BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

«وزەن» ٴفيلمىنىڭ سولتۇستىك امەريكاداعى تۇساۋكەسەرى تورونتودا وتەدى

رەجيسسەر ەمير ٴبايعازيننىڭ «وزەن» ٴفيلمى toronto international film festival كونكۋرستىق «پلاتفورما» باعدارلاماسىنا قاتىسىپ وتىر.

اتالعان فيلمنەن بولەك، الەمنىڭ ٴار قيىرىنان «ۇزدىك رەجيسسەرلىك كوزقاراستى كورسەتەتىن جوعارى دەڭگەيلى كوركەم» 11 اۆتورلىق كارتينا باق سىناپ وتىر. «اسلان تريلوگياسىنىڭ» ٴۇشىنشى ٴبولىمى شالعايداعى قازاق اۋىلىندا تۇراتىن باۋىرلاردىڭ ۇيىنە قالالىق كىسىنىڭ كەلۋىمەن ومىرلەرىندە وزگەرىس پايدا بولاتىنى تۋرالى باياندايدى. كارتينانىڭ تۇسىرىلىمدەرى (قازاقستان، نورۆەگيا جانە پولشانىڭ بىرلەسكەن ٴوندىرىسى ) 2017 جىلى الماتى وبلىسىندا وتكەن. فيلمگە بايعازين تريلوگياسىنىڭ بۇعان دەيىنگى بولىمدەرىندەگىدەي اۋەسقوي اكتەرلەر تۇسكەن جانە ٴوزى قويۋشى-وپەراتور رەتىندە جۇمىس اتقارعان.

«پلاتفورمانىڭ» بيىلعى قازىلار القاسى مۇشەلەرى نەمىس كينوسىنىڭ اڭىزى مارگارەتا فون تروتتا، ۆەنگەرلىك رەجيسسەر بەلا تارر جانە كورەيلىك رەجيسسەر ٴارى جازۋشى لي چحان دوننان تۇرادى.

كونكۋرستىق «پلاتفورما» باعدارلاماسى 2015 جىلى ەنگىزىلگەن، وندا كوركەم فيلمدەر مەن قاتار دەرەكتى كينو دا قاتىسادى. جەڭىمپاز اتانعان فيلم رەجيسسەرىنە 25 000 كانادالىق دوللار بەرىلەتىن بولادى. اشىلۋ سالتاناتىندا دجەيمي بەللانىڭ «دوننيبرۋك» دراماسى كورسەتىلىپ، كارولينا پوگگي مەن دجوناتان ۆاينەلدىڭ دەبيۋتتىك «دجەسسيكا ماڭگىلىك» كارتيناسىمەن فەستيۆال جابىلماق. اتالعان باعدارلامانىڭ قاتارىنا باستى رولدە نيكول كيدمان وينايتىن «جويۋشى» ٴفيلمى دە كىرگەن.

تورونتوداعى حالىقارالىق كينوفەستيۆال قىركۇيەكتىڭ 6 مەن 16 ارالىعىندا وتەدى. ەستەرىڭىزگە سالا كەتەيىك، كارتينانىڭ وندىرىسىنە قر مادەنيەت جانە سپورت مينيسترلىگى، ش.ايمانوۆ اتىنداعى «قازاقفيلم» كينوستۋدياسى، emir baigazin production، norsk filmproduksjon (نورۆەگيا) جانە madants (پولشا) قاتىسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي