USD 334.89 EUR 361.61 RUB 5.28
استانا:

شينجياڭ: ستۋدەنتتەر اراسىندا «جاس قانات» اتتى جىر ٴمۇشايراسى ٴوتتى

شينجياڭ «قولدانىلمالى كاسىپتىك تەحنيكا ينستيتۋتىندا» «جاس قانات» اتتى جىر ٴمۇشايراسى ٴوتتى. اتالعان مۇشايرانى ينستيتۋت باسشىلارى، ۇستازدار، قازىلار جانە ستۋدەنتتەردەن قۇرالعان 300-دەن استام ادام تاماشالادى، دەپ حابارلايدى baq.kz.

سول جاقتاعى ارىپتەسىمىز تاڭنۇر تۇردىباقىتقىزىنىڭ حابارلاۋىنشا، بۇل رەتكى جىر ٴمۇشايراسىن ينستيتۋتتىڭ كوركەمونەر فاكۋلتەتىنىڭ اقىندار كلاسى ۇيىمداستىرعان. ينستيتۋت قاراستىلىعىنداعى 10 فاكۋلتەتتەن 50-دەن استام ۇمىتكەر قاتىناسىپ، سوڭىندا شەشۋشى جارىسقا 18 اقىن جولداما العان ەكەن.

تالانتتى جاس اقىندار ساحنادا جاندى دا جالىندى بەينە بايقاتىپ، بۇگىنگى باياشات ٴداۋىردى جىرلاۋمەن قاتار رۋحاني جاقتاعى كەيبىر كەلەڭسىزدىكتەردى سىن تەزىنە الدى. باعالاۋشىلار ولەڭنىڭ مازمۇن-مانەرى، كوركەمدىگى، سەزىمدىك بوياۋى، ساحاناداعى بەينەلەۋى قاتارلى جاقتاردان ٴادىل باعالارىن بەردى.

ٴبىر جارىم ساعاتتان استام ۋاقىتقا سوزىلعان جارىس كورەرمەندەردىڭ قىزۋ قارسى الۋىنا بولەنىپ، پوەزيا الەمىنىڭ ٴمانى، ماڭىزى، قۇندىلىعى تۇرالى ستۋدەنتتەرگە تاپتىرماس ساباق بولدى.

فوتو: kazak.ts.cn

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي