BAQ.kz - Қазақстан жаңалықтары USD 342.49 BAQ.kz - Қазақстан жаңалықтары EUR 400.85 BAQ.kz - Қазақстан жаңалықтары RUB 5.51
استانا:

اقتوبەدە نيگەريالىق ازامات وتانىنا قايتا الماي ٴجۇر

فوتو: newtimes.kz

ماناس وگارايو نيگەريادان اقتوبەگە اعىلشىن ٴتىلىن ۇيرەتۋ ٴۇشىن كەلگەن. ول قازاقستاندا بەلگىلەنگەن مەرزىمنەن ۇزاعىراق ۋاقىت ٴجۇرىپ، كوشى-قون تۋرالى زاڭدى بۇزعاندىقتان، ەلىنە قايتا الماي ٴجۇر، دەپ حابارلايدى baq.kz اقپارات اگەنتتىگى newtimes.kz سايتىنا سىلتەمە جاساپ.

نيگەريانىڭ 34 جاستاعى ازاماتى اقتوبەدە تەمىرجول ماڭىنداعى قوناق ۇيدە تۇرىپ جاتىر. جەرگىلىكتى تۇرعىن اقشاسى تاۋسىلعان شەتەلدىك ازاماتتى ٴوز قامقورشىلىعىنا العان. باسقا ادامدار ونى تەگىن تاماقتاندىرادى. قوڭىراۋ شالۋعا اقشاسى بولماعاندىقتان، وتباسىمەن الەۋمەتتىك جەلى ارقىلى حابارلاسادى.

«ٴوز ەلىمە ورالۋدى ارماندايمىن. اقتوبەدە جۇرگەن كەزىمدە اكەم قايتىس بولدى، اپكەم اۋىر جاعدايدا. ٴقازىر مەنىڭ اقشام جوق، دەنساۋلىعىم دا سىر بەرە باستادى. ەگەر ەلىمە ورالسام، ەڭ باقىتتا ادام بولار ەدىم»، - دەيدى ول.

شەتەلدىك ازامات اقتوبەگە اعىلشىن ٴتىلىن ۇيرەتۋ ٴۇشىن كەلگەن. عالامتورداعى حابارلاندىرۋ بويىنشا جۇمىس ىزدەپ كەلگەن ول باسشىلىقپەن سوزگە كەلىسپەي قالعان. ول قازاقستاندا بولۋى كەرەك مەرزىمدى وتكىزىپ العان.

«نيگەريا ازاماتى كوشى-قون تۋرالى زاڭدى بۇزعاندىقتان، اقتوبە قالالىق اكىمشىلىك سوتى قازاقستان اۋماعىنان شىعارۋ تۋرالى شەشىم شىعاردى. قازىرگى ۋاقىتتا وبلىستىق ٴىىد كوشى-قون قىزمەتى بۇل ماسەلەمەن اينالىسىپ جاتىر»، - دەيدى اقتوبە وبلىستىق ٴىىد ٴباسپاسوز قىزمەتىنىڭ باسشىسى ەربولات سارقۇلوۆ.

اكىمشىلىك ٴىس قوزعالىپ، سوت شەشىمى شىقتى. ەندى ماناس وگارايو ەل اۋماعىنان اكىمشىلىك جولمەن شىعارىلادى. ال وعان دەيىن اقتوبەلىكتەر شەتەلدىك ازاماتتى ٴوز قامقورشىلىقتارىنا الادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي