BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

تۇرعىن ٴۇيدى پايدالانۋدىڭ ەڭ تومەنگى ٴتاريفى بەلگىلەنەدى

قر ينۆەستيسيالار جانە دامۋ مينيسترلىگى تۇرعىن ۇيلەردى پايدالانۋ شىعىندارىنىڭ ەڭ تومەنگى مولشەرىن بەلگىلەۋدى كوزدەپ وتىر، دەپ حابارلايدى baq.kz ٴتىلشىسى.

بۇگىن پارلامەنت ماجىلىسىندە ينۆەستيسيالار جانە دامۋ ۆيسە-مينيسترى قايىربەك وسكەنبايەۆ «قر كەيبىر زاڭنامالىق اكتىلەرىنە ٴتۇرعىن-ۇي كوممۋنالدىق شارۋاشىلىق ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تانىستىردى.

«زاڭ جوباسىندا تۇرعىن ٴۇيدى پايدالانۋدا تۇرعىندار مىندەتتى تۇردە تولەۋى ٴتيىس شىعىنداردىڭ ەڭ تومەنگى ٴتاريفىن انىقتادىق. تۇرعىندار تولەۋى ٴتيىس سوما جوعارى جانە قوسىمشا قىزمەتتەر بولسا جالپى جينالىستا قاراپ، وزدەرى شەشىم شىعاراتىن بولادى. مىسالى، ەگەر ٴۇيدى اپتاسىنا ەكى رەت جيناۋ مىندەتتى بولىپ، ال تۇرعىندار 3 رەت، نە 5 رەت جيناۋ قاجەت دەپ شەشىم قابىلداي الادى. الايدا بۇل ولارعا قوسىمشا شىعىن اكەلەتىندىكتەن وزدەرى شەشۋى ٴتيىس»، - دەپ اتاپ ٴوتتى ۆيسە-مينيستر.

وسكەنبايەۆتىڭ ايتۋىنشا، تاريف باعاسى ٴار ايماقتا ٴارتۇرلى بولادى جانە ونى ٴار ٴوڭىردىڭ جاعدايىنا بايلانىستى جەرگىلىكتى ٴماسليحات بەلگىلەيدى.

«تاريفتەردى ٴار ٴۇيدىڭ جەكە مەنشىك يەلەرى بەلگىلەۋى كەرەك. سوعان ساي بۇكىل ۇيگە قارايتىن اۋلاسىن، پودەزدى جيناۋ سەكىلدى قاجەتتى جۇمىستاردى كۇن سايىن جاساپ تۇرۋى قاجەت. جەرگىلىكتى ٴماسليحاتتارعا وسى جۇمىستاردى سىزدەر بەلگىلەيسىزدەر دەپ جاتىرمىز. ەڭ تومەنگى ٴتاريفتى زاڭنامالىق اكتىمەن انىقتايمىز. ال ٴتاريفتى ٴاربىر ماسليحات بەكىتەدى. ەڭ تومەنگى ٴتاريفتى تۇرعىندار مىندەتتى تۇردە تولەۋى ٴتيىس. ەگەر تۇرعىندار كۇزەت، شلاگباۋم سەكىلدى قىزمەتتەر كەرەك دەسە بۇل قوسىمشا شىعىنداردى جالپى جينالىستا قاراپ، وزدەرى شەشىم قابىلداۋى ٴتيىس»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي