BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

ابايەۆ: ەلىمىزدىڭ ەفيرىندە جۇرگەن بارلىق بۋىن ۇلكەن قۇرمەتكە لايىق

فوتو: Егемен Қазақстан

قازاقستان رەسپۋبليكاسى اقپارات جانە كوممۋنيكاسيالار ٴمينيسترى داۋرەن ابايەۆ قازاق تەلەۆيزياسىنىڭ 60 جىلدىق مەرەيتويىمەن قۇتتىقتادى. سونىمەن قاتار ول بيىلعى "تۇمار" تەلەۆيزيالىق بايقاۋىنىڭ ماراپاتتاۋ ٴراسىمى قاشان وتەتىنىن ايتتى، دەپ حابارلايدى baq.kz اقپارات اگەنتتىگى.

"16 ناۋرىز كۇنى «تۇمار» ۇلتتىق تەلەۆيزيالىق بايگەسىنىڭ جەڭىمپازدارىن سالتاناتتى تۇردە ماراپاتتاۋ ٴراسىمىن وتكىزەمىز. رەسپۋبليكالىق، ايماقتىق تەلەارنالاردا ەڭبەك ەتىپ جۇرگەن شىعارماشىلىق توپتاردى ىنتالاندىرۋ ماقساتىندا قولعا الىنعان بۇل شارا وسىمەن ەكىنشى رەت ۇيىمداستىرىلعالى وتىر. بيىل «تۇمار» بايگەسى قازاق تەلەۆيزياسىنىڭ 60 جىلدىق مەرەيتويى اياسىندا وتەتىنى دە وتە قۋانىشتى. ويتكەنى بۇل كۇندى ەل جۋرناليستيكاسى ٴۇشىن ايتۋلى داتا دەسەك تە قاتەلەسپەيمىز" - دەيدى داۋرەن ابايەۆ.

سونىمەن قاتار ول تەلەۆيزيا سالاسىنا تەر توككەن ارداگەرلەرىمىزدى ٴارقاشان قۇرمەت تۇتا ٴبىلۋىمىز كەرەكتىگىن ايتتى.

"60 جىل از ۋاقىت ەمەس. وسى ۋاقىت ارالىعىندا قازاق تەلەۆيزياسى جان-جاقتى ٴوستى. وسى ورايدا وتاندىق تەلەۆيزيا سالاسىن دامىتۋعا بار كۇش-جىگەرىن جۇمساعان ارداگەرلەرىمىزدى ۇلىقتاۋ، ەڭبەكتەرىن ۇمىتپاۋ ٴبىزدىڭ باستى مىندەتىمىز. الماتىدان ەڭ العاش بارشا جۇرتقا حابار تاراتقان ديكتورلار مەن رەداكتورلاردىڭ، تەحنيكالىق توپتىڭ اتقارعان يگى ىستەرى ەلدىڭ ەسىندە. قازاق تەلەۆيزياسىنىڭ ٴار سالاسىندا ٴتۇرلى قىزمەت جاساعان ٴالى دە ەڭبەك ەتىپ كەلە جاتقان اعا-اپالارىمىزدىڭ ونەگەلى ٴىسىن، جاس ۇرپاققا ۇلگى ەتۋگە ٴتيىسپىز. تەلە سالا ارداگەرلەرىنىڭ اراسىندا ومىردەن ٴوتىپ كەتكەن مايتالمان ماماندار دا بولدى. ول تۇلعالارىمىزدىڭ بەينەسى مەن داۋىسى، قولتاڭباسى ارحيۆتە ساقتاۋلى" - دەيدى مينيستر.

تەلەارنا ارداگەرلەرىن قۇتتىقتاعان مينيستر ولاردىڭ ٴومىرى كەلەر ۇرپاققا، بۇگىنگى جاس جۋرناليستەرگە ۇلگى ەكەنىن اتاپ ٴوتتى.

"ٴالى كۇنگە دەيىن جاس جۋرناليستەردىڭ بويىنا بىلگەن-تۇيگەنىن، مول تاجىرەبيەسىن ٴسىڭىرىپ جۇرگەن كوريفەيلەرىمىز بار. ٴماتىن زەرگەرلەرى مەن ٴسوز شەبەرلەرىن، رەجيسسەر، وپەراتورلاردى قازاق تەلەۆيزياسىنىڭ 60 جىلدىعىمەن شىن جۇرەكتەن قۇتتىقتايمىن! ەلىمىزدىڭ ەفيرىندە جۇرگەن بارلىق بۋىن ۇلكەن قۇرمەتكە لايىق. سىزدەرگە زور دەنساۋلىق پەن شىعارماشىلىق تابىس تىلەيمىن!" - دەپ جازدى مينيستر ٴوزىنىڭ فەيسبۋكتاعى پاراقشاسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي