USD 335.71 EUR 357.36 RUB 5.23
استانا:

اەروعارىش كوميتەتىنىڭ ٴتوراعاسى تاعايىندالدى

ەركىن شايماعامبەتوۆ قازاقستان رەسپۋبليكاسى قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ ٴتوراعاسى بولىپ تاعايىندالدى، دەپ حابارلايدى baq.kz.

ەركىن مۇستافا ۇلى شايماعامبەتوۆ 1974 جىلى 7 ماۋسىمدا قازاق كسر قىزىلوردا وبلىسى سىرداريا اۋدانىنىڭ تاستۇبەك پوسەلكەسىندە دۇنيەگە كەلگەن.

1998 جىلى «عارىشتىق ۇشۋ اپپاراتتارى جانە ەكپىندەتكىش بلوك» ماماندىعى بويىنشا ماسكەۋ مەملەكەتتىك اۆياسيالىق ينستيتۋتىن ٴبىتىردى.

ەڭبەك جولىن 1998 جىلدىڭ ناۋرىزىنان عىلىم مينيسترلىگى – قازاقستان رەسپۋبليكاسىنىڭ عىلىم اكادەمياسى ۇلتتىق اەروعارىش اگەنتتىگىنىڭ «بايقوڭىر» عارىش ايلاعى باسقارماسىندا «بايقوڭىر» عارىش ايلاعى وبەكتىلەرىن پايدالانۋ شارتتارىن باقىلاۋ ٴبولىمىنىڭ باس مامانى (بايقوڭىر قالاسى) لاۋازىمىنان باستادى، 1998 جىلدىڭ قاراشاسىندا اتالعان ٴبولىمنىڭ باستىعى بولىپ تاعايىندالدى.

2005 جىلى قازاقستان رەسپۋبليكاسى ٴبىلىم جانە عىلىم مينيسترلىگىنىڭ اەروعارىش كوميتەتى «بايقوڭىر» عارىش ايلاعى باسقارماسىنىڭ باستىعى بولىپ تاعايىندالدى.

2006 جىلى قازاقستان رەسپۋبليكاسى ٴبىلىم جانە عىلىم مينيسترلىگىنىڭ اەروعارىش كوميتەتى ٴتوراعاسىنىڭ ورىنباسارى بولىپ تاعايىندالدى.

2007 جىلدان باستاپ 2014 جىلعا دەيىن قازاقستان رەسپۋبليكاسىنىڭ ۇلتتىق عارىش اگەنتتىگى ٴتوراعاسىنىڭ ورىنباسارى لاۋازىمىندا قىزمەت اتقاردى.

2014 جىلدىڭ 1 قازانىنان باستاپ قازاقستان رەسپۋبليكاسى ينۆەستيسيالار جانە دامۋ مينيسترلىگىنىڭ اەروعارىش كوميتەتى ٴتوراعاسىنىڭ ورىنباسارى بولدى.

2016 جىلدىڭ 7 قىركۇيەگىندە قر ينۆەستيسيالار جانە دامۋ مينيسترلىگى اەروعارىش كوميتەتىنىڭ ٴتوراعاسى لاۋازىمىنا تاعايىندالدى.

ماراپاتتارى: «ەرەن ەڭبەگى ٴۇشىن» مەدالى، مەرەيتويلىق مەدالدار.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي