BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

40 جىل تراكتور تىزگىندەگەن قىزىلجارلىق اجە

فوتو: http://spez-tech.com

بۇگىندە جەڭىل كولىك جۇرگىزەتىن قىز-كەلىنشەكتەردى كورگەندە تاڭىرقامايتىنىمىز راس. ال تراكتور تىزگىندەگەن ايەلدەر ساۋساقپەن سانارلىق. سولاردىڭ ٴبىرى – سولتۇستىكقازاقستاندىق زەينەتكەر ليۋدميلا كوروبەينيكوۆا. اجەي 40 جىل بويى سەنىمدى سەرىگىنەن قول ۇزگەن ەمەس، دەپ حابارلايدى baq.kz ايماقتىق ٴتىلشىسى.

ليۋدميلا كوروبەينيكوۆانى العاش رەت تراكتور رولىنە اكەسى وتىرعىزىپتى. ول 6-سىنىپ وقىپ جۇرگەن كەزىنەن باستاپ ەر ادامدارمەن يىق تىرەسىپ، قىستىق وتىن ازىرلەۋگە جىل سايىن كومەكتەسەتىنىن ەسكە الادى. 40 جىلدان استام ۋاقىت اۋىر تەحنيكا تىزگىندەگەن اجەي التى اي بۇرىن زەينەتكە شىققان. جاسى الپىستى القىمداسا دا، تراكتورعا قارعىپ ٴمىنىپ، ۇيرەنشىكتى قيمىلمەن موتوردى ىسكە قوسادى.

«مەكتەپتى ٴتامامداعان سوڭ قۇربىلارىممەن بىرگە مەحانيزاتورلىق كۋرسقا قابىلداندىم. قىزداردىڭ ەشقايسىسى وقۋىن اياقتاعان جوق. مەن بۇل ماماندىقتى مەڭگەرىپ، ٴومىر بويى كاسىپ ەتتىم. 1977 جىلدىڭ 21 مامىرىندا ٴوزىم جۇمىس ىستەيتىن مەكەمە بريگاديرىنىڭ بۇيرىعىمەن متز-50 تراكتورىنا وتىردىم. ونىڭ تىزگىنى قولىما تيگەن كۇن ٴالى ەسىمدە. تراكتورمەن ەگىستىك القابىنا سۋ، تىڭايتقىشتار جەتكىزىپ تۇردىم. كەيىن كارتوپ ەگۋگە ارنالعان تىركەمەمەن جۇمىس ىستەدىم. ول كەزدە مەحانيزاتور ايەلدەردىڭ سانى از بولسا دا، بۇگىنگىدەي تاڭسىق ەمەس ەدى. ٴقازىر قىزدار تۇگىل، ۇلدار دا جۇمىستىڭ جەڭىلىن ىزدەيدى»، - دەپ اعىنان جارىلدى ليۋدميلا كوروبەينيكوۆا.

ليۋدميلا يۆانوۆنانى جاقىن دوستارى مەن ارىپتەستەرى تراكتوردى تىزگىندەگەن ايەل رەتىندە عانا ەمەس، سۇيىكتى جار، اياۋلى انا، جارقىن مىنەزدى، مەيىرىمدى ادام رەتىندە دە تانيدى. جولداسى نيكولايمەن دە جۇمىس بارىسىندا تانىسىپتى. 35 جىل وتاۋ قۇرىپ وتىرعان ومىرلىك جولداسى ونى وسى قاسيەتى ٴۇشىن ۇناتقان كورىنەدى. ەكەۋى جۇمىستى دا، ٴۇي شارۋاسىن دا بىرگە ىستەيدى.

«ليۋدامەن تانىسقاندا ول نەبارى 16 جاستا ەدى. اۋىر جۇمىس ىستەسە دە، مىنەزى جۇمساق. ەكى قىزىمىزدى بارىمىزدى سالىپ تاربيەلەۋگە تىرىستىق. ول اۋىسىمدا جۇرگەندە بالالاردى بالاباقشاعا مەن اپارامىن. مەن جۇمىستا بولسام، ٴۇي شارۋاسى ليۋدميلانىڭ موينىنا تۇسەتىن. ەڭ باستىسى – ٴبىر-بىرىمىزدى تۇسىنەمىز»، - دەيدى ليۋدميلا يۆانوۆنانىڭ جولداسى نيكولاي كوروبەينيكوۆ.

40 جىل ىشىندە ليۋدميلا كوروبەينيكوۆا اۋىر تەحنيكانىڭ ٴتۇر-تۇرىنىڭ ٴتىلىن مەڭگەرگەن. ول اسفالت تەگىستەيتىن كاتوك، تيەگىش، تۇقىم سەپكىش ماشينامەن جۇمىس ىستەگەن. سولتۇستىك قازاقستان وبلىسىنا قاراستى قىزىلجار اۋدانىندا بايتەرەك اۋىلى سالىنعاندا تاجىريبەسى مول ليۋدميلا يۆانوۆنا قۇرىلىسقا ارنايى شاقىرتىلىپتى. سوڭعى جىلدارى تراكتورشى ايەل تاس جول توسەيتىن سەرىكتەستىكتە جۇمىس ىستەپ، سول ۇجىمدا زەينەتكە شىقتى. 60 ەر ادامنىڭ اراسىنداعى جالعىز نازىك جان قۇرمەتكە يە.

«2007 جىلى نوۆوكامەنكادان پەتەرفەلدكە دەيىنگى جول ۋچاسكەسىن جوندەۋ جونىندەگى تەندەردى ۇتقاننان كەيىن نوۆوكامەنكاعا باردىق. سوندا بەلورۋس تراكتورىندا جۇمىس ىستەگەن ليۋدميلانى كورىپ، وزىمىزگە شاقىردىم. ەش وكىنبەيمىن. ەر ادامدارعا قاراعاندا الدەقايدا ەپتى. جۇمىسىن ادال ىستەيدى. تەحنيكا سىنىپ قالسا، تەز جوندەي الادى»، - دەيدى سەرىكتەستىك ديرەكتورىنىڭ ورىنباسارى گەورگيي كاراپەتيان.

بىلىكتى مامان قۇرمەتتى دەمالىسقا شىقسا دا، ماۋسىمدىق جۇمىسقا شاقىرتۋ الىپ تۇرادى. زەينەتكەر تراكتور تىزگىنىنە وتىرۋدىڭ وڭتايلى ٴساتى تۇسسە، قالت جىبەرمەيدى.

«ٴقازىر دە جۇمىسقا شاقىرتۋلار ٴتۇسىپ جاتادى. قۋانا-قۋانا كەلىسەمىن. بۇگىنگى تەحنيكا اۆتوماتتاندىرىلعان. بۇرىنعى تراكتورلارعا قاراعاندا الدەقايدا قۋاتتى، جەڭىل جۇرگىزىلەدى. مەن مۇنداي تەحنيكادا وتىرعاندا دەمالام»، - دەيدى ول.

ۆيدەو: يۋريي ىسقاقوۆ

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي