BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

13-15 ناۋرىزعا ارنالعان اۋا رايى بولجامى

فوتو: astana.gov.kz

الداعى ٴۇش كۇندە رەسپۋبليكانىڭ باسىم وبلىستارى بيىك سيكلوننىڭ جانە ونىمەن بايلانىستى اتموسفەرالىق فرونتتىڭ اسەرىندە بولادى، دەپ حابارلايدى baq.kz اقپارات اگەنتتىگى قازگيدرومەت سايتىنا سىلتەمە جاساپ.

قازاقستان اۋماعىنان وتەتىن اتموسفەرالىق فرونتتار سولتۇستىك بولىگىندە قار، وڭتۇستىكتە جاۋىن-شاشىن، سوڭى قارعا اينالاتىن جاڭبىر، سونىمەن قاتار، تۇمان، كوكتايعاق جانە تەمپەراتۋرانىڭ تومەندەۋىنە الىپ كەلەدى. باتىس جانە سولتۇستىك وبلىستاردا تەمپەراتۋرا كليماتتىق نورمادان 3-7وس تومەن بولادى، فرونتتاردىڭ وتۋىنە بايلانىستى قالعان اۋماقتا دا كۇن سۋىتادى.

12-14 ناۋرىزدا الماتى، جامبىل، وڭتۇستىك قازاقستان وبلىستارى بويىنشا جاۋىن-جاشىن باسىم. وسىعان بايلانىستى، مۇزدىق قۇبىلىستاردىڭ السىرەپ، وزەن ارنالارى قىسىلىپ (الماتى وبلىسىندا)، جازىقتىق جەرلەردە جانە تاۋلى وزەندەردە بەتكەيلى اعىن پايدا بولۋى مۇمكىن. سۋ دەڭگەيى كوتەرىلۋى دە مۇمكىن.

2018 جىلى 10 ناۋرىزداعى جەردى قاشىقتىقتان زوندتاۋ (جقز) سۋرەتتەرى بويىنشا الماتى وبلىسى تەرريتورياسىنىڭ 22%-ىندا، جامبىل وبلىسى تەرريتورياسىنىڭ 3%-ىندا، وڭتۇستىك قازاقستان وبلىسى تەرريتورياسىنىڭ 3%-ىندا قار جامىلعىسى جاتىر.

12-13 ناۋرىزدا قىزىلوردا وبلىسىندا سىرداريا وزەنىندە مۇزدىق قۇبىلىستاردىڭ السىرەپ وزەن ارنالارى قىسىلىپ، سۋدىڭ دەڭگەيى كوتەرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي