BAQ.kz - Қазақстан жаңалықтары USD 340.27 BAQ.kz - Қазақстан жаңалықтары EUR 396.31 BAQ.kz - Қазақстан жаңалықтары RUB 5.39
استانا:

اقوردا جۋرناليستەرگە 14 ملن تەڭگە سىياقى بەرەدى

اقوردادا قر مەملەكەتتىك حاتشىسى گۇلشارا ٴابدىقالىقوۆانىڭ توراعالىعىمەن قازاقستان رەسپۋبليكاسى پرەزيدەنتىنىڭ بۇقارالىق اقپارات قۇرالدارى سالاسىنداعى 2018 جىلعى سىيلىقتارىن بەرۋ، گرانتتارىن تاپسىرۋ جانە العىسىن جاريالاۋ جونىندە قوعامدىق كوميسسيانىڭ وتىرىسى ٴوتتى، دەپ حابارلايدى baq.kz ٴتىلشىسى.

"جۋرناليستەردىڭ كاسىبي مەرەكەسىنە وراي اقپارات سالاسىنىڭ ۇزدىكتەرىن انىقتاۋ ٴۇشىن ارنايى قوعامدىق كوميسسيانىڭ مۇشەلەرى باس قوستى. پرەزيدەنتتىڭ باق سالاسىنداعى سىيلىعىن بەرۋ، گرانتىن تاپسىرۋ جانە العىسىن جاريالاۋ ٴباسپاسوز قاۋىمى اسىعا كۇتەتىن ٴداستۇرلى شارا"، - دەپ باستادى ٴسوزىن ٴابدىقالىقوۆا.

ول ەلباسىنىڭ جۋرناليستەرگە ارنالعان ماراپاتى العاش رەت 1997 جىلى بەرىلگەنىن، سودان بەرى وسى گرانت پەن سىيلىققا وتاندىق ٴباسپاسوز سالاسىنىڭ مايتالماندارى جانە تالانتتى جۋرناليستەر يە بولىپ كەلە جاتقانىن اتاپ ٴوتتى.

"بيىل بۇل ماراپات 22-رەت بەرىلىپ وتىر. باق مەملەكەت باسشىسىنىڭ باستامالارىن حالىققا جەتكىزۋ، مەملەكەتتىك ساياساتتى ٴتۇسىندىرۋ، قوعامدىق پىكىر قالىپتاستىرۋ، ازاماتتىق قوعامدى دامىتۋ ىسىندە ماڭىزدى ٴرول اتقارادى. وسىنداي مارتەبەلى دە جاۋاپتى ميسسيانى لايىقتى اتقارۋ ٴۇشىن ٴباسپاسوز باسەكەگە قابىلەتتى بولۋى شارت. مەملەكەت باسشىسى نۇرسۇلتان ٴابىش ۇلى نازاربايەۆ وتاندىق جۋرناليستيكانى دامىتۋ ماسەلەسىنە زور ٴمان بەرەدى. وسى باعىتتا جۇيەلى جۇمىستار جۇرگىزىلۋدە. پرەزيدەنتتىڭ جۋرناليستەرگە ارنالعان گرانتتارى مەن سىيلىقتارى وسىنداي قولداۋدىڭ ايقىن كورىنىسى"، - دەدى مەملەكەتتىك حاتشى.

ٴابدىقالىقوۆا ەلىمىزدە جانە الەمدە قازاقستان تۋرالى بولىپ جاتقان ماڭىزدى شارالار مەن وقيعالاردى ناسيحاتتاۋدا باق وكىلدەرىنىڭ قاجەتتىلىگىن اتاپ ٴوتتى.

"2018 جىل قازاقستان ٴۇشىن ايتۋلى وقيعامەن باستالدى. ەلىمىز تۇڭعىش رەت بۇۇ قاۋىپسىزدىك كەڭەسىنە ٴتوراعالىق ەتىپ، بەيبىتشىلىك پەن قاۋىپسىزدىك جولىنداعى باستامالاردى ىلگەرىلەتىپ كەلەدى. سونداي-اق ەلباسىنىڭ بەس الەۋمەتتىك باستاما اتتى باعدارلاماسى اياسىندا حالىقتىڭ ٴال-اۋقاتىن ارتتىرۋعا باعىتتالعان شارالار قولعا الىنىپ جاتىر. "رۋحاني جاڭعىرۋ" جۇيەسى دە جالعاسىن تابۋدا. بيىل بۇكىل قازاقستان حالقى ەلوردامىز استانانىڭ 20 جىلدىق مەرەيتويىن اتاپ وتەدى. شىلدەدە استانا حالىقارالىق قارجى ورتالىعى اشىلادى. وسى جانە باسقا دا يگى باستامالاردىڭ ٴبارىن ناسيحاتتاۋعا باق وكىلدەرى دە قاتىسادى. پرەزيدەنتتىڭ باق-قا ارنالعان سىيلىقتارى مەن گرانتتارىن تاپسىرۋ بارىسىندا وسى ايتىلعان تالاپتار ەسكەرىلۋى كەرەك"، - دەدى مەملەكەتتىك حاتشى.

ول قوعامدىق كوميسسيا كاسىبي شەبەرلىگىمەن كوزگە تۇسكەن ٴباسپاسوز شەبەرلەرىن ىرىكتەپ الاتىنىن ايتتى.

"ەرەجە بويىنشا پرەزيدەنت سىيلىعى ەڭ ۇزدىك ەكى جۋرناليستكە بەرىلەدى، پرەزيدەنت گرانتتارى 36 جاسقا تولماعان جۋرناليستەرگە تاپسىرىلادى. ال ەلباسىنىڭ العىسى ٴتورت شىعارماشىلىق ۇجىمعا جاريالانادى. بيىل سىياقىنىڭ جالپى قورى 14 ملن 430 مىڭ تەڭگەنى قۇرايدى. التىن توسبەلگى يەگەرلەرى، ياعني سىيلىق لاۋرەاتتارى 4 ملن تەڭگەدەن السا، گرانت يەگەرلەرى 3 ملن 215 مىڭ تەڭگەدەن الادى"، - دەپ ٴسوزىن تۇيىندەدى ول.

بيىل قوعامدىق كوميسسيانىڭ قاراۋىنا 61 ۇسىنىم بەرىلدى، سونىڭ ىشىندە ٴ47-سى جۋرناليستەرگە، ٴ14-ى شىعارماشىلىق ۇجىمدارعا قاتىستى. بۇل رەتتە 25 ۇسىنىم ٴباسپاسوز باسىلىمدارىنان، 36 ۇسىنىم ەلەكتروندىق باق-تان، تەلەكومپانيالاردان، تەلەارنالاردان كەلىپ ٴتۇستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي