BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

«100 جاڭا ەسىم» جەڭىمپازدارى قازاقستاندىقتاردى جوباعا قاتىسۋعا شاقىردى

فوتو: Нұржас Жақсыбай

استانا، baq.kz ٴتىلشىسى. بۇگىن استانادا رەسپۋبليكالىق جاستار ۇيىمداردىڭ باسشىلارى «قازاقستاننىڭ 100 جاڭا ەسىمى» جوباسىنىڭ 2017 جىلعى جەڭىمپازدارىمەن بىرلەسە اتقارعان ٴىس-شارالار تۋرالى اقپارات بەرىپ، ەلوردامىزدىڭ جاستارى مەن تۇرعىندارىن «ٴجۇز جاڭا ەسىم» جوباسىنا بەلسەنە قاتىسۋعا شاقىردى.

بۇگىنگى شاراعا «قازاقستان ستۋدەنتتەرىنىڭ اليانسى» رەسپۋبليكالىق ستۋدەنتتەر قوزعالىسىنىڭ جەتەكشىسى ٴىلياس تۇستىكبايەۆ، «قازاقستان جاستار كونگرەسى» جانىنداعى رەسپۋبليكالىق جاستاردى دامىتۋ ورتالىعىنىڭ باسشىسى ەرعازى ٴازىمحان ۇلى، «قازاقستاننىڭ 100 جاڭا ەسىمى» جوباسىنىڭ العاشقى جەڭىمپازدارى سەرىك ەسماتوۆ پەن ايديە ايداربەكوۆ، «استانا جاستارى» كمم ورتالىعىنىڭ ديرەكتورى ۇكىباي نۇرپەيسوۆ قاتىستى.

ستۋدەنتتەر قوزعالىسىنىڭ جەتەكشىسى ٴىلياس تۇستىكبايەۆتىڭ ايتۋىنشا، ەلىمىزدىڭ 17 وڭىرىندە 30 مىڭنان استام بەلسەندى جاس 530 مىڭ ستۋدەنتپەن جۇمىس ىستەيدى.

«100 جاڭا ەسىم» – جاستار ٴۇشىن، ستۋدەنتتەر ٴۇشىن كەرەمەت جوبا. وسى جوبا ارقىلى ەلىمىزدىڭ ٴار وڭىرىندە، وقۋ ورىندارىندا تانىلماي جۇرگەن، ەلەۋلى ەڭبەك سىڭىرگەن، جوبالارىن جاساپ، جاڭالىق اشقان جاستاردى ەلگە تانىتۋ مۇمكىن بولىپ وتىر. «100 جاڭا ەسىم» جەڭىمپازدارىمەن ٴبىراز ٴىس-شارالار اتقاردىق. ولار ستۋدەنتتەرمەن كەزدەسىپ، ويلارىمەن، تاجىريبەسىمەن ٴبولىستى. 2-كەزەڭ باستالدى. بارلىق وڭىرلەرگە سۇرانىس جىبەردىك. بىلتىر قاتىسقان، جەڭىمپازدار قاتارىنان كورىنبەگەن، جاڭالىق اشقان ستۋدەنتتەردى قاتىستىرعالى جاتىرمىز»، - دەدى تۇستىكبايەۆ.

«قازاقستان جاستار كونگرەسى» جانىنداعى رەسپۋبليكالىق جاستاردى دامىتۋ ورتالىعىنىڭ باسشىسى ەرعازى ٴازىمحان ۇلى بولسا كونگرەستىڭ وسى جوبا اياسىندا «7 جالىن» جوباسىن ىسكە قوسقانىن اتاپ ٴوتتى. بۇل جوبادا ۇكىمەتتىك ەمەس ۇيىمدار ٴوز اتىنان جاستاردى ۇسىنىپ، ولاردىڭ جەتىستىكتەرىن كەڭىنەن ناسيحاتتاۋعا مۇمكىندىك بەرەدى.

«ەل بىلمەيتىن ايتارلىقتاي ەڭبەگى بار ادامدار، اۋىلدان باتىرلارىمىز شىعىپ جاتادى. سولاردى ىزدەۋ ماقساتىندا جاستارمەن جۇمىس جاساۋ ۇيىمدارىنا، اكىمدىك جانىنداعى جاستار ورتالىقتارىنا حابارلاسىپ شىقتىق. جوبا اياسىندا كەزدەسۋ ۇيىمداستىردىق. بەلگىلى جەتىستىككە جەتكەن ازاماتتاردى ناسيحاتتاۋ ارقىلى ادامداردى جىگەرلەندىرەمىز»، - دەپ ايتتى ول.

«قازاقستاننىڭ 100 جاڭا ەسىمى» جوباسىنىڭ جەڭىمپازى سەرىك ەسماتوۆ بۇل جوباعا قالاي تاپ بولعانىن بايانداپ بەردى.

«ۇزاق ۋاقىت بويى ادام رەتىندە، بولاشاق تۇلعا رەتىندە ٴوزىمدى ىزدەدىم. مادەني، سپورتتىق شارالارعا بەلسەندى قاتىسىپ ٴجۇردىم. مەن سەكىلدى جاعدايعا تاپ بولعاندارعا كومەكتەسىپ ٴجۇردىم. ادامدار كوزىمنەن شىندىقتى، شىنايىلىقتى كورگەن سوڭ ولار ٴار ٴسوزىمدى تىڭدادى. ماعان جۇگىنگەن 250-دەي اداعا قولىمنان كەلگەنشە كومەكتەستىم. ولار ٴقازىر ٴومىر ٴسۇرىپ جاتىر. مەنىڭ ٴار جەتىستىگىمدى، باسقان قادامىمدى ادامدار كوردى. «100 جاڭا ەسىمگە» قاتىسپاي تۇرىپ تا باق جازدى، ادامدار شۋلادى. وسىنىڭ ارقاسىندا مەنى الماتى مەن استانا قالاسىنىڭ باسشىلىعى بايقادى. الماتى قالاسىنىڭ اكىمدىگى مەنى ۇمىتكەر رەتىندە ۇسىندى. جوباعا قاتىسقان سوڭ مەنىڭ ٴومىرىم تۇبەگەيلى وزگەردى. ٴار باسقان قادامىم مەن ٴار ٴسوزىمنىڭ ماعىناسى بولدى. سولاي جالعاسىپ كەلەدى»، - دەدى سەرىك ەسماتوۆ.

ول «100 جاڭا ەسىم» جوباسىنان ٴوزىن كورگىسى كەلەتىن ادامدارعا قانداي قاسيەتتەرگە يە بولۋ قاجەت ەكەنىن ايتى.

«ٴار ادامنىڭ ٴوز ساناسى بار، ونى وزگەرتۋگە بولادى. ٴبارى ادامنىڭ ٴوز قولىندا. ومىردە شەكتەۋ جوق. اياعىمنان ايىرىلسام دا بۇل ٴبىر ورىندا توقتاپ، اسپاننان عاجايىپ كۇتپەيمىن. بۇل عاجايىپتى ٴوزىڭ دە جاساي الاسىڭ. ايديە (رەجيسسەر – اۆت.) ٴومىردى كامەر ارقىلى بەينەلەيدى. ونىڭ ومىرگە دەگەن ٴوز كوزقاراسى بار. مەن ادامدارعا وسى داۋىسىم ارقىلى اسەر ەتە الامىن. بولاشاعىمىز وزىمىزگە بايلانىستى. بارلىعى جاقسى بولۋى ٴۇشىن ٴار ادام وز-وزىمەن جۇمىس ىستەۋى كەرەك. موتيۆاتور، وراتور رەتىندە مەنىڭ جاسىمداعى ادامداردى دۇرىس ٴومىر ٴسۇرىپ، ارەكەت جاساپ، كەڭىنەن ويلاۋعا شاقىرامىن. ٴومىر قوزعالىستان تۇرادى. وز-وزىڭە سەنۋ كەرەك. مۇمكىندىكتەردى جەلگە ۇشىرماۋ كەرەك. ۇلكەن جەتىستىكتەرگە لايىقتى بولىڭىزدار. وز-وزدەرىڭىزدى كورسەتىڭىزدەر، ۇيالماڭىزدار، قورىقپاڭىزدار»، - دەدى ول.

جاس رەجيسسەر، جوبا جەڭىمپازى ايديە ايداربەكوۆ «100 جاڭا ەسىمگە» كەزدەيسوق تاپ بولعان. داۋىس بەرۋ كەزەڭى باستالعاندا اقش-قا نيۋ-يورك كينواكادەمياسىندا رەجيسسەر ماماندىعىندا وقۋعا كەتكەن. جوبا تۋرالى امەريكادا جۇرگەندە بىلگەن.

«قاراپايىم اداممىن، ٴوتىنىم جىبەرۋ ويعا كەلمەدى. بىرنەشە ۋاقىتتان سوڭ حابارلامالار، قوڭىراۋلار كەلىپ ٴتۇستى. ادامدار ماعان داۋىس بەرەتىندەرىن ايتىپ، قولدايتىندارىن جەتكىزدى. العاشىندا نە ٴۇشىن ەكەنىن تۇسىنبەدىم، سودان كەيىن سىلتەمەنى جىبەردى. اۋىل جىگىتىمىن. «جاقسى» اۋىلىندا ٴوستىم. اۋىل تۇرعىندارى «100 جاڭا ەسىم» جوباسىنا مەنى لايىقتى دەپ تاۋىپ، سايتقا اقپارات تولتىرىپ، ٴوتىنىم جىبەرىپتى. سودان سوڭ ادامدار مەنى بىلە باستادى. كەزدەيسوق قاتىستىم، «100 جاڭا ەسىمنىڭ» ٴبىرى اتانعانىما ٴالى كۇنگە دەيىن سەنبەيمىن. حالىقتىڭ قولداۋىن سەزەسىڭ. جەڭىمپاز دەپ ايتقان ۇنامايدى، جەڭىمپاز ەمەسپىن، ماعان داۋىس بەردى، مەنى تاڭدادى. بۇل مەن ٴۇشىن ۇلكەن جەتىستىك. حالىقتىڭ تاڭداۋىن اقتاۋ ٴۇشىن بارلىق كۇشىمدى سالامىن»، - دەدى جاس رەجيسسەر.

ايديە امەريكادا وقىپ جۇرگەن كەزدە ەلىمىزدە وتكەن كوپتەگەن شاراعا قاتىسا الماعانىن ايتتى. ول وقۋىن ٴبىتىرىپ، قازاقستانعا ەكى اپتا بۇرىن عانا كەلدى. ەندى شارالاردان قالىس قالماي، جۋرناليستەردىڭ سۇراقتارىنا جاۋاپ بەرۋگە تىرىساتىنىن ايتتى. «ايتارىم بار بولعان سوڭ ونى ادامدارعا جەتكىزگىم كەلەدى» - دەيدى ول.

«قازاقستاندا تالانتتى ادامدار كوپ. ولار تۋرالى بىلۋگە، ولاردى تىڭداۋعا جانە كورۋگە بولادى. «نە ٴۇشىن سەندەردى ٴارتۇرلى شاراعا شاقىرادى؟»، «نەگە باننەردە فوتولارىڭدى قويعان؟» دەپ سۇرايدى. بۇل كوممەرسيالىق ەمەس، يمميدجىك جوبا. مەملەكەت بۇل جەردە قارجىلاي كومەكتەسپەيدى، سەن تۋرالى ايتىپ، باسقالارعا ۇلگى رەتىندە كورسەتەدى. مۇنى قاجەت دەپ ويلايمىن. ەكىنشى كەزەڭ جاريالادى. قىزىقتى جاڭا ەسىمدەر تانىلادى دەپ ويلايمىن. سايتقا كىرىپ ٴوزىم دە ۇناعان ادامدارعا داۋىس بەرەمىن»، - دەپ ٴسوزىن تۇيىندەدى ول.

«ٴجۇز جاڭا ەسىم» جوباسىنىڭ ماقساتى – تابىستى، باسەكەگە قابىلەتتى بولۋ، پراگماتيزم مەن ٴبىلىم كۋلتى يدەيالارىن تاۋەلسىزدىك جىلدارى قازاقستاننىڭ دامۋىنا ەلەۋلى ۇلەس قوسقان ادامداردىڭ تاريحىن ۇلگى ەتە وتىرىپ ناسيحاتتاۋ.

فوتو/ۆيدەو: نۇرجاس جاقسىباي


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي