BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«قازاق ەلى» كينوتۋىندىسىنىڭ ٴىى ماۋسىمى وڭتۇستىك وڭىردە تۇسىرىلەدى

فوتو: ОҚО әкімінің баспасөз қызметі

وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ «قازاق ەلى» كوپسەريالى تاريحي-درامالىق تەلەۆيزيالىق سەريالىنىڭ ٴتۇسىرىلىم توبىمەن كەزدەستى. باسقوسۋعا تۋىندىنىڭ قويۋشى-رەجيسسەرى رۇستەم ابدىراشەۆ، باس پروديۋسەر ارمان اسەنوۆ باستاعان شىعارماشىلىق توپ قاتىستى. ٴفيلمنىڭ قويۋشى-رەجيسسەرى رۇستەم جاراسقان ۇلى كەزدەسۋ بارىسىندا تاريحي شىعارمانىڭ وڭىردەگى تۇسىرىلىمىنە قولداۋ كورسەتۋ قاجەتتىگىن جەتكىزدى.

ٴوڭىر باسشىسى تاريحي سەريالدىڭ ۇرپاق تاربيەسىندەگى ماڭىزدىلىعى مەن قازاق تاريحىنداعى وڭتۇستىك ٴوڭىرىنىڭ تاريحي مانىنە توقتالدى.

«وڭتۇستىك – قازاق تاريxىنىڭ نەگىزگى كەزەڭى وتكەن ەرەكشە ولكە. ەلباسىنىڭ باستاماسىنداعى رۋxاني جاڭعىرۋدا دا وڭىردەگى تاريxي ورىنداردىڭ وزىندىك ورنى زور. تۇركىستان، ورداباسى، قازىعۇرت، سايرام، ساۋران، وتىرار، مارتوبە سىندى قاسيەتتى ورىنداردىڭ بارلىعىندا دا ۇلت تاعدىرىن قالىپتاستىرعان ايتۋلى وقيعالار ٴوتتى. كينو – تاربيە قۇرالى. وسىنداي تاريحي دۇنيەلەر ارقىلى ٴبىز بولاشاق ۇرپاقتىڭ بويىنا وتانشىلدىق، ەرلىك، نامىسقويلىق سىندى اسىل قاسيەتتەردى سىڭىرەمىز. سوندىقتان دا ۇلكەن ٴۇمىت كۇتكەن تاريxي ٴفيلمدى وڭتۇستىكتە تۇسىرۋلەرىڭىز وتە ورىندى، قولدايمىز. دەگەنمەن كينودا وسى ٴوڭىردىڭ تالانتتى ارتىستەرىن دە كورگىمىز كەلەدى. مۇندا كاسىبي دەڭگەيدەگى ونەر ادامدارى جەتكىلىكتى. اتالعان فيلمگە جەرگىلىكتى ارتىستەردى قاتىستىرۋدى ۇسىنامىن»، - دەدى ج.تۇيمەبايەۆ.

ٴفيلمدى ەلباسىنىڭ «ماڭگىلىك ەل» باعدارلاماسىنا سايكەس قر مادەنيەت جانە سپورت مينيسترلىگىنىڭ تاپسىرىسى بويىنشا «قازاقفيلم» اق تاسپالاۋدا. «قازاق ەلى» كوپسەريالى تاريحي-درامالىق تەلەۆيزيالىق سەريالىنىڭ العاشقى ماۋسىمى «الماس قىلىش» دەپ اتالسا، ەكىنشى ماۋسىمى «التىن تاق» دەگەن اتاۋمەن تۇسىرىلەدى. تۋىندىنىڭ وڭتۇستىكتەگى ٴتۇسىرىلىمى اعىمداعى جىلدىڭ 25 ساۋىرىنەن 4 شىلدەسىنە دەيىن جالعاسادى. تۇلكىباس، تولە بي اۋداندارى مەن ارىس، اقسۋ وزەندەرىنىڭ بويىندا جانە تۇركىستان قالاسىنداعى «ازىرەت سۇلتان» مەملەكەتتىك تاريحي-مادەني قورىق-مۇراجايىندا «كەرەي حاننىڭ اۋىلى»، «حان ورداسى» سىندى دەكوراسيالار جاسالىنادى.

جيىندى قورىتقان ايماق باسشىسى كيىز ۇيلەر، ات، كونە دەكوراسيالار، مەديسينالىق جانە قاۋىپسىزدىك قولداۋ سىندى كومەكتىڭ بارلىعى جاسالىناتىنىن جەتكىزدى. ٴتيىستى سالا، مەكەمە باسشىلارىنا تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي