BAQ.kz - Қазақстан жаңалықтары USD 341.08 BAQ.kz - Қазақстан жаңалықтары EUR 394.46 BAQ.kz - Қазақстан жаңалықтары RUB 5.37
استانا:

پاۆلوداردا وتەتىن حالىقارالىق كينوفەستيۆالگە 207 فيلم تاپسىرىلعان

پاۆلوداردا العاش رەت وتەتىن «ەرتىس سينەما» حالىقارالىق كينوفەستيۆالگە قاتىسۋعا 20-دان استام ەلدەن 207 تۋىندى تۇسكەن، دەپ حابارلايى baq.kz ايماقتاعى ٴتىلشىسى.

بۇگىنگى كۇنى مادەني شاراعا تۋىندىلاردى قابىلداۋ جابىلدى. فەستيۆال شارتى بويىنشا ۇزاقتىعى 30 مينۋتتان اسپايتىن دوكۋمەنتالدى جانە ويىن كينولارى ىرىكتەلىپ الىنaدى.

«اۋقىمدى مادەني شارانىڭ ماقساتى - دارىندى جاس سسەناريستەر، رەجيسسەر مەن وپەراتورلاردى انىقتاۋ جانە ولارعا بارىنشا قولداۋ كورسەتۋ. بۇل فەستيۆال شىعارماشىل قاۋىم تاراپىنان زور قىزىعۋشىلىققا يە. بۇگىنگى كۇنى شاراعا قاتىسۋعا 200-دەن استام اۆتور ٴوتىنىش بىلدىرگەن. قازىلار القاسىنىڭ نازارىنا ۇسىنىلعان تۋىندىلار ٴتۇرلى جانر مەن تەحنيكادا ورىندالعان. كلاسسيكالىق جانردان باستاپ، اندەگراۋد جانرىندا تۇسىرىلگەن تۋىندىلار بارشىلىق. اراسىندا اسكەري، كومەديا، مادەنيەت، الەۋمەتتىك دراما، بۇگىنگى قوعامنىڭ ماسەلەلەرىن اشاتىن جانرلاردا ورىندالعان شىعارمالار كوپ»، - دەيدى جۋرناليست-دوكۋمەنتولوگ سالاۋات يگىلىكوۆ.

وتاندىق جانە شەتەلدىك كينوتۋىندىلاردى قازاقستان، قىتاي جانە رەسەيدىڭ تانىمال رەجيسسەرلەرى ساراپقا سالىپ، ٴادىل باعالارىن بەرەدى. «رۋحاني جاڭعىرۋ» باعدارلاماسى شەڭبەرىندە وتەتىن شارا اياسىندا فيلمدەر پاۆلودارداعى ەرتىس جاعالاۋىندا ۇلكەن ەكراندا جانە كينوتەتارلاردا تەگىن نەمەسە ارزان باعاعا كورسەتىلەدى.

«فەستيۆالگە قاتىسۋعا نيەت ەتكەندەردىڭ باسىم بولىگى - تمد ەلدەرىنىڭ وكىلدەرى. ولاردىڭ قاتارىندا وزبەكستان، قىرعىزستان، ۋكراينا، بەلارۋس، گرۋزيا مەملەكەتتەرىنىڭ اۆتورلارى، سونىمەن قاتار، فرانسيا، يسپانيا، بولگاريا جانە يزرايل ەلدەرىنىڭ رەجيسسەرلەرى بار. شاراعا قاتىسۋ وتىنىشتەرى فەستيۆالدىڭ رەسمي سايتى ارقىلى قابىلداندى. ٴبىر سوزبەن ايتقاندا، قاتىسۋشىلار گەوگرافياسى اۋقىمدى»، - دەيدى وبلىستىق مادەنيەت، مۇعاعات جانە قۇجاتتاما باسقارماسىنىڭ مامانى يساتاي حيكمەتوۆ.

قازىرگى ۋاقىتتا شاراعا قاتىسۋعا تانىمال رەجيسسەر، سسەناريست، اقىن جانە كينورەجيسسەر ەرمەك تۇرسىنوۆ كەلىسىمىن بەردى. بۇل يدەيانى العاشقىلاردىڭ ٴبىرى بولىپ قولداعانداردىڭ قاتارىندا جەرلىسىمىز، رەسەيدىڭ حالىق ٴارتىسى، تانىمال كينورەجيسسەر ۆلاديمير حوتينەنكو، پروديۋسەر جانە رەجيسسەر، راديو جانە تەلەۆيدەنيە ەۋرازيالىق اكادەمياسىنىڭ ۆيسە-پرەزيدەنتى ۋ سزيان دا بار.

«حالىقارالىق فەستيۆالگە ساپالى جانە ساپاسى كوڭىل كونشىتپەيتىن تۋىندىلار تاپسىرىلعان. ٴبىز قوعامنىڭ كۇرمەۋلى ماسەلەلەرى كوتەرىلگەن فيلمدەردى تاڭداپ الدىق. باسىمدىق ارينە، حالىقارالىق دارەجەگە ساي كينولارعا بەرىلدى. 50-دەن استام ساعات جۇمساپ، تاپسىرىلعان ەڭبەكتەردىڭ ٴبارىن قاراپ شىقتىق»، - دەيدى ماسكەۋلىك كينورەجيسسەر ليۋدميلا لەبەدەۆا.

ەسكە سالا كەتەيىك، مادەني جوبا تۋرالى بىلتىرعى جىلى جاريالانعان. بۇل – زاڭدى قۇبىلىس. سەبەبى، ەرتىس ٴوڭىرى - «قازاقفيلم» ستۋدياسىنىڭ نەگىزىن قالاۋشى، كسرو-نىڭ حالىق ٴارتىسى، كينو جانە تەاتر ٴارتىسى، باياناۋىل ولكەسىنىڭ تۋماسى شاكەن ايمانوۆتىڭ وتانى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي