BAQ.kz - Қазақстан жаңалықтары USD 369.98 BAQ.kz - Қазақстан жаңалықтары EUR 428.7 BAQ.kz - Қазақстан жаңалықтары RUB 5.64
استانا:

ٴابىلقاسىموۆا 674 مىڭ مۇگەدەك قالاي الەۋمەتتىك قورعالىپ وتىرعانىن ايتتى

قر ەڭبەك جانە حالىقتى الەۋمەتتىك قورعاۋ ٴمينيسترى ٴمادينا ٴابىلقاسىموۆا ۇكىمەت وتىرىسىندا مۇمكىندىگى شەكتەۋلى جانداردى الەۋمەتتىك قورعاۋ تۋرالى ەسەپ بەردى، دەپ حابارلايدى baq.kz ٴتىلشىسى.

قازىرگى كەزدە قازاقستاندا 674 مىڭ مۇگەدەكتىگى بار ادام تۇرادى، ونىڭ ىشىندە 62% – ەڭبەككە قابىلەتتى جاستا، 25% – زەينەتكەرلىك جاستا، 12% – 18 جاسقا دەيىنگى بالالار.

«مۇگەدەكتىگى بار ادامداردى الەۋمەتتىك قامسىزداندىرۋ جۇيەسى بازالىق الەۋمەتتىك جاردەماقىلاردى، ارناۋلى الەۋمەتتىك قىزمەت كورسەتۋدى جانە وڭالتۋدىڭ تەحنيكالىق قۇرالدارىن ۇسىنۋدى قامتيدى. 2018 جىلعى 1 قاڭتاردان باستاپ ەڭ تومەنگى كۇنكورىس شاماسىنىڭ وزگەرۋىنە بايلانىستى مۇگەدەكتەرگە بەرىلەتىن جاردەماقى 16 %-عا دەيىن ارتتىرىلدى. اعىمداعى جىلعى 1 قازانداعى جاعداي بويىنشا مەملەكەتتىك الەۋمەتتىك جاردەماقى الۋشىلاردىڭ سانى – 508 700 ادامدى، جاردەماقى – 40 769 تەڭگەنى قۇرادى»، - دەپ اتاپ ٴوتتى مينيستر.

ول مەملەكەت باسشىسىنىڭ تاپسىرماسى بويىنشا كامەلەت جاسقا تولعان بالا كەزىنەن ٴبىرىنشى توپتاعى مۇگەدەككە كۇتىم كورسەتىپ وتىرعان ادامدارعا 2018 جىلعى 1 شىلدەدەن باستاپ جاڭا جاردەماقى ەنگىزىلگەن جاردەماقى 10 مىڭ وتباسىعا تاعايىندالعانىن ونىڭ مولشەرى 29 699 تەڭگەنى قۇرايتىنىن ايتتى.

«881 ۇيىم 100 مىڭعا جۋىق مۇمكىندىكتەرى شەكتەۋلى ادامدارعا ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمىن ۇسىندى. سونىمەن قاتار 8 مىڭنان استام ادامعا 130 ۇكىمەتتىك ەمەس ۇيىم ارقىلى ارناۋلى الەۋمەتتىك قىزمەتتەر كورسەتىلدى. جالپى 2018 جىلى مۇگەدەكتىگى بار ادامداردى الەۋمەتتىك قامسىزداندىرۋعا جانە ولارعا كومەك كورسەتۋگە 302 ميلليارد تەڭگە كوزدەلدى»، - دەپ مالىمدەدى ٴابىلقاسىموۆا.

ول 2012 جىلدان باستاپ ىسكە اسىرىلىپ كەلە جاتقان مۇگەدەكتەردىڭ قۇقىقتارىن قامتاماسىز ەتۋ جانە ٴومىر ٴسۇرۋ ساپاسىن جاقسارتۋ جونىندەگى ٴىس-شارالار جوسپارىن قارجىلاندىرۋعا 2018 جىلى 6 ميلليارد تەڭگە كوزدەلگەنىن اتاپ ٴوتتى.

«بولىنگەن قاراجات شەڭبەرىندە مۇگەدەكتەرگە قىزمەت كورسەتۋگە باعدارلانعان ۇيىمدار ورنالاسقان جەرلەردە 17 270 بىرلىك جول بەلگىسى مەن جول سىلتەگىشتەر، جۇرگىنشىلەر وتەتىن جولداردا دىبىستايتىن قۇرىلعى ورناتىلدى. 15 «ينۆاتاكسي» قىزمەتى قۇرىلدى، بيۋدجەتتىڭ شىعىستارىن ەسكەرگەندە ولاردا 34 800 ادامعا قىزمەت كورسەتەتىن 280 ارنايى ماشينا بار. 26 وڭىرلىك تەلەارنادا جاڭالىقتار سۋردو-اۋدارمامەن قامتاماسىز ەتىلگەن. مۇگەدەكتەردى مىندەتتى گيگيەنالىق قۇرالدارمەن قامتاماسىز ەتۋ نورمالارى ەكى ەسە ۇلعايتىلىپ، 51 مىڭ ادام قامتىلدى; ەستۋ قابىلەتى ناشار 4 مىڭ مۇگەدەكتىگى بار ادامدار ٴۇشىن ىمداۋ ٴتىلى مامانىنىڭ قىزمەت كورسەتۋ ۋاقىتى ەكى ەسەگە ۇلعايتىلدى. 55 مىڭنان استام مۇگەدەكتىگى بار ادامدى قازىرگى زامانعى گادجەتتەرمەن قامتاماسىز ەتۋ ٴۇشىن وڭالتۋدىڭ تەحنيكالىق قۇرالدارىنىڭ تىزبەسى 32-دەن 55-كە دەيىن كەڭەيتىلدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي