BAQ.kz - Қазақстан жаңалықтары USD 369.01 BAQ.kz - Қазақстан жаңалықтары EUR 416.39 BAQ.kz - Қазақстан жаңалықтары RUB 5.53
استانا:

اقتوبەدە جاسوسپىرىمدەر اراسىنداعى قىلمىس تومەندەدى

استانا، baq.kz. اقتوبە وبلىسى پوليسيا دەپارتامەنتىنىڭ مەملەكەتتىك ورگاندار جانە ۇكىمەتتىك ەمەس ۇيىمدار مەن قوعامدىق بىرلەستىكتەرمەن بىرلەسە جۇمىس ىستەۋى ناتيجەسىندە وڭىردە اسىرەسە جاسوسپىرىمدەر اراسىندا قىلمىس ازايدى.

اقتوبە وبلىسى پد ٴباسپاسوز قىزمەتىنىڭ مالىمەتىنشە اعىمداعى جىلدىڭ 10 ايىنىڭ قورتىندىسى بويىنشا جاسوسپىرىمدەرمەن جاسالىناتىن قىلمىستار سانى 2،3 % پايىزعا، بۇرىن سوتتالعاندارمەن 32 % پايىزعا، الكوگولدى ىشىمدىك ىشكەن كۇيىندە 18 % جانە تۇرمىستىق قۇقىقبۇزۋشىلىقتار 12،5 % -عا ازايدى.

سونىمەن قاتار، يۋۆەنالدى پوليسيا يسپەكتورلارى كۇن سايىن اۋلالار مەن ساياباقتاردى، سكۆەرلەردى، جاستاردىڭ كوپ شوعىرلاناتىن جەرلەرىن جانە كوڭىل كوتەرۋ ورىندارىن ٴجيى قاداعالاپ،رەيدتىك شارالار وتكىزۋ بارىسىندا ولاردىڭ تۇنگى مەزگىلدەردە زاڭدى وكىلدەرىنسىز جۇرگەندەرى مەن سۋىق جانە وق قارۋىن زاڭسىز ساقتاۋ فاكتىلەرىن انىقتاۋعا دا ٴجىتى نازار اۋداردى.

پوليسيانىڭ ٴپاترۋلدى جاساقتارى كوڭىل كوتەرۋ مەن ويىن-ساۋىق ورىندارىن ٴجىتى نازارعا الادى.

وتكەن اپتادا ىشكى ىستەر ورگاندارىنا 100-گە تارتا ٴجاسوسپىرىم اكەلىندى. ولاردىڭ 50-دەن استامى تۇنگى مەزگىلدە زاڭدى وكىلىنسىز ٴوز بەتتەرىمەن جۇرگەندەر بوپ شىقتى. ولاردىڭ اتا-انالارى اكىمشىلىك جاۋاپكەرشىلىككە تارتىلدى.

سونىمەن قاتار جىل باسىنان بەرى وبلىس اۋماعىندا قارۋ قولدانىپ جاسالىناتىن قىلمىستاردىڭ الدىن الۋ ماقساتىندا «قارۋ» جەدەل پروفيلاكتيكالىق ٴىس شاراسى قولعا الىنىپ، پوليسيا قىزمەتكەرلەرى زاڭسىز اينالىمنان 7 اتىس قارۋىن تاركىلەدى. سونداي-اق، ازاماتتىق قارۋدى ساقتاۋ ەرەجەسىن ورىنداماعانى ٴۇشىن 50 قارۋ يەسى اكىمشىلىك جاۋاپكەرشىلىككە تارتىلىپ، 19 قارۋ تاركىلەندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي