك-قازاقستان وبلىستارى بويىنشا جاۋىن-جاشىن، كەي جەرلەردە قاتتى جاڭبىر جۋۋى بولجانادى. وسىعان بايلانىستى، مۇزدىق قۇبىلىستاردىڭ السىرەپ وزەن ارنالارى قىسىلىپ (الماتى وبلىسىندا)، جازىقتىق جەرلەردە جانە تاۋلى وزەندەردە بەتكەيلى اعىننىڭ پايدا بولۋى مۇمكىن. سۋ دەڭگەيلەرى كوتەرىلىپ، جايىلما بولۋى ىقتيمال.

10 ناۋرىزداعى جەردى قاشىقتىقتان زوندتاۋ (جقز) سۋرەتتەرى بويىنشا الماتى وبلىسى تەرريتورياسىنىڭ 22%-دا، جامبىل وبلىسى تەرريتورياسىنىڭ 3%-دا، وڭتۇستىك-قازاقستان وبلىسى تەرريتورياسىنىڭ 3%-دا قار جامىلعىسى بارى انىقتالدى.

12-13 ناۋرىزدا قىزىلوردا وبلىسىندا سىرداريا وزەنىندە مۇزدىق قۇبىلىستاردىڭ السىرەپ وزەن ارنالارى قىسىلىپ سۋ دەڭگەيى كوتەرىلىپ، ارناسىنان اسۋ ٴقاۋپى بولجانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي