BAQ.kz - Қазақстан жаңалықтары USD 327.11 BAQ.kz - Қазақстан жаңалықтары EUR 386.74 BAQ.kz - Қазақстан жаңалықтары RUB 5.34
استانا:

2021 جىلعا دەيىن 1249 ەلدىمەكەن جىلدامدىعى جوعارى ينتەرنەتپەن قامتىلادى

فوتو: мұрағат

اقپارات جانە كوممۋنيكاسيالار ٴمينيسترى داۋرەن ابايەۆ حالىق الدىنداعى ەسەپتىك كەزدەسۋىندە ازاماتتاردى جىلدامدىعى جوعارى ينتەرنەتپەن قامتۋ ماسەلەسىنە توقتالدى، دەپ حابارلايدى baq.kz ٴتىلشىسى.

«ەلدەگى ينتەرنەت ينفراقۇرىلىمىن دامىتۋ «سيفرلىق قازاقستان» مەملەكەتتىك باعدارلاماسىنىڭ نەگىزگى باعىتتارىنىڭ ٴبىرى بولىپ وتىر. بۇگىندە 13 ميلليون تۇرعىن جىلدامدىعى جوعارى ينتەرنەتتى پايدالانادى. تۇرعىن سانى 10 مىڭنان باستالاتىن ەلدىمەكەندەر 3g بايلانىس ستاندارتىمەن، ال 50 مىڭنان جوعارى تۇرعىنى بار ەلدىمەكەندەر 4g ستاندارتپەن قامتىلعان. بىلتىر ەلىمىزدەگى بارلىق اۋدان ورتالىعى بايلانىستىڭ 4-بۋىنىمەن قامتىلدى»، - دەدى مينيستر.

ابايەۆ مينيسترلىكتىڭ ەندىگى مىندەتى اۋىلدىق جەرلەردى كەڭ جولاقتى ينتەرنەتپەن قامتۋ بولىپ وتىرعانىن اتاپ ٴوتتى. مۇنى مەملەكەتتىك-جەكەشەلىك سەرىكتەستىك باعدارلاماسى ارقىلى جۇزەگە اسىرۋ جوسپارلانىپ وتىر.

«وسى ٴۇشىن جوبا اياسىندا 2021 جىلعا دەيىن 2 ميلليوننان استام تۇرعىنى بار 1249 ەلدىمەكەندى جىلدامدىعى جوعارى ينتەرنەتپەن قامتيمىز. جىلدامدىعى جوعارى ينتەرنەت اۋىل شارۋاشىلىعىن سيفرلاندىرۋ، ٴبىلىم بەرۋ مەن مەديسينا سالاسى ساپاسىن ارتتىرۋ، سونداي-اق مەملەكەتتىك قىزمەت كورسەتۋ سالاسىن دامىتۋ سەكىلدى اۋىلداعى كەشەندى ماسەلەلەردى شەشەتىن بولادى»، - دەدى ابايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي