USD 336.23 EUR 360.3 RUB 5.28
استانا:

22 جاستاعى قازاق قىزى وزىنە «باي دەمەۋشى» ىزدەپ ٴجۇر

جىلايمىز با، كۇلەمىز بە؟! «قىزعا قىرىق ۇيدەن تىيۋ» دەپ اتام قازاق بەكەر ايتپاسا كەرەك. قازىرگى زاماندا قىز تاربيەلەۋدىڭ ٴوزى ۇلكەن ۋايىمعا اينالدى. ۇلكەنگە قۇرمەتتى، كىشىگە ىزەتتى ۇمىتقان بۇگىنگى قوعامدا كەي قىزدارىمىزدىڭ قىلىعى جاعا ۇستاتاتىن دەڭگەيگە جەتتى. ەكى كۇننىڭ بىرىندە دارەتحانادان بالا تاۋىپ، باۋىرىمىز ەزىلىپ ەدى. ەندى، مىنە، 22 جاستاعى مەرۋەرتتىڭ «باي دەمەۋشى ىزدەيمىن» دەگەن اشىق حاتى جىعىلعانعا جۇدىرىقتاي ٴتيىپ وتىر. وزەكتى ورتەيتىنى، جازىپ وتىرعان ٴوزىمىزدىڭ قارا كوز قازاق قىزىمىز.

«اتىڭ شىقپاسا، جەر ورتەنىڭ» كەرى مە، كىم ٴبىلسىن... كەشە مەرۋەرت ەسىمدى قىز الەۋمەتتىك جەلىدەگى جەكە پاراقشاسىنا قىمبات كيىم كيىپ، جەكە پاتەردە تۇرىپ، جوعارى دەڭگەيدە ٴومىر سۇرگىسى كەلەتىنىن، ال وسى ماقساتقا جەتۋ ٴۇشىن «باي دەمەۋشى» ىزدەيتىنىن ەش بوياماسىز جازىپ قويعان.

مەرۋەرتتىڭ تالابى بويىنشا، «دەمەۋشىسى» جاسى 35-تەن اسپاعان، بويى 180-نەن جوعارى تەك قازاق بولۋى كەرەك. سونداي-اق، ٴبىلىمدى، اقىلدى، قىزىقتى، جومارت ٴارى ادامگەرشىلىگى زور بولۋى شارت.

ٴوزى، جازباسىنا قاراعاندا، الماتىلىق، الماتى قالاسىندا تۇرادى. تاربيەلى وتباسىدان شىققان. جاسى 22-دە. ٴتىپتى، ۋنيۆەرسيتەتتى «قىزىل ديپلوممەن» اياقتاپتى. ٴبىراق، ازىرگە، جۇمىسسىز ەكەن.

«شىنىمدى ايتسام، جۇمىس ىستەگىم دە كەلمەيدى، سەبەبى قولىمنان تۇك كەلمەيدى. ٴبىراق وتە قىزىقتى ٴارى سۇلۋ قىزبىن. بويىم 168، سالماعىم 52 كگ. مودەلگە ۇقسايمىن»، - دەپ جازعان دەمەۋشى ىزدەگەن ارۋ.

مەرۋەرتتىڭ بولاشاق دەمەۋشىگە قويار تالابى: الماتىنىڭ ەليتتى اۋدانىندا ورنالاسقان ەۆروجوندەۋ جۇرگىزىلگەن جەكە پاتەردە تۇرعىسى كەلەدى. ٴبىر ايعى شاي-پايىنا 1 ملن تەڭگە جەتەدى دەپ وتىر. ادەمى نومەرىمەن ايفون 7 تەلەفونى بولعانىن قالايدى. ازىرگە كولىك ايداي المايدى، سوندىقتان تاكسيمەن ٴجۇرىپ-تۇرماقشى.

نە نارسەنىڭ تەك قىمباتى مەن ساپالىسىن قالايتىن سىلقىم ومىردەن بار جاقسىنى مولىنان العىسى كەلەدى ەكەن.

«قاراپايىم جىگىتتەر ماعان ٴتيىستى دەڭگەيدە قامقور بولا المايتىنىن جاقسى تۇسىنەمىن) بار قالاۋىم، جوعارى دەڭگەيدە ٴومىر ٴسۇرۋ. بۇل قىلمىس ەمەس، مەنىڭ جەكە قالاۋىم»، - دەپ اقتالماق بولدى ارۋ.

«p.s. ناقتى ۇسىنىستارمەن جەكەگە جازىڭىزدار. ەگەر قالاۋىمداعى ەر ازامات تابىلسا، مەن ونىمەن كەزدەسۋگە دايىن ەكەنىمە ۋادە بەرەمىن. كەيىن بىرگە سۋرەتكە ٴتۇسىپ، ونى جەكە پاراقشاما جاريالايتىن بولام. بارشاڭىزعا رازمەت!)»، - دەپ اياقتاعان ٴوز جازباسىن ول.

وسىلايشا، جەكە ٴومىرىن رەاليتي-شوۋعا اينالدىرعان مەرۋەرت، ەگەر باسى بوس بولسا، بولاشاق دەمەۋشىسىمەن وتاۋ قۇرۋعا دا دامەلى.

قىز قىلىعىنىڭ اق-قاراسىن وقىعان جۇرت ٴوزى اجىراتا جاتار. قورقاتىنىمىز، مەرۋەرتتىڭ مۇنىسى ۆيرتۋالدىق ۆيرۋسقا اينالىپ كەتپەسە يگى.

ٴبىر وكىنىشتىسى، مەرۋەرت سىندى قىزدار ەلىمىزدە از ەمەس. ال بىزدىكى، جالقاۋ قىزعا جارناما جاساۋ ەمەس، كەز كەلگەن اتا-انا قىزدارىنىڭ تاربيەسىنە تەرەڭ ٴمان بەرىپ، ۇلت ۇرپاعىنىڭ جالعاستىرۋشىسى ەكەنىن ەستەن شىعارماسا ەكەن دەگەن تىلەك قانا.

التىن اقيقات

كوممەنتاريي1
marita
مەچتات نە ۆرەدنو

ۆاش كوممەنتاريي بۋدەت وپۋبليكوۆان پوسلە مودەراسيي