USD 335.61 EUR 361.32 RUB 5.26
استانا:

«قازاقفيلم» ٴابىش كەكىلبايەۆتىڭ پوۆەسى بويىنشا فيلم تۇسىرەدى

فوتو: киностудияның баспасөз қызметі

ش.ايمانوۆ اتىنداعى «قازاقفيلم» كينوستۋدياسى ٴابىش كەكىلبايەۆتىڭ «شىڭىراۋ» پوۆەسىنىڭ جەلىسىمەن تولىقمەتراجدى كوركەم فيلم ٴتۇسىرۋدى قولعا الدى. ٴفيلمنىڭ دايىندىق جۇمىستارى باستالىپ تا كەتتى. ٴقازىر ٴتۇسىرىلىم توبى جاساقتالىپ، اكتەرلەردى ىرىكتەۋ جۇمىستارى ٴجۇرىپ جاتىر، دەپ حابارلايدى baq.kz.

ٴفيلمنىڭ سسەناريي اۆتورى ٴارى رەجيسسەرى – جاڭابەك جەتىرۋوۆ.

ٴتۇسىرىلىمنىڭ بارلىعى دەرلىك ماڭعىستاۋ وبلىسىندا وتەدى. فيلمدە قاراقيا ويىسى، ٴۇستىرت شوقىسى جانە كاسپيي تەڭىزى كورىنىس تابادى. جۋىق ارادا رەجيسسەر وتپەلى كورىنىستەردى ٴتۇسىرۋ ٴۇشىن اقتاۋعا جول جۇرگەلى وتىر.

جاڭابەك جەتىرۋوۆ كوپتەگەن دەرەكتى فيلمدەردىڭ جانە «دۇنيەجارىق»، «اققىز» اتتى كوركەم سۋرەتتى فيلمدەردىڭ اۆتورى. سونداي-اق، جاڭابەك جەتىرۋوۆ جازۋشى ٴابىش كەكىلبايەۆتىڭ ٴومىرى مەن شىعارماشىلىعىنا ارنالعان «سامعاۋ» دەرەكتى فيلم تۇسىرگەن، دەپ حابارلايدى كينوستۋديانىڭ ٴباسپاسوز قىزمەتى.

ٴابىش كەكىلبايەۆتىڭ ۇزدىك تۋىندىلارىنىڭ ٴبىرى «شىڭىراۋدى» ەكرانداۋ اسا جاۋاپكەرشىلىكتى تالاپ ەتەتىنىن ايتا وتىرىپ، رەجيسسەر شىعارما جايلى كوزقاراسىمەن ٴبولىستى:

«اسپاننان جۇلدىز ىزدەگەننەن، جەردىڭ تۇبىنەن سۋ ىزدەۋ قيىنىراق شىعار. ەڭسەپ ٴار قۇدىقتى قازۋ ٴۇشىن ٴجۇز ويلانىپ، مىڭ تولعانادى. ۇستىرتتە عاسىرلار بويى قۇدىق قازعان بابالارىنىڭ ٴىسىن جالعاستىرۋشى وعان سىرتتان كەلگەن قالپاقتىڭ قۇدىق قازىپ، اياق استىنان ابىرويعا يە بولۋى، ەڭسەپتى ەسەڭگىرەتىپ جىبەرەدى. ونىڭ ەندىگى ماقساتى قالپاقتى جەر ەتۋ. ەڭ تەرەڭ قۇدىق قازىپ تاريحتا اتىن قالدىرۋ. قالپاقتىڭ اتىن ەلدىڭ ەسىنەن ٴوشىرۋ».

ٴفيلمدى شىعارمانىڭ دەڭگەيىندە ٴتۇسىرۋدى ماقسات تۇتقان رەجيسسەر تەك تۋىندىنى بايانداپ قويماي، ٴوز تاراپىنان تىڭ شەشىمدەر جاسايتىنىن دا ايتىپ ٴوتتى:

«حالىقتى سۋمەن قامتاماسىز ەتىپ ريزاشىلىعىنا بولەنۋدى ماقسات ەتۋمەن باستالعان جۇمىستىڭ ارتى باسەكەگە اينالادى. ال باسەكەدە شەك بولمايدى. شەكسىزدىككە ۇمىتىلۋ تىلسىم كۇشپەن تايتالاسقانمەن بىردەي. وعان ادامنىڭ اقىلى دا، كۇشى دە جەتپەيدى. ەڭسەپتىڭ تراگەدياسى دا وسىندا. رەجيسسەر رەتىندە مەن ٴۇشىن ەڭسەپتىڭ جان-دۇنيەسىن كورسەتۋ ماڭىزدى. پروزانىڭ تىلىندە جاقسى قولدانىلعان ٴتاسىل كينەماتوگرافيادا ۇتىمدى بولماي ٴتىپتى، ماڭىزىن بەرە الماي قالادى. سوندىقتان دا فيلمگە پوۆەستە جوق كەيبىر وزگەرىستەر ەنگىزدىم. جالپى پوۆەستىڭ سيۋجەتتىك جەلىسىن، فابۋلاسىن ساقتادىم».

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي