USD 334.31 EUR 355.17 RUB 5.31
استانا:

اقتوبەدە قايتىس بولعان ادامدار دا جەكە كاسىپپەن «اينالىسىپ ٴجۇر»

اقتوبە وبلىسىندا تىركەلگەن جەكە كاسىپكەرلەردىڭ كەيبىرى ٴوزىنىڭ بيزنەس يەسى ەكەنىن بىلمەيدى. كوبى 2000-2005 جىلدارى جەكە كاسىپكەر بولىپ مەملەكەتتىك كىرىستەر باسقارماسىنا تىركەلىپ، كەيىن ونى ۇمىتىپ كەتكەن. ٴقازىر كوبى زەينەتكە شىعىپ، ساۋداگەرلىكتى توقتاتقان. سونىمەن قاتار، قايتىس بولعان اقتوبەلىكتەر جەكە كاسىپكەر تىزىمىنەن شىعارىلماعان. بۇل تۋرالى وبلىستىق كاسىپكەرلىك باسقارماسىنىڭ باسشىسى انار دارجانوۆا ايتتى، دەپ حابارلايدى bnews.kz.

«اقتوبە وبلىسىندا 10 مىڭعا جۋىق كاسىپكەرلىك سۋبەكتىسى جۇمىس ىستەمەي تۇر. ونىڭ 8 مىڭى قالادا. كاسىپكەرلەردىڭ ٴتىزىمى الىنىپ، زەردەلەۋ جۇمىستارى جۇرگىزىلدى. ناتيجەسىندە جۇمىس ىستەمەي تۇرعان كاسىپكەرلىك سۋبەكتىسىنىڭ كوبى 2000-2005 جىلدارى تىركەلىپ، قىزمەتىن توقتاتقان بولىپ شىقتى. ماسەلەن، اۆتوپاركتە جۇمىس ىستەيتىن ادامدار پاتەنت الىپ، اۆتوبۋستى جالداپ، كولىك جۇرگىزگەن ەكەن. ولار زەينەتكە شىعىپ كەتكەن. سونىمەن قاتار، ساتۋشىلار دا وزىندە پاتەنتتىڭ بار ەكەنىن، جەكە كاسىپكەر رەتىندە وبلىستىق مەملەكەتتىك كىرىستەر باسقارماسىندا تىركەۋدە تۇرعانىن بىلمەيتىن بولىپ شىقتى»،- دەيدى وبلىستىق كاسىپكەرلىك باسقارماسىنىڭ باسشىسى انار دارجانوۆا.

باسقارما باسشىسىنىڭ ايتۋىنشا، جەكە كاسىپكەر رەتىندە تىركەلىپ، كەيىن باسقا وبلىسقا، ٴتىپتى، شەتەلگە كوشىپ كەتكەن ادامدار دا تىزىمنەن شىعارىلماعان.

«گەرمانيا، ۋكرايناعا كوشىپ كەتكەن، قازا بولعان كاسىپكەرلەر دە بار بىزدە. قازا بولعان ادامدار تۋرالى وبلىستىق ادىلەت دەپارتامەنتىنەن ٴبىلىپ، كەيىن مەملەكەتتىك كىرىستەر باسقارماسىنان تىركەۋدەن شىعارۋ جۇمىستارى ٴجۇرىپ جاتىر. ٴبىر اپتادا قازا بولعان 75 ادامنىڭ مالىمەتىن تاپتىق»،- دەيدى ا.دارجانوۆا.+

ستاتيستيكالىق مالىمەتكە سۇيەنسەك، وبلىستا 50 مىڭنان استام شاعىن جانە ورتا بيزنەس سۋبەكتىسى تىركەلگەن. وندا ٴوڭىردىڭ 130 مىڭنان استام ادامى جۇمىس ىستەيدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي