USD 335.71 EUR 357.36 RUB 5.23
استانا:

21 قاراشادان باستاپ ەسكى كولىكتەرگە اقشالاي وتەماقى بەرىلەدى

«وندىرۋشىلەردىڭ كەڭەيتىلگەن مىندەتتەمەلەرى» جشس توزىعى جەتكەن كولىك قۇرالدارىن جويۋعا ارنالعان باعدارلاما دايىنداعان. ونىڭ اياسىندا جەكە جانە زاڭدى تۇلعالاردىڭ ەسكى اۆتوكولىكتەرىنە تولەنەتىن قارجىلاي وتەماقى سوماسى كەلىسىلدى. بۇل تۋرالى كومپانيانىڭ اتقارۋشى ديرەكتورى سەرگەي يۋرچا ايتتى، دەپ حابارلايدى baq.kz ٴتىلشىسى.

«بۇل باعدارلاما 21 قاراشا كۇنى باستالادى دەپ جوسپارلاپ وتىرمىز. وسى رەتتە ايتا كەتەيىن، قازاقستاننىڭ 17 قالاسىندا ەسكى كولىكتەردى قابىلدايتىن بەكەت جۇمىس ىستەيدى. باعدارلامانى جۇزەگە اسىرۋ بارىسىندا 10 مىڭ ەسكى كولىكتى جويۋ كوزدەلىپ وتىر. تۇرعىندار م1 ساناتتاعى (جەڭىل اۆتوكولىك، 3،5 توننادان اسپايتىن جەتى ورىنعا دەيىنگى تەxنيكالار) كولىگىن جويۋعا تاپسىرىپ، ورنىنا اقشالاي وتەماقى الادى»، -دەيدى سەرگەي يۋرچا.

ونىڭ ايتۋىنشا، جويىلاتىن اۆتوكولىكتەر ەكى ساناتقا بولىنەدى ەكەن. ولارعا تولەنەتىن وتەماقى كولەمى دە ٴار ٴتۇرلى.

«تولىق جيىنتىقتا بولسا، 150 مىڭ تەڭگە، ال اۆتوكولىك جۇرمەسە (كولىك شاناعى، ەسىگى، قوزعالتقىش، بەرىلىس قورابى بولۋى كەرەك) 48 مىڭ تەڭگە بەرىلەدى. «وكم وپەراتورى» جشس قر ەنەرگەتيكا مينيسترلىگى جانە قازاقستان اۆتوبيزنەس قاۋىمداستىعىمەن بىرلەسىپ جۇمىس ىستەپ جاتىر. ياعني اتالعان ۆەدومستۆولارمەن بىرلەسىپ، جەكە جانە زاڭدى تۇلعالارعا سەرتيفيكات الۋ ٴۇشىن قارجى بولۋگە مۇمكىندىك بەرەتىن قولدانىستاعى زاڭنامانى جەتىلدىرۋ ماسەلەسىن قاراستىرۋدامىز. بۇل سەرتفيكات وتاندىق اۆتووندىرۋشىلەردەن جاڭا ەكولوگيالىق تازا كولىك قۇرالدارىن ساتىپ الۋعا جەڭىلدىك بەرەدى»، - دەيدى وكم وكىلى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي