BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

ۇلتتىق فيلمدەردى پروكاتتاۋ كەزىندە كينوتەاترلار كورپوراتيۆتىك تابىس سالىعىنان بوساتىلۋى مۇمكىن

استانا، baq.kz ٴتىلشىسى. بۇگىن قر پارلامەنتىنىڭ سەناتى الەۋمەتتىك-مادەني دامۋ جانە عىلىم كوميتەتىنىڭ كەڭەيتىلگەن وتىرىسىندا «كينەماتوگرافيا» تۋرالى قر زاڭ جوباسى جانە «قر كەيبىر زاڭنامالىق اكتىلەرىنە كينەماتوگرافيا ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى قارالدى.

زاڭ جوبالارىن قر مادەنيەت جانە سپورت ۆيسە-مينيسترى اقتوتى رايىمقۇلوۆا تانىستىردى. ونىڭ ايتۋىنشا، بۇل كينەماتوگرافيا سالاسىن جەكە، دەربەس سالاعا شىعاراتىن مادەنيەت سالاسىنداعى العاشقى زاڭ. ٴقازىر قازاقستانداعى كينەماتوگرافيا «مادەنيەت تۋرالى» زاڭنىڭ بىرنەشە نورمالارىمەن عانا رەتتەلىپ كەلەدى.

«كينەماتوگرافيا تۋرالى دەربەس زاڭ قازاقستاندىق كينەماتوگرافيانى ٴتيىمدى دامىتۋعا مۇمكىندىك بەرەدى. شەتەلدەردىڭ ۇزدىك تاجىريبەسىن ەسكەرە وتىرىپ، ٴبىز كينەماتوگرافيانى دامىتۋدىڭ وزىندىك تۇجىرىمدىق كوزقاراسىن قالىپتاستىردىق. ونىڭ شەڭبەرىندە مىنالار ۇسىنىلادى. ٴبىرىنشى، ۇلتتىق كينونى قولداۋ ورتالىعىن قۇرۋ. بۇگىندە مەملەكەتتىك قولداۋ قۇرالدارىنىڭ نەگىزگى الۋشىسى – مەملەكەتتىك قاراجاتتى ٴبولۋ ٴۇشىن ەرەكشە فۋنكسيالاردى ورىندايتىن «قازاقفيلم» كينوستۋدياسى سانالادى. بۇكىل الەمدە بۇل ماسەلە كينوجوبالار اراسىندا قاراجاتتى ٴتيىمدى بولۋدەن باسقا ولاردى قايتارۋ جونىندەگى ماسەلەلەردى شەشەتىن دەربەس ٴبىرىڭعاي وپەراتور قۇرۋ ارقىلى شەشىلىپ وتىر. سۋبەكتيۆتى باعالاۋدى بولدىرماۋ ٴۇشىن كينوجوبالار ساراپتامالىق كەڭەستىڭ ىرىكتەۋى جانە قر ۇكىمەتى جانىنداعى ۆەدومستۆوارالىق كوميسسيادا قاراۋ ارقىلى سۇزگىلەۋدەن وتەتىن بولادى. بۇكىل الەمدە قابىلدانعانداي، «قازاقفيلم» كينوفابريكا رەتىندە جۇمىس ىستەي بەرەدى»، - دەدى رايىمقۇلوۆا.

ۆيسە-مينيستردىڭ ايتۋىنشا، فيلمدەر ٴوندىرىسى كەزىندە ينۆەستور ٴۇشىن كينووندىرۋشى كومپانيالاردى قوسىمشا قۇن سالىعىنان بوساتۋ ۇسىنىلىپ وتىر. سونداي-اق، فيلمدەردىڭ قۇقىق يەلەنۋشىلەرىن جانە پروكاتتاۋ كينوكومپانيالارىن، ياعني ۇلتتىق فيلمدەردى پروكاتتاۋ كەزىندە كينوتەاترلاردى كورپوراتيۆتىك تابىس سالىعىنان بوساتۋ كوزدەلىپ وتىر.

«ٴبىز بۇنداي نورما شەتەلدىك كارتينالاردىڭ الدىندا ولاردىڭ (ۇلتتىق فيلمدەردىڭ - اۆت.) كەپىلدى ارتىقشىلىعىن قامتاماسىز ەتەدى دەپ ويلايمىز»، - دەدى اقتوتى رايىمقۇلوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي