BAQ.kz - Қазақстан жаңалықтары USD 327.42 BAQ.kz - Қазақстан жаңалықтары EUR 383.51 BAQ.kz - Қазақстан жаңалықтары RUB 5.29
استانا:

ابايەۆ جۋرناليستەردى باسپانامەن قامتۋ ماسەلەسىن قالاي شەشەتىنىن ايتتى

فوتو: Нұржас Жақсыбай

قر اقپارات جانە كومۋنيكاسيالار ٴمينيسترى داۋرەن ابايەۆ جۋرناليستەردى باسپانامەن قامتۋ ماسەلەسىن قالاي شەشۋگە بولاتىنى تۋرالى ايتتى، دەپ حابارلايدى baq.kz ٴتىلشىسى.

ٴمينيستردىڭ حالىققا ەسەپ بەرۋ كەزدەسۋىندە باق وكىلدەرىنىڭ ٴبىرى جۋرناليستەردى باسپانامەن قامتۋعا ارنالعان باعدارلامالار قاراستىرىلا ما دەپ سۇرادى.

«ەلىمىزدەگى بۇقارالىق اقپارات قۇرالدارىنىڭ 95% جەكەمەنشىك كومپانيالاردىڭ ەنشىسىندە. سول سەبەپتى جەكمەنشىك باق باسپانامەن قامتۋ ماسەلەسىن وزدەرى شەشۋى ٴتيىس. مىسالى، مۇعالىمدەردىڭ بارلىعى بيۋدجەتتىك قىزمەتكەرلەر، ال جۋرناليستەردىڭ باسىم بولىگى بۇل ساناتقا جاتپايدى. وسى ساتتە ٴجۋرناليستىڭ مارتەبەسىن قالاي انىقتايمىز دەگەن سۇراق تۋىندايدى، سەبەبى ٴبىز كەز كەلگەن باق قىزمەتكەرىن جۋرناليست دەپ اتايمىز»، - دەدى ابايەۆ.

سونداي-اق، ول مەملەكەتتىڭ باسپانامەن قامتۋعا قاتىستى ٴبىراز شارالاردى قولعا الىپ جاتقانىن، سونىڭ ىشىندە «7-20-25» باعدارلاماسىن اتاپ ٴوتتى.

«ٴبىز ٴار ۆەدومستۆوعا باعىنىشتى ۇيىمنىڭ باسشىسىنا وسى ماسەلەنى قويامىز. بۇل ماسەلە ٴبىر جەردە شەشىلەدى، ەندى ٴبىر جەردە شەشىلمەي جاتادى. ٴبىر جەردە جاتاقحانا بار دەگەندەي. ەگەر ۆەدومستۆوعا باعىنىشتى ۇيىمداردىڭ باسشىلارى ماعان ۇسىنىسپەن كەلسە، ٴبىز ولاردى مىندەتتى تۇردە قولدايمىز. سوندىقتان باق جەتەكشىلەرىنەن ۇسىنىستار كۇتەمىن»، - دەپ جاۋاپ بەردى مينيستر جۋرناليست ساۋالىنا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي