BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«ششەلكۋنچيك» ٴفيلمى قازاق تىلىندە سويلەدى

فوتو: KinoFilms

استانا، baq.kz ٴتىلشىسى. كەشە استانا مەن الماتى قالالارىندا «بولاشاق» كورپوراتيۆتىك قورىنىڭ قولداۋىمەن قازاق تىلىنە دۋبلياجدالعان ٴ27-شى فيلم – «ششەلكۋنچيك ي چەتىرە كورولەۆستۆا/شاقىلداق جانە ٴتورت پاتشالىق» انيماسيالىق ٴفيلمىنىڭ الدىن الا كورسەتىلىمى ٴوتتى.

كينولاردى قازاقشا سويلەتكەن «بولاشاق» قاۋىمداستىق قورى، disney ستۋدياسى جانە marvel كومپانياسى. ال قارجىلىق دەمەۋشىسى bi group حولدينگى. وسىعان دەيىن حولدينگىنىڭ قارجىلىق قولداۋى ارقاسىندا 3 فيلم دۋبلياجدالىپ، كورەرمەنگە ۇسىنىلعان.

فيلمدە پ.ي. چايكوۆسكييدىڭ «شاقىلداق» كلاسسيكالىق بالەتىنىڭ مۋزىكالىق كومپوزيسياسى ورىندالادى.

bi group قۇرىلىس حولدينگىنىڭ قوعاممەن بايلانىس ٴبولىمىنىڭ مامانى ارحات عارىپجاننىڭ ايتۋىنشا، كومپانيا يگى جوبالارعا، باستامالارعا قولداۋ كورسەتۋگە دايىن.

«bi group قۇرىلىس حولدينگى جاڭا ٴفيلمنىڭ قازاقشا دۋبلياجىنا قولداۋ كورسەتتى. وسىعان دەيىن دە بىرنەشە مۋلتفيلمدەرگە قولداۋ كورسەتكەن بولاتىن. قازاقتىڭ قازاقتىعىن بىلدىرەتىن ونىڭ ٴتىلى، ٴدىلى، ونىڭ قانى، سوندىقتان وعان قولداۋ كورسەتۋ ٴبىز سياقتى وتاندىق كومپانيالاردىڭ الەۋمەتتىك جاۋاپكەرشىلىگى. وسىنداي ەرەكشە فيلمدەردى قازاقشا كورگەن بالالار دا بولاشاقتا ەلىنىڭ بولاشاعىنا ٴوزىنىڭ ۇلەسىن قوساتىنىنا سەنىمدىمىز. وسى سياقتى يگى جوبالار كوپ بولسىن جانە كومپانيامىز ونى قولداۋعا ٴاردايىم دايىن»، - دەدى ارحات عارىپجان.

«شاقىلداق جانە ٴتورت پاتشالىق» ٴفيلمى ٴدۋبلياجىنىڭ جۇمىستارىنا 40 كاسىبي اكتەر قاتىستى.

دۋبلياج اكتەرى زاڭعار ابەنوۆتىڭ پىكىرىنشە، الەۋمەتتىك جەلىلەردە اتا-انالار قازاق تىلىندەگى كورسەتىلىمنىڭ ازدىعىنا، ۋاقىت ىڭعايسىزدىعىنا ٴجيى شاعىمدانادى.

«الدىمەن ارىپتەستەرىمە، دەمەۋشىلەرگە، سونىمەن قاتار اكتەرلەرگە ىڭعايلى جاعداي جاساپ، بارىنشا ساپالى دىبىستاۋعا كومەكتەسكەن «aray media group» ستۋدياسىنا ەرەكشە العىسىمدى بىلدىرگىم كەلەدى. شەتەلدىڭ مەن دەگەن ستۋديالارىنىڭ كارتينالارى قازاق تىلىندە سويلەسە ٴبىز ٴۇشىن قۋانىش جانە وسىنداي جوبالارعا ٴوز ۇلەسىمىزدى قوسساق – ۇلكەن مارتەبە. الەۋمەتتىك جەلىلەردە ٴبىزدىڭ پاراقشالارعا جازىلعان بارلىق پىكىرلەردى وقىپ، باقىلاپ وتىرامىز. كوپ اتا-انالاردىڭ پىكىرىنشە، كينوتەاترلاردا قازاق تىلىندەگى كينو كورسەتىلىم ۋاقىتى ىڭعايسىز نە بولماسا از. سوندىقتان كينوتەاتر باسشىلارى قازاق تىلىندەگى كورسەتىلىم ۋاقىتتارىن ىڭعايلى ۋاقىتقا قويسا دەگەن ٴوتىنىشىمىز بار. سەبەبى فيلم ەكى ساعاتتىق عانا بولعانىمەن، ول قانشاما ادامنىڭ 2-3 ايلىق ەڭبەگىنىڭ ناتيجەسى»، - دەدى اتقارىلعان جۇمىستار جايىندا زاڭعار ابەنوۆ.

اتالعان كينوكارتينا ٴdisney-دىڭ ٴداستۇرلى فيلمدەرىنەن وتە ەرەكشەلەنەدى. «شاقىلداق جانە ٴتورت پاتشالىق» فيلمىندە ە. گوفماننىڭ ٴتۇپنۇسقالىق ەرتەگىسى، پ. چايكوۆسكييدىڭ بالەتى، ٴdisney-دىڭ سيقىرى، سونداي-اق گولليۆۋدتىڭ باس اينالدىراتىن ەرەكشە اسەرلەرى قاباتتاسا ورىلگەن. مۇندا ٴازىل-قالجىڭدار مەن كۇلدىرگى ساتتەر از بولعانىمەن، ونىڭ ورنىنا اقىلدى ديالوگتار، قىزىقتى سيۋجەتتىك امالدار مەن ادەمى كورىنىستەر وتە كوپ.

قر پارلامەنتى ٴماجىلىسىنىڭ دەپۋتاتى، «بولاشاق» قاۋىمداستىق قورىنىڭ ٴتوراعاسى باقتيار ماكەننىڭ ايتۋىنشا، الدا قازاق تىلىندەگى تۋىندىلار قازاق اۋديتورياسىنا ىڭعايلى ۋاقىتتا كورسەتىلەدى.

«بولاشاق» قاۋىمداستىق قورى، «aray media group» ستۋدياسى جانە باسقا دا ارىپتەستەرىمىزبەن الدا جوسپارلارىمىز ٴالى كوپ. جاقىندا «كينەماتوگرافيا تۋرالى» زاڭ جوباسى ەنگىزىلەدى. سونداي-اق قازاق كينويندۋسترياسىن دامىتۋعا، قازاق تىلىندەگى تۋىندىلاردى دۇرىس پرايمتايمعا قويۋ تۋرالى ۇلكەن شەشىم بار. بولاشاقتا شىعارىلعان تۋىندىلاردىڭ بارلىعىن قازاق تەلەۆيدەنيەسىندە كورۋ مۇمكىندىگى دە قاراستىرىلۋدا»، - دەپ باقتيار ماكەن الداعى جوسپارلارىمەن ٴبولىستى.

disney ستۋدياسىنىڭ فيلمدەرى قازاق تىلىنە ٴجيى اۋدارىلادى. بۇل «بولاشاق» كق-نىڭ وتباسىلىق كورسەتىلىم مەن كىشكەنتاي كورەرمەندەر ٴۇشىن ساي كەلەتىن كارتينالاردى تاڭداۋىنا بايلانىستى.

«شاقىلداق جانە ٴتورت پاتشالىق» ٴفيلمىنىڭ ٴدۋبلياجى ٴبىز ٴۇشىن ناعىز سىناق بولدى. بۇل سويلەۋ مانەرى ەرەكشە وتە كوركەم جانە ادەمى كارتينا. ٴفيلمدى قازاق تىلىنە ساۋاتتى بەيىمدەۋ ٴۇشىن بىزگە ۇلكەن جۇمىس اتقارۋعا تۋرا كەلدى. بىزگە ٴماتىندى اۋدارۋ جەڭىل بولعانىمەن، كەيبىر وقيعالاردى دىبىستاۋ شىنىمەن دە قيىندىق تۋعىزدى. ماسەلەن، فيلمدە كلوۋنداردىڭ تۇتاس توبى كەلەتىن ٴۇزىندى بار. ولار ايتارلىقتاي قورقىنىشتى سويلەيدى، بىزگە وسى ەرەكشە اتموسفەرانى بەرۋ كەرەك بولدى. بۇل جەردە بىزگە كومپيۋتەرلىك دىبىس اسەرلەرى كومەك بولدى، ٴبىراق اقىر سوڭىندا ٴبىز ٴتۇپنۇسقاعا جاقىن دىبىستالۋعا قول جەتكىزدىك»،– دەدى دۋبلياج رەجيسسەرى شاح-مۇرات وردابايەۆ اتقارىلعان جۇمىستار جايىندا.

بارىنەن بۇرىن جاس كلارا اناسىنان قالعان قوبديشانىڭ كىلتىن تاۋىپ الۋدى ارماندايدى. روجدەستۆودا كىندىك اكەسىنەن ەرەكشە سىيلىق العان قىز جۇمباق جەرلەرگە تاڭعاجايىپ ساياحاتقا اتتانادى: قار ەلى، گۇلدەر ەلى جانە تاتتى-دامدىلەر ەلى. ٴبىراق قىزعا ٴتورتىنشى كورولدىككە بارۋ كەرەك، وندا وعان تىشقاندار كورولىنىڭ باسشىلىعىنداعى تىشقانداردىڭ تۇتاس ارمياسىمەن كەزدەسۋگە تۋرا كەلەدى. ٴسويتىپ، ول كەزدەيسوق ٴوز اناسىنىڭ تاڭقالارلىق قۇپياسىن اشۋعا شاق قالادى.

وتباسىلىق جانرداعى «شاقىلداق جانە ٴتورت پاتشالىق» ٴفيلمى 8 جەلتوقساننان باستاپ كورەرمەندەرگە جول تارتادى.

سۋرەتتەر ينتەرنەتتەن الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي