BAQ.kz - Қазақстан жаңалықтары USD 325.79 BAQ.kz - Қазақстан жаңалықтары EUR 402.94 BAQ.kz - Қазақстан жаңалықтары RUB 5.33
استانا:

«شىڭىراۋ» ٴفيلمىنىڭ ترەيلەرى جاريالاندى

ش.ايمانوۆ اتىنداعى «قازاقفيلم» اق تۇسىرگەن «شىڭىراۋ» تولىقمەتراجدى كوركەم ٴفيلمنىڭ ٴتۇسىرۋ جۇمىستارى اياقتالدى، دەپ حابارلايدى baq.kz اقپارات اگەنتتىگى.

كينوتۋىندىنىڭ قويۋشى رەجيسسەرى ٴارى سسەناريي اۆتورى - جاڭابەك جەتىرۋوۆ.

ٴابىش كەكىلبايەۆتىڭ «شىڭىراۋ» پوۆەسىنىڭ جەلىسى بويىنشا تۇسىرىلگەن كوركەم فيلم ەڭسەپ ەسىمدى قۇدىقشىنىڭ ٴومىرىن، سونداي-اق كۇندەلىكتى ومىردە ٴجيى كەزدەسەتىن قيىندىقتار تۋرالى، اتاپ ايتساق، باقتالاستىق، مەنمەندىك، ماحاببات، دوستىق پەن ساتقىندىق تۋرالى باياندايدى.

«شىڭىراۋ» ٴفيلمى ٴوز ەلىنىڭ ٴتول تاريحىنا بەيجاي قارامايتىن قالىڭ جۇرتشىلىققا ارنالعان. بۇل ٴپالساپالىق كارتينادا كورىنىس تاپقان كوركەم دەكوراسيالار، كوستيۋمدەر جانە كوز تويارلىق ادەمى تابيعات اياسىنداعى رومانتيكاعا تولى ساحنالار، جانۋارلار قاتىسقان ساحنالار، كاسپيي تەڭىزى، سىرعا تولى ماڭعىستاۋ ٴوڭىرى ەشقانداي كورەرمەندى بەيجاي قالدىرمايدى دەپ ويلايمىن»، - دەدى ٴفيلمنىڭ رەجيسسەرى.

«قازاقفيلم» اق ٴباسپاسوز قىزمەتى ٴمالىم ەتكەندەي، ٴتۇسىرىلىمنىڭ بارلىعى ماڭعىستاۋ وبلىسىندا ٴوتتى. فيلمدە قاراقيا ويىسى، ٴۇستىرت شوقىسى جانە كاسپيي تەڭىزى كورىنىس تابادى. تۇسىرىلىمدەر ٴۇشىن فورت-شەۆچەنكو قالاسىنا جاقىن جەردەگى قانعا اۋىلىندا دەكوراسيالار تۇرعىزىلىپ، ەلدى مەكەن فاكتۋرالاندى. فيلمدەگى باستى رولدەردى اسىلحان تولەپوۆ، الدابەك شالبايەۆ جانە ايجان جەتىرۋ سومدادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي