BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

قوجامجاروۆ قىرعىزستاننىڭ باس پروكۋرورىمەن كەزدەستى

استانا، baq.kz. قازاقستان رەسپۋبليكاسىنىڭ باس پروكۋرورى قايرات قوجامجاروۆتىڭ قىرعىزستاننىڭ باس پروكۋرورى وتكۋربەك دجامشيتوۆپەن كەزدەسىپ، ەكى جاقتى ۆەدومستۆوارالىق ىنتىماقتاستىقتى نىعايتۋدىڭ جانە شارتتىق-قۇقىقتىق بازانى كەڭەيتۋدىڭ اسپەكتىلەرىن تالقىلادى.

قر باس پروكۋراتۋراسىنىڭ ٴباسپاسوز قىزمەتىنىڭ مالىمەتىنشە، تاراپتار ترانسۇلتتىق قىلمىسقا، ەكسترەميزمگە جانە تەرروريزمگە قارسى ٴىس-قيمىل ماسەلەلەرىنە قاتىستى ىرگەلى قارىم-قاتىناستار، سونداي-اق ۇرلانعان اكتيۆتەردى كەرى قايتارۋ بويىنشا بىرلەسە كۇش-جىگەر جۇمساۋ وڭ باعاعا يە بولدى.

«ٴوزارا كەلىسىمگە نەگىزدەلگەن كەلىسىلگەن ارەكەتتەر قىلمىستىق ىستەر بويىنشا قۇقىقتىق كومەك كورسەتۋ تۋرالى كيشينەۆ كونۆەنسياسىن ىسكە اسىرۋ ماسەلەلەرىن جەدەل ٴارى اۋرە-سارساڭعا سالماي شەشۋگە مۇمكىندىك بەرەدى»،- دەپ اتاپ ٴوتتى قايرات قوجامجاروۆ.

ٴوز تاراپىنان وتكۋربەك دجامشيتوۆ مىرزا سوتتالعان ادامداردى بەرۋ سالاسىندا قول جەتكەن ٴوزارا ٴىس-قيمىلدى اتاپ ٴوتتى.

سوڭعى ەكى جىل ىشىندە ىزدەۋ سالىنعان 11 ادام قىرعىزستاننان قازاقستانعا ەكستراديسيالاندى، قىرعىزدار تاراپىنان 17 ازامات بەرىلدى. وسى كەزەڭ ىشىندە قازاقستان قىرعىزستانعا ولاردىڭ سوتتالعان 19 ازاماتىن، ال ٴبىزدىڭ ەلىمىزگە 3 قازاقستاندىق بەرىلدى.

تەرروريستىك ۇيىمدارمەن جانە ولاردى قارجىلاندىرۋمەن كۇرەس سالاسىنداعى ىنتىماقتاستىق اسپەكتىلەرى جەكە تالقىلاندى.

قازاقستاننىڭ باس پروكۋرورى شەتەلدىك ارىپتەسىن ەكى جاقتى قارىم-قاتىناستى ودان ٴارى نىعايتۋعا ٴازىر ەكەندىگىن ايتتى.

ەستەرىڭىزگە سالا كەتەيىك، استانا قالاسىندا وتكەن «ايماقارالىق ىنتىماقتاستىقتى نىعايتۋ جانە ۇيىمداسقان قىلمىسقا قارسى كۇرەستە كۇش-جىگەردى ۇيلەستىرۋ» اتتى حالىقارالىق كونفەرەنسيادا شەت ەلدەردىڭ قاداعالاۋ ۆەدومستۆولارى وكىلدەرىنىڭ قاتىسۋى اياسىندا قازاقستاننىڭ باس پروكۋرورى ق. قوجامجاروۆ ٴبىرقاتار ەكىجاقتى كەزدەسۋلەر وتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي