BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«باستاۋ» ستۋدەنتتەر كينوفەستيۆالىنىڭ جەڭىمپازدارى انىقتالدى

استانا، baq.kz. الماتىدا vii «باستاۋ» ستۋدەنتتىك فيلمدەر مەن كينومەكتەپتەر حالىقارالىق فەستيۆالى ٴوتتى. قازىلار القاسى جانە كورەرمەندەر نازارىنا ٴتورت كۇن بويى، قاراشانىڭ 5 مەن 8 ارالىعىندا ەۋروپانىڭ، ازيانىڭ جانە تمد ەلدەرىنىڭ جاس رەجيسسەرلەرى تۇسىرگەن فيلمدەر ۇسىنىلدى.

بيىل «باستاۋ» كينوفەستيۆالىنە الەمنىڭ تۇكپىر-تۇكپىرىنەن 300-دەن استام ۇسىنىم جىبەرىلگەن بولاتىن. ىرىكتەۋ كوميسسياسىن باسقارعان رەجيسسەر ٴادىلحان ەرجانوۆ كونكۋرسقا 22 ەلدەن كەلگەن 47 ٴفيلمدى تاڭداپ العان.

«ٴبىزدىڭ جاس فەستيۆالىمىز بيىل جەتىنشى رەت ٴوتىپ جاتىر جانە ستۋدەنتتىك كينو مەن كينوبىلىمىنىڭ وزەكتى ماسەلەلەرىن تالقىلايتىن ناعىز كاسىبي ورتاعا اينالدى.ٴبىزدىڭ كىشكەنتاي عانا فەستيۆالىمىز قالامىزدىڭ مىڭداعان ستۋدەنتتەرىنە، سونداي-اق الەمنىڭ تۇكپىر-تۇكپىرىنەن كەلگەن جاس كينەماتوگرافيستەرگە پايدالى بولعانىنا سەنىمدىمىن»، - دەدى فەستيۆالدىڭ پرەزيدەنتى سەرگەي ٴازىموۆ.

سونداي-اق فەستيۆال پرەزيدەنتى ساحنا تورىنەن فەستيۆالدىڭ ۇيىمداستىرۋىنا بەلسەنە ارالاسىپ، قولداۋ بىلدىرگەن دەمەۋشىلەرگە، سەرىكتەستەر مەن فەستيۆال دوستارىنا العىسىن ايتتى. اسىرەسە فەستيۆال پرەزيدەنتى الماتى قالاسىنىڭ اكىمى باۋىرجان بايبەككە، قازاق ۇلتتىق ونەر اكادەمياسى مەن «تۇران» ۋنيۆەرسيتەتىنىڭ باسشىلىعىنا ەرەكشە العىسىن ٴبىلدىردى.

كينوفەستيۆالدىڭ قازىلار القاسىنا ەنگەن گرۋزين كينورەجيسسەرى، سسەناريستى، جازۋشىسى ٴارى پەداگوگ يراكليي كۆيريكادزە (ٴتوراعا)، مونتاج رەجيسسەرى سيلۆان كۋتاندين، رەسەيلىك اكتريسا ەلۆيرا بولگوۆا، قىرعىز كينورەجيسسەرى، سسەناريست جانە پروديۋسەر تەمىربەك ٴبىرنازاروۆ، سونداي-اق، وتاندىق رەجيسسەر ٴسابيت قۇرمانبەكوۆ ۇزاق تالقىلاۋدان سوڭ، «باستاۋدىڭ» جۇلدەلەرىن تومەندەگىدەي بولگەن:

گران-پري – «زاۋرە تۋرالى حاتتار»، رەج. ادام دۋنايەۆ، رەسەي

قازىلار القاسىنىڭ ارنايى جۇلدەسى – «الەم ادامى»، رەج. دانيار ٴازىموۆ، قازاقستان

«ەر ادام ٴرولىن ۇزدىك سومداعانى ٴۇشىن» ٴپريزى – احمەد ۆارلي، «كەشەگى قالدىق»، تۇركيا

«ايەل ادام ٴرولىن ۇزدىك سومداعانى ٴۇشىن» ٴپريزى – ەلميرا راحيمجونوۆا، «انا»، وزبەكستان

«ۇزدىك وپەراتورلىق جۇمىس» ٴپريزى – ۆاحتانگ كحۋبيتيا ، «ايقاي»، رەسەي

«ۇزدىك سسەناريي» ٴپريزى – ييە كيم، «بىرگە بارامىز» دەرەكتى ٴفيلمى، وڭتۇستىك كورەيا

قازىلار القاسىنىڭ ارنايى اتالىمى – «اشىق اسپانداعى سيمفونيا»، رەج. سينە كولە، گەرمانيا

وتاندىق كينەماتوگرافياعا قوسقان ۇلەسى جانە قازاقستاننىڭ جاس كينەماتوگرافيستەرىن وسىرگەنى ٴۇشىن ٴپريزى تانىمال رەجيسسەر – دارەجان ومىربايەۆقا بەرىلدى.

وراز ابىشەۆ اتىنان بەرىلەتىن جۇلدە «اتاكاسىپ» دەرەكتى ٴفيلمىنىڭ رەجيسسەرى بەرىك جاحانوۆقا تابىستالدى.

«باستاۋدىڭ» نەگىزگى قازىلار القاسىمەن قاتار بەلورۋسسيا، قىرعىزستان، رەسەي جانە قازاقستاننىڭ وكىلدەرى كىرگەن ستۋدەنتتىك قازىلار القاسى دا جۇمىس ىستەگەن. بۇل قازىلار القاسىن vi حالىقارالىق «باستاۋ» كينوفەستيۆالىنىڭ باس جۇلدەسىن جەڭىپ العان يسپانيالىق رەجيسسەر ياگو ماتەو باسقاردى. ستۋدەنتتىك قازىلار القاسى گران-پريدى قازاقستاننان قاتىسقان الىشەر جادىگەروۆتىڭ «وتاۋ» فيلمىنە تابىستاپ، ەرەكشە اتالىمدى سينگاپۋرلىق رەجيسسەر تەنگ ۆان ٴسيننىڭ «اق قالامپىر» كارتيناسىنا بەردى.

«باستاۋ» حكف اياسىندا قازىلار القاسى جانە فەستيۆال قوناقتارى شەبەرلىك ساباقاتارىن وتكىزىپ، شىعارماشلىقى كەزدەسۋلەرگە قاتىستى. ماسەلەن، نەگىزگى قازىلار القاسىنىڭ مۇشەسى ەلۆيرا بولگوۆا ت.جۇرگەنوۆ اتىنداعى ٴقازۇوا ستۋدەنتتەرىمەن كەزدەستى، ال وتاندىق رەجيسسەر ٴادىلحان ەرجانوۆ «تۇران» ۋنيۆەرسيتەتىنىڭ تالىمگەرلەرىمەن اڭگىمەلەسىپ، تاجىريبەسىمەن ٴبولىستى.

«ٴموسفيلمنىڭ» دىبىسرەجيسسەرى مارينا نيگماتۋللينا جانە كينووپەراتور، كارپەنكو-كاريي اتىنداعى ۋكرايندىق ۋنيۆەرسيتەتتىڭ ۇستازى ەۆگەنيي فيليپپوۆ شەبەرلىك ساعاتىن وتكىزىپ، جينالعاندارعا ماماندىقتارىنىڭ ەرەكشەلىكتەرى جايىندا ٴسوز ەتتى.

سونىمەن قاتار، «تۇران» ۋنيۆەرسيتەتىندە ٴفيلمدى فەستيۆالگە تاراتۋ جايلى رەسەيلىك ۇزدىك festagent پلاتفورماسىنىڭ كوورديناتورى ولگا باجەنوۆا شەبەرلىك ساباعىن بەردى. لەكسيا تاقىرىبى: «ٴفيلمدى كينوفەستيۆالگە جىلجىتۋ: جۇيەلى ىس-ارەكەت».

سونداي-اق، «باستاۋ» فەستيۆالى اياسىندا «كينەماتوگراف، مەدياسفەرا جانە الەۋمەتتىڭ رۋحاني جاڭعىرۋداعى اقپاراتتىق قاتەرلەر» تاقىرىپپەن حالىقارالىق عىلىمي-تاجىريبەلىك كونفەرەنسيا ٴوتتى.

جىل سايىن وتەتىن ستۋدەنتتىك فيلمدەر مەن كينومەكتەپتەر باسقوسۋى بيىل «باستاۋ» حالىقارالىق كينوفەستيۆالىنىڭ ديرەكسياسى(توو «كينوكومپانيا تاناريس پروداكشن»)، الماتى قالاسىنىڭ اكىمشىلىگى، ت.جۇرگەنوۆ اتىنداعى قازاق ۇلتتىق ونەر اكادەمياسى، «تۇران» ۋنيۆەرسيتەتى جانە ش.ايمانوۆ اتىنداعى «قازاقفيلم» كينوستۋدياسىنىڭ قولداۋىمەن وتكىزىلدى. فەستيۆال پرەزيدەنتى – قازاقستاننىڭ ەڭبەك سىڭىرگەن قايراتكەرى، كينورەجيسسەر، پروديۋسەر سەرگەي ٴازىموۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي