BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ابايەۆ: ستارتاپتار – كادرلار دايارلاۋدا كەرەمەت ۇستاحانا

فوتو: Бауыржан Жуасбаев

استانا، baq.kz ٴتىلشىسى. استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا اقپارات جانە كوممۋنيكاسيالار ٴمينيسترى داۋرەن ابايەۆ مەملەكەتتىڭ ادامي كاپيتالدى دامىتۋعا زور نازار اۋدارىپ وتىرعانىن ايتتى.

«نەگە ٴبىز مۇنداي شارا ۇيىمداستىرامىز، astana hub اشايىن دەپ وتىرمىز. مەنتالدى مىنەزدى وزگەرتۋدى قالايمىز. ەرتەڭ نەمەسە بۇرسىگۇنى بىردەن «فەيسبۋك»، «گۋگل» سياقتى الىپتار پايدا بولا سالمايتىنىن جاقسى تۇسىنەمىز. ٴبىز ٴۇشىن كاسىپكەرلىك مادەنيەتى دەپ اتالاتىن it ماماندارعا قارجى سالۋ ماڭىزدى. سول سەبەپتى ٴبىز مەنتالدى مىنەزدى وزگەرتۋدى ماقسات ەتەمىز. بۇل وتە ماڭىزدى»، - دەدى داۋرەن ابايەۆ.

مينيستر ستارتاپتاردىڭ كادرلار دايارلاپ شىعارۋدا كەرەمەت شەبەرحانا ەكەنىن اتاپ ٴوتتى.

«ستارتاپشىلار تەحنولوگيالىق ويلاۋ قابىلەتىنە يە عانا ەمەس، سونداي-اق ولار بەلگىلى ٴبىر زاتتى «نولدەن» باستاپ جاساپ شىعادى. وسىنداي بالالارمەن بولاشاعىمىز جارقىن بولماق. نارىعىمىز شاعىن ەكەنىن تۇسىنەمىز، سول سەبەپتى وسىندا جاسالاتىن ستارتاپتاردىڭ بارلىعى جاھاندىق باسەكەگە قابىلەتتى بولۋى ٴتيىس. ٴبىز وسىعان بارلىق كۇشىمىزدى جۇمسايمىز»، - دەدى اقپارات جانە كوممۋنيكاسيالار ٴمينيسترى.

ول مەملەكەت ٴۇشىن ەڭ باستىسى ادامي كاپيتالدى دامىتۋ بولىپ وتىرعانان ايتتى.

«ٴبىز ٴۇشىن، مەملەكەت ٴۇشىن ەڭ ماڭىزدىسى ينفراقۇرىلىم ەمەس، ٴۇش جىلدىڭ ىشىندە جەتكىزەتىن 20 مىڭ كم كابەل ەمەس، بۇل ٴتىپتى astana hub ەمەس. باستى ماقساتىمىز – ادامي كاپيتالدى دامىتۋ. سىزدەرمەن بىرگە ادامي كاپيتالدى دامىتۋدا بولاشاعىمىز جارقىن بولماق»، - دەدى مينيستر.

ول digital bridge تەرمين بولىپ ساقتالىپ قالاتىنىن جانە فورۋم ٴداستۇرلى تۇردە وتەتىنىنە سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي