BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

1،5 جىلدا 700-دەن استام ۇكىم تۇزەتىلگەن – باس پروكۋراتۋرا

فوتو: ашық дереккөзден

جوعارعى سوتتا نارازىلىقتار بويىنشا ىستەردى قايتا قاراستىرۋدىڭ كۇرت ٴوسىپ، ٴبىر جارىم جىل ىشىندە نارازىلىقتار بويىنشا كاسساسيا ارقىلى 700-دەن استام ۇكىم تۇزەتىلگەن. بۇل جونىندە جوعارعى سوتتا سوت تورەلىگىن جۇزەگە اسىرۋدىڭ 2018 جىلدىڭ ٴبىرىنشى جارتىجىلدىعىنداعى جۇمىس قورىتىندىسى بويىنشا رەسپۋبليكا سۋديالارىنىڭ كەڭەيتىلگەن جيىن بارىسىندا قر باس پروكۋرورىنىڭ ورىنباسارى مارات احمەتجانوۆ مالىمدەدى، دەپ حابارلايدى baq.kz ٴتىلشىسى.

«اعىمداعى جىلى اپەللياسيادا وزگەرتىلگەن جانە كۇشى جويىلعان سوت اكتىلەرىنىڭ سانى 1،5 ەسە ارتتى. ستاتيستيكا كورسەتىپ وتىرعانداي، جوعارعى سوتتا نارازىلىقتار بويىنشا ىستەردى قايتا قاراستىرۋدىڭ كۇرت وسكەن. ٴبىر جارىم جىل ىشىندە ولار بويىنشا كاسساسيالىق سوتتا 700 استام ۇكىم تۇزەتىلگەن. بۇل كوپ پە، الدە از با؟ ەگەر، بۇل وتكەن ون جىلداعى ٴبىرتۇتاس كورسەتكىشتەن اسىپ تۇسەتىنىن ەسكەرسەك، ارينە، كوپ. بۇل جاقسى ما، جامان با؟ بۇل ٴوسىمدى نە تۋدىرىپ وتىر جانە ونى قالاي وزگەرتۋگە بولادى؟ ٴبىزدىڭ نارازىلىقتارىمىزدىڭ 90 پروسەنتىن جوعارسى سوت قاناعاتتاندىرعانى، زاڭ بۇزۋشىلىقتار وزگەرتۋ جانە راستاۋ تەك جوعارعى سوتتا عانا مۇمكىن ەكەنى جامان، ادامدار جىلدار بويى ادىلدىك ىزدەپ جۇرەتىنى دە جامان. الايدا، مۇنىڭ ٴبىر جاقسى تۇسى دا بار. ٴبىز بۇل ولقىلىقتاردى تۇزەتە الدىق. كەي ادامدار باس بوستاندىعىنان ايىرۋ مەكەمەلەرىندە جىلداپ وتىرىپ كەلگەن. مىسالى، اعىمداعى جىلدىڭ وزىندە-اق كاسساسيالىق سوتقا جولداعان ٴبىزدىڭ نارازىلىقتارىمىز بويىنشا 200 سوتتالعان ازاماتتىڭ جاعدايىن جاقسارتتى. سونىڭ ىشىندە، 12 ادام تولىق بوستاندىققا شىعارىلسا، 19 ادام ٴىشىنارا اقتالدى، قالعاندارىنىڭ اباقتىدا ۇستاۋ رەجيمى مەن اباقتىدا بولۋ جاعدايى جەڭىلدەتىلدى جانە جاقسارتىلدى»، - دەدى باس پروكۋروردىڭ ورىنباسارى.

مارات احمەتجانوۆ جوعارعى سوت پەن باس پروكۋراتۋرا سۋديالار مەن مەملەكەتتىك ايىپتاۋشىلارعا ٴتيىمدى كومەكشى بولا الاتىن ارنايى جۇيەنى ازىرلەپ، قازىرگى تاڭدا جۇيە قولدانىسقا ەنگىزىلگەنىن مالىمدەدى.

«جۇيەگە ەڭ الدىمەن مەملەكەتتىك ايىپتاۋشى ۇستانىمىن، ودان كەيىن شىعارىلعان ۇكىم ٴمانىن ەنگىزەدى. سوندا جۇيە قىلمىستىق پەن قىلمىستىق-پروسەستىك كودەكس باپتارىنا ۇكىمنىڭ سايكەستىگىن تەكسەرىپ، سالىستىرادى جانە ٴتيىستى تۇزەتۋدى ۇسىنادى. اتالعان جۇيە ىسكە قوسىلعان ساتتەن بەرى ٴبىز ساپالى تالداۋعا قول جەتكىزدىك»، - دەدى قر باس پروكۋراتۋرا وكىلى.

ونىڭ ايتۋىنشا، بۇل جۇيە سۋديالار جۇمىسىنداعى ورەسكەل قاتەلىكتەردى انىقتاۋعا دا مۇمكىندىك بەرىپ وتىر.

«ٴقازىر جۇيە قاتەلەردى وڭىرلەر بويىنشا جارىپ كورۋگە مۇمكىندىك بەرەدى. ودان سوڭ، باعدارلاما قاي سوتتا قاتەلەر كوپ ورىن العانىن كورسەتەدى. مىسالى، الماتى اۋداندىق سوتىندا تۇزەتىلگەن ۇكىمدەردىڭ باسىم بولىگى سۋديا يمانقۇلوۆتىكى ەكەنىن كورسەتىپ تۇر. سونىڭ ىشىندە، ماناپوۆ ٴىسى بويىنشا جازا تاعايىنداۋ كەزىندە زاڭ بۇزۋشىلىق ورىن العان. سوتتالۋشىعا 6 جىل مەرزىمىندە باس بوستاندىعىنان ايىرۋ جانە مۇلكىن تاركىلەۋ تۇرىندە جازا تاعايىندالعان. كاسساسيا بويىنشا جوعارعى سوت ەنگىزگەن تۇزەتۋگە سايكەس، اتالعان اۋداندىق سوت قىلمىستىق كودەكستىڭ 55 جانە 56-باپتارى بويىنشا جازا مەرزىمى 4 جىلدان اسپايتىنىن ەسكەرمەگەن»، - دەدى پروكۋرور.

ايتا كەتۋ كەرەك، جوعارعى سوتتاعى بۇگىنگى كەڭەيتىلگەن جيىن وزگەشە ٴتارتىپ بويىنشا ٴوتىپ جاتىر.

«جارتى جىلدا نە جاسادىق، قانداي جەتىستىكتەر بار، قانداي كەمشىلىكتەر بار، وسىنىڭ بارلىعىن اشىق تالقىلاساق. بۇرىنعى ٴتارتىپ بويىنشا كىلەڭ باسشىلار سويلەيتىن. القا ٴتوراعالارى، اپپارات باسشىسى، اكادەميا رەكتورى. بۇل جولى ٴبىز وسى فورماتتى وزگەرتسەك. ەڭ الدىمەن ٴبىزدىڭ نەگىزگى «ستەيكحولدەرلەر»، ادۆوكاتتار، زاڭگەرلەر، پروكۋرورلار، سولاردىڭ سوت جۇيەسى جونىندەگى پىكىرلەرىن تىڭداساق. سودان كەيىن وزدەرىڭىز جاقسى بىلەسىزدەر، جىل باسىنان بەرى ٴبىز وڭىرلەردە ون شاقتى پيلوتتىق جوبانى جۇزەگە اسىرىپ جاتىرمىز. سولاردى ىسكە اسىرىپ جاتقان اۋداندىق، قالالىق سۋديالاردىڭ وزدەرىنىڭ پىكىرلەرىن تىڭداساق. سول پيلوتتىق جوبالار ناتيجە بەرىپ جاتىر ما، جوق پا؟ ەگەر، ناتيجەسى بار بولسا، وندا ول جوبالاردى بۇكىل رەسپۋبليكا بويىنشا ەنگىزەتىن بولامىز»، - دەدى جيىن باسىندا قر جوعارعى سوتىنىڭ ٴتوراعاسى جاقىپ اسانوۆ.

سونداي-اق، سوت ٴتوراعاسى ٴار سپيكەر 7 مينۋت قانا سويلەيتىنىن جانە وسى ۋاقىت وتكەن ۋاقىتتا ميكروفوندى وشىرەتىنىن مالىمدەدى.

«7 مينۋت، 420 سەكۋند. وسى شەكتەن شىقپاڭىزدار. ماعان ارنايى قۇرال بەرىپ قويدى. 7 مينۋت وتكەن سوڭ، مەن تۇيمەنى باسىپ، ميكروفوندى وشىرەتىن بولامىن. سەبەبى، سويلەيمىن دەۋشىلەر كوپ»، - دەدى جاقىپ اسانوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي