BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

پاۆلوداردا كورەي كينوسىنىڭ فەستيۆالى ٴوتتى

فوتو: pavlodarnews.kz

استانا، baq.kz. ش. ايمانوۆ اتىنداعى كينوتەاتردا قازاقستانداعى كورەي ەلشىلىگى كورەي مادەني ورتالىعىنىڭ ۇيىمداستىرۋىمەن فەستيۆال ٴوتتى. بۇل تۋرالى pavlodarnews.kz سايتى حابارلادى.

قازىرگى تاڭدا الەمنىڭ 27 مەملەكەتىندە 32 كورەي ورتالىعى جۇمىس ىستەيدى. استانادا مۇنداي ورتالىق بىرەۋ عانا بولسا، ورتالىق ازيادا 2010 جىلى قازاقستاندىقتاردى كورەي مادەنيەتىمەن تانىستىرۋ جانە مەملەكەت اراسىنداعى مادەنيەت سالاسىندا تاجىريبە الماسۋ ماقساتىندا اشىلعان.

ورتالىق ديرەكتورى لي حە-راننىڭ ايتۋىنشا، قازاقستاندا كورەي كينوسىنىڭ فەستيۆالى بيىل ەلىمىزدىڭ توعىز قالاسىندا ۇيىمداستىرىلىپ، پاۆلوداردا اياقتالعان. تەگىن فەستيۆالگە ستۋدەنتتەر مەن قازاقستان حالقى اسسامبلەياسىنىڭ وكىلدەرى، جاقسى كينونى باعالاي بىلەتىن ادامدار جينالدى.

«قازاقستاندىقتار كومەديا جانە دراما جانرىن ۇناتادى دەپ ەستىدىك، سوندىقتان كورسەتىلىمگە «مويا جەنا – مويا نەۆەستا» كومەدياسى مەن «ميسس جەنا» دراماسىن تاڭداپ الدىق. بۇل فيلمدەر كورەي تىلىندە بولسا دا، ورىس تىلىندەگى سۋبتيترمەن ۇسىنىلادى»، - دەيدى ورتالىق ديرەكتورى.

كورەي ورتالىعى استانادا كينوفەستيۆالدەن باسقا، ٴتۇرلى مادەني شارالار وتكىزەدى. ونىڭ ىشىندە كونسەرتتەر مەن فوتو جانە ورنەكتەر كورمەسى بار. سول جەردە ارنايى كۋرستاردا كورەي ٴتىلىن مەن كورەي تاعامدارىن دايىنداۋدى ۇيرەنۋگە بولادى.

«قازاقستان كورەيا ٴۇشىن ورتالىق ازياداعى ماڭىزدى سەرىكتەس بولىپ سانالادى. كورەيلەر 80 جىل بويى قازاقستاننىڭ جەرىندە ٴومىر سۇرەدى. قازاقستان ەلىمەن بايلانىس ديپلوماتيا، مادەنيەت جانە باسقا دا باعىتتاردا دامي تۇسەدى دەگەن سەنىمدەمىز»، - دەيدى لي حە-ران.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي