BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

9 شىلدەگە ارنالعان اۋا رايى بولجامى

بۇگىن ەلىمىزدىڭ كەي جەرلەرىندە اتموسفەرالىق فرونتتاردىڭ وتۋىنە بايلانىستى جاڭبىر جاۋىپ، نايزاعاي وينايدى، بۇرشاق جاۋۋى مۇمكىن. تەك باتىستا، وڭتۇستىكتە جانە وڭتۇستىك-باتىستا جاۋىن-شاشىنسىز بولادى. رەسپۋبليكانىڭ كەي جەرلەرىندە جەل كۇشەيىپ، شاڭدى داۋىل سوعادى. سولتۇستىكتە تۇندە جانە تاڭەرتەڭ تۇمان ٴتۇسۋى مۇمكىن، دەپ حابارلايدى baq.kz اقپارات اگەنتتىگى قازگيدرومەتكە سىلتەمە جاساپ.

باتىس قازاقستان مەن سولتۇستىك قازاقستان وبلىستارىنىڭ كەي جەرلەرىندە نايزاعاي وينايدى. كۇندىز كەي جەرلەرىندە شاڭدى داۋىل تۇرىپ، جەلدىڭ جىلدامدىعى 15-20 م/س جەتەدى، بۇرشاق جاۋۋى مۇمكىن.

سولتۇستىك قازاقستان وبلىسىنىڭ كەي جەرلەرىندە تۇندە جانە تاڭەرتەڭ تۇمان تۇسەدى.

قىزىلوردا وبلىسىنىڭ كەي جەرلەرىندە تاڭەرتەڭ جانە كۇندىز نايزاعاي جارقىلداپ، داۋىل تۇرادى، 15-20 م/س جىلدامدىقپەن جەل سوعادى.

اقتوبە، قوستاناي وبلىستارىنىڭ كەي جەرلەرىندە نايزاعاي ويناپ، جەلدىڭ جىلدامدىعى 15-20 م/س-كە جەتەدى.

قوستاناي وبلىسىندا بۇرشاق جاۋۋى مۇمكىن.

شىعىس قازاقستان، اقمولا وبلىستارىندا، كۇندىز قاراعاندى وبلىسىنىڭ كەي جەرلەرىندە نايزاعاي وينايدى.

اقمولا وبلىسىندا كۇندىز بۇرشاق جاۋۋى مۇمكىن.

الماتى، جامبىل، تۇركىستان، قىزىلوردا، قاراعاندى وبلىستارىندا كۇن قاتتى ىسيدى، كەي جەرلەردەاپتاپ ىستىق بولادى.

ماڭعىستاۋ، اتىراۋ، باتىس قازاقستان، اقتوبە وبلىستارىنىڭ باسىم بولىگىندە، شىعىس قازاقستان، اقمولا، قوستاناي وبلىستارىنىڭ كەي جەرلەرىندە قاتتى ىستىق بولادى.

اتىراۋ، ماڭعىستاۋ، قىزىلوردا وبلىستارىندا، باتىس قازاقستان، اقتوبە، تۇركىستان وبلىستارىنىڭ كەي جەرلەرىندە ٴورت شىعاۋ ٴقاۋپى جوعارى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي