BAQ.kz - Қазақстан жаңалықтары USD 367.3 BAQ.kz - Қазақстан жаңалықтары EUR 419.68 BAQ.kz - Қазақстан жаңалықтары RUB 5.58
استانا:

«باستاۋ» كينوفەستيۆالىنە وتىنىمدەر قابىلداۋ باستالدى

استانا، baq.kz. vii «باستاۋ» حالىقارالىق ستۋدەنتتىك فيلمدەر مەن كينومەكتەپتەر كينوفەستيۆالى 2018 جىلدىڭ قاراشا ايىنىڭ 5 مەن 8 ارالىعىندا الماتىدا وتەدى.

جىل سايىن وتەتىن ستۋدەنتتىك فيلمدەر مەن كينومەكتەپتەر باسقوسۋى الماتى قالاسىنىڭ اكىمشىلىگى، «باستاۋ» حالىقارالىق كينوفەستيۆالىنىڭ ديرەكسياسى («تاناريس پروداكشن كينوكومپانياسى» جشس)، ت.جۇرگەنوۆ اتىنداعى قازاق ۇلتتىق ونەر اكادەمياسى، «تۇران» ۋنيۆەرسيتەتى ۇيىمداستىرۋىمەن، ش.ايمانوۆ اتىنداعى «قازاقفيلم» كينوستۋدياسىنىڭ قولداۋىمەن وتكىزىلەدى.

vii حالىقارالىق «باستاۋ» كينوفەستيۆالىنىڭ ۇيىمداستىرۋ كوميتەتى كونكۋرستىق باعدارلامالارعا ۇسىنىمدار قابىلداي باستاعانىن جاريا ەتتى.

ىرىكتەۋگە ەۋروپا، ازيا جانە امەريكانىڭ ٴوندىرىسى 2017 مەن 2018 جىلدار ارالىعىندا اياقتالعان دەبيۋتتىك جانە ستۋدەنتتىك قىسقامەترلى فيلمدەر(كوركەم، دەرەكتى، انيماسيالىق) قابىلدانادى.

ٴفيلمنىڭ ۇزاقتىعى – 7 مينۋتتان باستاپ 40 مينۋتقا دەيىن (انيماسيالىق فيلمدەردەن باسقا).

ۇسىنىمدار 2018 جىلدىڭ 25 قازانىنا دەيىن قابىلدانادى.

فەستيۆال حالىقارالىق ىنتىماقتاستىقتى دامىتۋ، مادەني الماسۋ مەن جاس كينەماتوگرافيستەر اراسىنداعى بايلانىستى ورناتۋ، ەۋروپا، ازيا جانە امەريكا كينومەكتەپتەرىنىڭ ستۋدەنتتەرى مەن ۇستازدار قۇرامىن جاقىنداتۋ ماقساتىندا ۇيىمداستىرىلعان.

فەستيۆال اياسىندا ەۋروپا، ازيا جانە امەريكانىڭ بەلدى كينەماتوگرافيستەرىنىڭ قاتىسۋىمەن شەبەرلىك ساباقتارى، قازاقستاندىق جانە شەتەلدىك كومپانيالارمەن بىرلەسكەن جوبالاردى ىسكە اسىرۋ جونىندەگى دوڭگەلەك ۇستەلدەر وتكىزۋ جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي