BAQ.kz - Қазақстан жаңалықтары USD 369.36 BAQ.kz - Қазақстан жаңалықтары EUR 431.3 BAQ.kz - Қазақстан жаңалықтары RUB 5.45
استانا:

22 قىركۇيەكتە ەلوردادا جالپىقالالىق سەنبىلىك وتەدى

فوتو: qamshy.kz

وسى جىلدىڭ 10 قىركۇيەك – 10 قازان ارالىعىندا استانا قالاسىنىڭ اۋماعىندا كۇزگى اباتتاندىرۋ، كوگالداندىرۋ جانە سانيتارلىق تازالاۋ بويىنشا ەكولوگيالىق ايلىق وتكىزىلەدى، دەپ حابارلايدى baq.kz اقپارات اگەنتتىگى استانا قالاسى اكىمدىگىنىڭ رەسمي سايتىنا سىلتەمە جاساپ.

وسى جىلعى 22 قىركۇيەك كۇنى وتەتىن جالپىقالالىق سەنبىلىككە 72 مىڭ ادام قاتىسادى دەپ كۇتىلۋدە: 2000-نان استام كاسىپورىن مەن ۇيىم، 46 جوعارى وقۋ ورنى مەن ورتا كاسىپتىك وقۋ مەكەمەسى، 177 ورتا مەكتەپ مەن جالپى ٴبىلىم بەرەتىن مەكەمە، 58 دەنساۋلىق ساقتاۋ مەكەمەسى، 146 مەملەكەتتىك مەكەمە مەن ۇيىمدار جانە كاسىپورىندار، 520 بىرلىك مامانداندىرىلعان تەحنيكا.

سەنبىلىككە قاتىسۋشىلاردى قوقىستى جينايتىن ارنايى (كۇرەك، تىرناۋىش) جابدىقتارمەن، قولعاپتارمەن جانە قاپتارمەن قامتاماسىز ەتەدى.

وسى ەكولوگيالىق ايلىق شەڭبەرىندە كەلەسى جوسپارلاۋدا:

- قالا اۋدانىن سانيتارلىق تازالاۋ;

- كوشە بويى، جاياۋ جول جانە ٴۇي ارالىق اۋداندى جيناۋ;

- اعاش ەگۋ;

- نوسەر تورلارى جانە ارىق جۇيەلەرىنىڭ قۇبىرلارىن تازالاۋ;

- گۇلزار جانە گۇلباقشالاردا، باق پەن ساياباقتاردا جاسىل جەلەكتەردى كۇتىپ ۇستاۋ اگروتەحنيكالىق مەرزىمدىك ٴىس-شارالار جۇمىستارىن جۇرگىزۋ;

- زاڭسىز جەرلەردە ورنالاسقان قوقىس ۇيىندىلەرىن جيناۋ.

جالپىقالالىق سەنبىلىككە قالالىق جانە رەسپۋبليكالىق مەكەمەلەردىڭ قاتىسۋىمەن 12 534 جاپپاي اعاش وتىرعىزۋدى ۇيىمداستىرۋ جوسپارلانۋدا.

بۇدان باسقا، 15 قىركۇيەكتە ٴبىزدىڭ ەلوردا «دۇنيەجۇزىلىك تازالىق كۇنى» حالىقارالىق ەكولوگيالىق اكسياسىنا قوسىلادى، وندا الەمنىڭ 150-دەن استام ەلى جانە 380 ملن جۋىق ەرىكتىلەر قاتىسادى. وسى اكسيانىڭ بىرەگەيلىگى، اكسيانى وتكىزۋ بارىسىندا جينالعان بارلىق قالدىقتاردى (ارالاسقان قالدىقتاردان قايتالاما شيكىزاتتى بولەك جيناۋ) سۇرىپتاپ، ودان ٴارى قالدىقتاردى وڭدەۋگە ارنايى زاۋىتقا تاسىمالدانادى. جالپىقالالىق سەنبىلىكتىڭ باستى ماقساتى، قوعامنىڭ نازارىن استانا قالاسىنىڭ كوشەلەرىن تازا ۇستاۋ جانە ەكولوگيالىق مادەنيەتىن قالىپتاستىرۋ. كوشەلەر مەن اۋلالاردى اباتتاندىرۋعا ۇلەسىن قوسقىسى كەلەتىن تۇرعىندار جانە قالا ۇيىمداستىرۋشىلارى قاتىسا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي