BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

«قازاقفيلم» تولىقمەتراجدى انيماسيالىق «مۇزبالاق» ٴفيلمىن پروكاتقا شىعارادى

2018 جىلدىڭ 18 قازانىنان باستاپ وتاندىق پروكاتقا ادام مەن بۇركىتتىڭ دوستىعى تۋرالى باياندايتىن تولىقمەتراجدى انيماسيالىق فيلم شىعادى. ٴفيلمدى قر مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» كينوستۋدياسى وندىرگەن. قىزىقتى وقيعاعا تولىق اتالعان ٴفيلمنىڭ رەجيسسەرلەرى تۇردىبەك مايدان مەن تىلەك تولەۋعازى، دەپ حابارلايدى baq.kz اقپارات اگەنتتىگى.

فيلمگە ادام بالاسىنىڭ بۇركىتتى قولعا ۇيرەتۋى ارقاۋ بولعان. وقيعا جەلىسى بويىنشا ادام مەن قۇس بىر-بىرىنە سەنىم بىلدىرە وتىرىپ، باۋىر باسادى. سونىمەن قاتار، فيلمدە قازاقتىڭ ساياتشىلىق ٴداستۇرى دە سۋرەتتەلەدى.

«قازاقتار بەس جاسار بۇركىتتى مۇزبالاق دەپ اتايدى. بۇل فيلممەن اۆتورلار بۇركىتتەر جانە ولارمەن اڭعا شىعۋ سالتىن كورسەتۋدى كوزدەگەن. فيلم قازاق تىلىندە جاسالىپ، ورىس تىلىنە دۋبلياجدالعان. كينوتەاترلارعا فيلم ەكى تىلدە شىعاتىن بولادى»، - دەدى «ٴقازاقفيلمنىڭ» ٴباسپاسوز قىزمەتىنىڭ جەتەكشىسى اينۇر يسايەۆا.

ەكى جىل كولەمىندە جاسالعان بۇل فيلمدە 40-قا جۋىق كينەماتوگرافيانىڭ وسى جانرىندا ەڭبەك ەتىپ جۇرگەن وتاندىق ماماندار ىستەگەن. ۇزاقتىعى 65 مينۋت قۇرايتىن مۋلتفيلم 2d جانە 3d فورماتىندا جاسالعان جانە ٴار سەكۋندىندا 24-25 كادر سۋرەت سالىنعان. كەيىپكەرلەردى دىبىستاۋعا ەرجان جارىلقاسىن ۇلى، جانات تىنىبايەۆ، سامات قورداباي، تولەبايەۆ ەرعالي دۇيسەن ۇلى، الما ٴادىلقىزى ەسىمدى تەاتر جانە كينو اكتەرلەرى قاتىسقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي