USD 335.61 EUR 361.32 RUB 5.26
استانا:

اقتوبەدە لاڭكەستىك وقيعاعا قاتىستى سوت ۇكىمى شىقتى

بۇگىن اقتوبەدە لاڭكەستىك وقيعاعا قاتىستى سوت ۇكىمى شىقتى، دەپ حابارلايدى baq.kz ٴتىلشىسى.

سوتتالۋشى ازامات ٴابدىراحمانوۆ 20 جىلعا، ايدوس جۇبانوۆ 22 جىلعا سوتتالدى. سوتتالۋشىلار ج. قۋانىشبايەۆ، ٴا. اقپانبەتوۆ، ب. قۋانىشبايەۆ، ا. تاڭاتاروۆ، ا. راحمەتوۆ، ا. ساديحوۆ، ا. يماليەۆ ٴومىر بويى باس بوستاندىعىنان ايىرىلدى. قىلمىستى جاسىرىپ قالعان 18 سوتتالۋشى 2 جىلدان 5 جىلعا باس بوستاندىعىنان ايىرىلدى. قىلمىسكەرلەردى جاسىرعان ميرلان ەرداۋوۆ 4 جىلعا سوتتالدى. ال ۇسەن وتەپوۆ 4 جىلعا باس بوستاندىعىن شەكتەۋ جازاسىنا كەسىلدى. ٴومىر بويى تۇرمەگە قامالعاندار ەرەكشە رەجيمدەگى كولونيادا جازاسىن وتەيدى. سونداي-اق، مۇلكى تاركىلەنەدى.

ايتا كەتەيىك، 28 قاراشا كۇنى سوت ۇكىمى شىعاتىندىعى بۇعان دەيىن حابارلاندى. مەملەكەتتىك ايىپتاۋشىلار لاڭكەستىك وقيعاعا قاتىسىپ، قولىنا قارۋ العان 9 سوتتالۋشىنىڭ جەتەۋىن ٴومىر بويى باس بوستاندىعىنان ايىرۋدى سۇراعان بولاتىن.

«اقتوبەدەگى لاڭكەستىك وقيعاعا بايلانىستى قىلمىستىق ٴىس بويىنشا سوتتالۋشىلار سوڭعى ٴسوزىن ايتتى. بىرنەشە قىلمىستىق قۇقىقبۇزۋشىلىق جاساعاندارى ٴۇشىن، ونىڭ ىشىندە تەرروريستىك اكت جاساۋعا تىكەلەي قاتىسقاندارى ٴۇشىن ايىپتالعان سوتتالۋشىلار سوڭعى سوزىندە جاساعان قىلمىستارى ٴۇشىن وكىنىپ، سوتتان ٴومىر بويى باس بوستاندىعىنان ايىرۋ جازاسىن تاعايىنداماۋدى سۇرادى. سوتتالۋشىلار ايدوس جۇبانوۆ پەن ازامات ٴابدىراحمانوۆ سوتتان جەڭىل جازا تاعايىنداۋدى سۇرادى. بۇل سوتتالۋشىلار – تەرروريزم اكتىسىنە تىكەلەي قاتىسقاندار. ال قىلمىس تۋرالى حابارلاماعاندارى جانە قىلمىستى جاسىرىپ قالعاندارى ٴۇشىن ايىپتالعان سوتتالۋشىلار سوتتا وكىنىپ، ولاردى باس بوستاندىعىنان ايىرماۋدى سۇرادى. بۇل جەردە قىلمىستى جاسىرعان رۋستام گاسايەۆ تاعىلعان ايىپتار بويىنشا ونى اقتاۋدى سۇرادى»، – دەگەن بولاتىن يليادا دوسوۆا.

مەملەكەتتىك ايىپتاۋشىلار بىلە تۇرا اقپارات بەرمەگەن 18 سوتتالۋشىنى ايىپتى دەپ تانىپ، ٴ13-ىن 6 جىلعا، تورتەۋىن 4 جىلعا، بىرەۋىن 5 جىلعا باس بوستاندىعىنان ايىرۋدى سۇرادى. ال قىلمىسكەرلەردى جاسىرىپ، پاتەر جالداپ بەرگەن ميرلان ەرداۋوۆتى 4 جىلعا باس بوستاندىعىنان ايىرۋ، ۇسەن وتەپوۆكە 4 جىلعا باس بوستاندىعىن شەكتەۋ جازاسىن تاعايىنداۋدى سۇرادى.

التىناي ساعىندىقوۆا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي