BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

ابايەۆ جاس جۋرناليستەرگە اقىل-كەڭەسىن ايتتى

قر اقپارات جانە كوممۋنيكاسيالار ٴمينيسترى داۋرەن ابايەۆ «جاس قالام» فورۋمىنىڭ اشىلۋىندا جاس جۋرناليستەرگە كاسىبي مامان بولۋدىڭ قىر-سىرىمەن ٴبولىستى، baq.kz ٴتىلشىسى.

«ەلباسى بيىلعى جولداۋىندا «جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستارۋ كەرەك. كەلەسى جىلى «جاستار جىلى» دەپ جاريالاۋدى ۇسىنامىن» دەگەن بولاتىن. سوندىقتان بولاشاعىن قالاممەن بايلانىستىرىپ، مەديا سالاسىنا ارناۋعا بەل بۋعان سىزدەر ٴۇشىن دە كوپتەگەن مۇمكىندىكتەرگە جول اشىلارى ٴسوزسىز. قالامنىڭ يەسى بولۋ، مىقتى جۋرناليستكە اينالۋ ايتۋعا عانا وڭاي شارۋا. ول ٴۇشىن كوپ ىزدەنىس، تاجىريبە قاجەت. سوندىقتان بۇگىنگى فورۋمنىڭ سىزدەرگە بەرەرى كوپ بولماق. وسىنداي پىكىر الماسۋ الاڭدارى قاناتتارىڭىزدى قاتايتادى، تالاپتارىڭىزدى شىڭدايدى. اقپارات جانە كوممۋنيكاسيالار مينيسترلىگى جاستارعا ٴارى جۋرناليستيكاعا بايلانىستى باستامالاردى قولداۋعا ٴازىر»،- دەپ مالىمدەدى ابايەۆ.

مينيستر وتاندىق مەديا نارىقتىڭ جاھاندىق كوممۋنيكاسيالىق رەۆوليۋسيانىڭ نەگىزگى ترەندتەرىمەن بىرگە دامىپ جاتقانىن اتاپ ٴوتتى.

«وسىنداي وزگەرىستەردە جۋرناليستىك شەبەرحانانىڭ داستۇرلەرىن، قۇندىلىقتارىن ساقتاپ قالۋىمىز كەرەك. بۇگىنگى فورۋم وسى سالاداعى وزەكتى ماسەلەلەردى تالقىلاپ، بىرلەسە ٴتيىمدى شەشىمدەر تاباتىن الاڭعا اينالاتىنىنا سەنەمىن. داريعا نازاربايەۆا جاس جۋرناليستەرگە كاسىبي مامان بولۋ تۋرالى وتە ماڭىزدى ۇندەۋ ايتتى. ەگەر سىزدەر سۇراقتى دۇرىس قويا بىلسەڭىزدەر سوعان ساي دۇرىس جانە ماردىمدى جاۋاپ الا الاسىزدار»، - دەدى اقپارات جانە كوممۋنيكاسيالار ٴمينيسترى.

ايتا كەتسەك، بۇگىنگى فورۋم 14 پەن 29 جاس ارالىعىنداعى 100-دەن استام ادامنىڭ باسىن قوسىپ وتىر. سونداي-اق، فورۋم بارىسىندا جاس جۋرناليستەرگە ارناپ باق سالاسىنداعى تانىمال تۇلعالار مەن كاسىبي ماماندار تاجىريبەلەرىمەن بولىسەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي