BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

«كۇلتەگىن» انيماسيالىق ٴفيلمى كورەرمەندەرگە تانىستىرىلادى

فوتو: скриншот

الماتى، baq.kz. ش.ايمانوۆ اتىنداعى «قازاقفيلم» كينوستۋدياسى «كۇلتەگىن» اتتى تولىقمەتراجدى انيماسيالىق ٴفيلمىنىڭ ترەيلەرىن جاريالادى. قر مادەنيەت جانە سپورت مينيسترلىگىنىڭ تاپسىرىسى بويىنشا جارىققا شىققان تۋىندى جالپىۇلتتىق پروكاتقا قاراشانىڭ 22-سىنەن باستاپ شىعادى.

جاس رەجيسسەر-انيماتور اداي ٴابىلدانىڭ قولىنان شىققان اتالمىش تاريحي انيماسيالىق تۋىندى كوشپەندى حالىقتاردىڭ باسىن بىرىكتىرىپ، ۇلى كوشپەندىلەردىڭ ٴداستۇرىن جالعاستىرعان تۇرىك قاعاناتىنىڭ داڭقتى اسكەري قولباسشىسى كۇلتەگىننىڭ جاستىق شاعى تۋرالى باياندايدى.

- «كۇلتەگىن» ٴفيلمى اتا-بابالارىمىزدىڭ جانقيارلىق ەرلىگى، بىرلىگى مەن اۋىز بىرشىلىگى تۋرالى. كۇلتەگىن- بۇل تۇتاس ٴبىر ٴداۋىردىڭ تاريحي تۇلعاسى. سوندىقتان دا ٴبىزدىڭ باستى ماقساتىمىز – سول كەزدەگى مادەنيەتتى اشىپ كورسەتۋ عانا ەمەس، سونىمەن قاتار مۋلتيپليكاسيا ارقىلى جاس كورەرمەندەرىمىزدىڭ تاريحقا دەگەن قىزىعۋشىلىعىن ارتتىرۋ، - دەدى اداي ٴابىلدا.

جاس ۇرپاقتى مەيىرىمدى، قايىرىمدى بولۋعا، سونىمەن قاتار وتاندى سۇيۋگە تاربيەلەۋدى الدىنا ماقسات قويعان رەجيسسەر اداي ٴابىلدانىڭ وسىعان دەيىن دە تۇسىرگەن قىسقامەتراجدى فيلمدەرى كوپتەگەن حالىقارالىق فەستيۆالدەردە كورسەتىلىپ، جۇلدەلى ورىنداردان كورىنگەن.

– وكىنىشكە وراي، بۇگىندە وتاندىق تەلەارنالار نەگىزىنەن بالالارىمىزا تەرىس تاربيە بەرەتىن شەتەلدىڭ مۋلتفيلمدەرىن كورسەتىپ ٴجۇر. سوڭعى كەزدەرى بالالاردى مەيىرىمدىلىككە شاقىراتىن مۋلتفيلمدەر جوقتىڭ قاسى. ول فيلمدەردە ادەمى اشىق بوياۋلار دا، جارىلىستار دا، قىزىقتى كەيىپكەرلەر دە بار، ٴبىراق ەڭ باستىسى – ٴمان-ماعىناسى جوق. ادەمى قاعازعا ورالعان كامپيت سياقتى، ال ىشىندە ەشنارسە دە جوق. بۇنداي ٴۇردىستى توقتاتۋ قاجەت. ٴوزىمىزدى ۇلتتىق كەيىپكەرلەرىمىز كەرەك، - دەدى رەجيسسەر.

فيلم مازمۇنىندا، ۇلى تۇرىك مەملەكەتىنە ىدىراۋ ٴقاۋىپى تونەدى. تۇركىلەردىڭ بىرلىگىن ساقتاپ قالان ۇلى ەلتەرىس قاعان جاڭا مەملەكەتتى قۇرۋدى كوزدەگەن ساتقىنداردىڭ قولىنان مەرت بولادى. تاقتىڭ مۇراگەرى ەلتەرىستىڭ ۇلى 12 جاسار كۇلتەگىن قاشىپ قۇتىلادى. ٴوزىنىڭ تۋعان جەرىنە ورالۋ ٴۇشىن ول كوپتەگەن قيىندىقتاردى باسىنان وتكىزەدى. بۇل جولدا وعان تۇركىلەردىڭ جەبەۋشىسى كوك ٴبورى مەن تۋعان باۋىرى بىلگە كومەككە كەلەدى. باسى بىرىككەن ولار جاۋدى جەڭىپ تۇركى ىلەمىن قۇتقارىپ الادى. بىلگە قاعاندى تاققا وتىرعىزعان كۇلتەگىن تۇركى مەملەكەتىنىڭ اسكەري قولباسشىسى اتانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي