BAQ.kz - Қазақстан жаңалықтары USD 370.49 BAQ.kz - Қазақстан жаңалықтары EUR 421.06 BAQ.kz - Қазақстан жаңалықтары RUB 5.54
استانا:

10 ايدا جولاۋشىلار پويىزىندا 2 400-گە جۋىق زاڭ بۇزۋشىلىق انىقتالدى

استانا، baq.kz. قازاقستان رەسپۋبليكاسى ينۆەسيتيسيالار جانە دامۋ مينيسترلىگىنىڭ مەديا-ورتالىعىندا كولىك كوميتەتىنىڭ ٴتوراعاسى اسەت اساۆبايەۆ پەن سىبايلاس جەمقورلىقا قارسى ٴبىرىنشى مەديا ورتالىقتىڭ ٴتوراعاسى تولەگەن بايگۋلوۆتىڭ قاتىسۋىمەن ٴباسپاسوز كونفەرەنسياسى ٴوتتى.

وندا تەمىرجول كولىگىمەن جولاۋشىلاردى تاسىمالداۋ ساپاسىن ارتتىرۋدىڭ الدىن-الا قورىتىندىسى جاسالدى.

قر يدم كولىك كوميتەتىنىڭ ٴتوراعاسى اسەت اساۆبايەۆ بيىل 10 ايدا تەمىرجول كوىلىگىمەن 19 ميلليوننان استام جولاۋشى تاسىمالدانعانىن حابارلادى.

نورماتيۆتىك جاعدايلاردى قۇرۋ اياسىندا 2017 جىلدان باستاپ 220-دان استام جاڭا ۆاگوندار ساتىپ الىندى. سونىمەن قوسا، جولاۋشىلارعا كورسەتەتىن قىزمەتتەردىڭ ساپاسىن جانە قىزمەت كورسەتۋ دەڭگەيىن جوعارىلاتۋعا باعىتتالعان جۇمىستار ايتىلدى.

مىسالى، جۇردەك پويىزدار 3 ساعاتتان ارتىق كەشىگەتىن بولسا، جولاۋشىلاردى حابارلاندىرۋ ٴۇشىن ارنايى جۇيە قۇرىلدى. بۇل 2019 جىلدىڭ 1-قاڭتارىنان باستاپ تولىق جۇمىس ىستەيتىن بولادى.

www.bilet.railways.kz سايتىنا «كۇتۋ پاراعى» قىزمەتى ەنگىزىلدى. ەگەر، جوسپارلاپ وتىرعان پويىزدا بوس ورىندار بولماسا، جولاۋشى ٴوزىنىڭ جەكە مالىمەتتەرىن قالدىرا الادى. وسىلايشا، ورىن بولعان كەزدە جولاۋشىنىڭ ەلەكتروندى پوشتاسىنا جانە جەكە كابينەتىنە حابارلاما جىبەرىلەدى.

بارلىق الەۋمەتتىك ماڭىزى بار وبلىسارالىق پويىزداردا مۋلتيمەديالىق ويىن-ساۋىق wi-fi سەرۆەرى كەزەڭ-كەزەڭىمەن قوسىلاتىن بولادى.

جىل سايىن پويىز بريگاداسى شتاتىنىنىڭ 30%-ى جولاۋشىلارمەن مادەنيەتتى سويلەسۋگە جانە جاقسى قارىم-قاتىناستا بولۋعا وقىتىلادى.

بارلىق الەۋمەتتىك ماڭىزى بار پويىزداردا ديناميكالىق باعانىڭ قۇرىلۋ جۇيەسى قولدىنىلادى. تاسىمالداۋدى ەرتە جوسپارلاعاندا جولاۋشىلارعا بيلەتتى 25% جەڭىلدىكپەن ساتىپ الۋ مۇمكىندىگى ۇسىنىلادى.

سونداي-اق، جەكە باعىتتار بويىنشا «تۇلپار-تالگو» پويىزدارىنا بيلەت باعاسىنىڭ قىمباتتاۋىنا قاتىستى حالىقتان تۇسەتىن سۇراقتاردىڭ كوپتىگى ايتىلدى جانە ٴتۇسىندىرىلدى.

اسەت اساۆبايەۆ اتاپ وتكەندەي، اتالعان پويىزدار مەملەكەتتىك بيۋدجەت ەسەبىنەن قارجىلاندىرىلمايدى جانە قولدانىستاعى ستاندارتتى پويىزدارعا بالاما رەتىندە ۇلتتىق تاسىمالداۋشى ٴوز قالاۋى بويىنشا باسقارادى. وسىعان وراي، شىعىنداردى جابۋ ٴۇشىن تاسىمالداۋشى جول ٴجۇرۋدىڭ باعا ساياساتىن ٴوزى جۇرگىزەدى.

سونىمەن قاتار، 2019 جىلى i-توپتاعى مۇمكىندىگى شەكتەۋلى تۇلعالار ٴۇشىن 50%-دىق جول ٴجۇرۋ جەڭىلدىگى جولاۋشىلاردى تاسىمالداۋ قاعيلالارىنداعى وزگەرىستەرگە بايلانىستى بارلىق ستاندارتتى پويىزدارعا ەنگىزۋ جوسپارلانعانى ايتىلدى.

سونداي-اق، اسەت اساۆبايەۆ تاسىمالداۋشىلاردىڭ مىندەتتەرىن ورىنداۋدا قازىرگى ماسەلەلەر تۋرالى ايتتى.

2018 جىلدىڭ باسىنان بەرى 101 قۇرام تەكسەرىلدى جانە ستاندارتقا ساي كەلمەيتىن 800-گە جۋىق زاڭ بۇزۋشىلىق انىقتالدى.

تەكسەرۋدىڭ بارىنشا اشىقتىعىن قامتاماسىز ەتۋ ٴۇشىن ٴبىرىنشى سىبايلاس-جەمقورلىققا قارسى مەديا-ورتالىقتىڭ ٴتوراعاسى تولەگەن بايگۋلوۆ كوميسسيا قۇرامىنا ەنگىزىلدى. ول قوعام وكىلى رەتىندە تەكسەرۋ بارىسىن باقىلايدى.

جالپى، كەلىسىم-شارت اياسىندا تاسىمالداۋشىلارعا 55 ملن. تەڭگەدەن استام ايىپپۇل سالىندى جانە كەمشىلىكتەردى جويۋ شارالارى قابىلداندى.

سونداي-اق، كولىكتى باقىلاۋ ورگاندارى بيىلعى 10 ايدا 830 جولاۋشىلار پويىزىن تەكسەرىپ، 2 366 زاڭ تالاپتارى بۇزىلعانىن انىقتادى جانە بيلەتسىز جولاۋشىلاردى تاسىمالداۋدىڭ 1000-نان استامى فاكتىسى تىركەلدى.

سونىمەن قاتار، كوميتەت جولاۋشىلارمەن ناقتى كەرى بايلانىس ورناتۋ جۇمىستارىن جۇرگىزۋدە.

بۇگىنگى تاڭدا تاۋلىك بويى جۇمىس ىستەيتىن 1433 ٴنومىرى بويىنشا جولاۋشىلاردىڭ وتىنىشتەرىن قاراۋ جونىندەگى ٴبىرىڭعاي كولل-ورتالىق ىسكە قوسىلدى.

اسەت اساۆبايەۆ جولاۋشىلاردى تاسىمالداۋ قاعيدالارى بۇزىلعان جاعدايدا، جولاۋشىلاردى بيلەتسىز تاسىمالداۋ فاكتىلەرى تىركەلسە، توسەك-ورىن جابدىقتارى تالاپقا ساي بولماعان جاعدايدا 1433 نومىرىنە حابارلاۋ كەرەكتىگىن باسا ايتتى.

پويىزدارداعى قىزمەت كورسەتۋ دەڭگەيىن، تاسىمالداۋ ساپاسىن ارتتىرۋ جانە پويىز بريگاداسىنىڭ زاڭسىز ارەكەتتەرىن بولدىرماۋدا جەمىستى جۇمىس جۇرگىزۋ ٴۇشىن حالىق بەلسەندى اتسالىسۋى قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي