BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

52 ادام ٴولىمى: اۆتوبۋستىڭ يەسىنە حالىقارالىق ىزدەۋ جاريالاندى

وسى جىلدىڭ قاڭتار ايىندا اقتوبە وبلىسى اۋماعىنداعى تاس جولدىڭ بويىندا ورتەنگەن اۆتوبۋسقا قاتىستى قىلمىستىق ٴىس ىرعىز اۋداندىق سوتىنا جىبەرىلگەن بولاتىن. ەندى سول اۆتوبۋستىڭ يەسىنە ىزدەۋ جاريالانىپ جاتىر، دەپ حابارلايدى baq.kz اقپارات اگەنتتىگى.

ەستەرىڭىزگە سالا كەتەيىك، شىمكەنت قالاسىنان رەسەيگە بەت العان قوعامدىق كولىكتە اياق استىنان ٴورت تۇتانىپ، 52 وزبەكستان ازاماتى قازا تاپقان بولاتىن. ٴقازىر 5 ادامعا ايىپ تاعىلىپ وتىر. ولاردىڭ ۇشەۋى اۆتوبۋس جۇرگىزۋشىلەرى. سونىمەن بىرگە «ازيا ترانزيت سەرۆيس» سەرىكتەستىگىنىڭ قۇرىلتايشىسى مەن مەحانيگى دە سوت الدىندا جاۋاپ بەرەتىن بولدى.

قۇرىلتايشىعا قىلمىستىق كودەكستىڭ 254-بابى بويىنشا، ياعني ەكى جانە ودان دا كوپ ادامنىڭ ولىمىنە سەبەپ بولعان اۆتوبۋستى تەحنيكالىق اقاۋلىعىنا قاراماستان قولدانىسقا شىعاردى دەگەن ايىپ تاعىلدى. ودان بولەك جالعان قۇجات راسىمدەگەنى انىقتالعان.

كولىك جۇرگىزۋشىلەرى سوتتىڭ سانكسياسىمەن قاماۋعا الىنسا، كاسىپورىن باسشىسى مەن مەحانيك كەپىلدىك ارقىلى بوساتىلدى. ال اۆتوبۋستىڭ يەسىنە حالىقارالىق ىزدەۋ جاريالاندى.

"ايىپتاۋ اكتىسىنە سايكەس، پەرنەبەكوۆ، قىرعىزبايەۆ جانە تاڭاتوۆ كولىك قۇرالدارىن پايدالانۋ قاعيدالارىن بۇزعانى، سونىمەن قاتار ٴورت قاۋىپسىزدىگى تالاپتارىن بۇزعانى ٴۇشىن ايىپتالۋدا. تىلەپبايەۆ ٴوز مىندەتىنە ادال قاراماعان، كولىك قۇرالدارىن ساپاسىز جوندەۋ جانە جالعان قۇجات دايىنداعانى ٴۇشىن، پەردەبايەۆ جالعان قۇجات دايىنداعانى ٴۇشىن ايىپتالۋدا" - دەيدى وبلىستىق سوتتىڭ ٴباسپاسوز قىزمەتىنىڭ باسشىسى انار ايتجانوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي