BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

استانادا «الاش تۋى استىندا» دەرەكتى ٴفيلمىنىڭ ارنايى كورسەتىلىمى ٴوتتى

استانا، baq.kz ٴتىلشىسى. استانادا قر مادەنيەت جانە سپورت مينيسترلىگىنىڭ تاپسىرىسىمەن تۇسىرىلگەن «الاش تۋى استىندا» دەرەكتى ٴفيلمىنىڭ ارنايى كورسەتىلىمى ٴوتتى.

1918 جىلدىڭ 8-23 قىركۇيەگى ارالىعىندا ۋفا قالاسىندا مەملەكەتتىك ٴماجىلىس ٴوتتى. سول وتىرىستا الاش قايراتكەرلەرى ۇلت-ازاتتىق كۇرەس مۇددەسىن زاڭدى تۇردە قورعاۋدىڭ ۇلگىسىن كورسەتتى. اتالعان دەرەكتى فيلم الاشوردانىڭ 100 جىلدىعىنا وراي ارنايى تۇسىرىلەدى.

"ەلباسى ن.نازاربايەۆ ٴوزىنىڭ «تاريح تولقىنىندا» كىتابىنىڭ «الاش مۇراسى جانە وسى زامان» اتتى تاراۋىندا: «xx عاسىردىڭ باسىندا ۇلتتىق بىرلىكتى نىعايتۋ يدەياسىن العا تارتقان رۋحاني-زەردەلى يگى جاقسىلار قازاقتىڭ ۇلتتىق يدەياسىن جاساۋ مىندەتىن ٴوز موينىنا الدى. ولار قوعامنىڭ ٴتۇرلى تارابىنان شىققاندار، ٴارى ەڭ الدىمەن ٴداستۇرلى دالا اقسۇيەكتەرىنىڭ وكىلدەرى ەدى. xx عاسىردىڭ باسىنداعى قازاق قوعامىندا زيالى قاۋىم قالىپتاسۋىنىڭ ۇرپاقتار ەستافەتاسى سياقتى سيپاتى بولعانىن اتاپ ايتقان ابزال» - دەپ كورسەتكەن بولاتىن. وسى ورايدا، الاش ازاماتتارىنىڭ تاريحي از ۋاقىتتا قازاق حالقىنا سىڭىرگەن ەڭبەگىنىڭ باعاسى ولشەۋسىز ەكەنىن باسا ايتقىم كەلەدى. «الاش تۋى استىندا، كۇن سونگەنشە سونبەيمىز!» - دەپ جىرلاعان سۇلتانماحمۇت تورايعىروۆتاي بۇگىندە الاش ٴىزباسارلارى بارشىلىق. پرەزيدەنت نۇرسۇلتان نازاربايەۆ الاش ارىستارى ۇستانعان ۇلتتىق يدەيانى بۇگىنگى تاۋەلسىز قازاقستاندا ۇشتاستىرىپ، كورەگەن ساياساتتى ۇستانىپ كەلەدى"، - دەپ كەڭىنەن توقتالدى مينيستر ارىستانبەك مۇحامەدي ۇلى.

ٴفيلمنىڭ جۇمىس توبى الاش قايراتكەرلەرىنىڭ ىزىمەن سەمەيدىڭ الاش قالاسى اتالعان اۋماعىندا، ماسكەۋدەگى كرەمل، سانكت-پەتەربۋرگتەگى دۋما وتىرىستارى وتكەن تاۆريا سارايىندا، سمولنىيدا، سانكت-پەتەربۋرگ، قازان ۋنيۆەرسيتەتىندە، ۋفاداعى مەملەكەتتىك ٴماجىلىس وتكەن بۇرىنعى «ٴسىبىر» قوناقۇيىندە ٴتۇسىرۋ جۇمىستارىن جۇرگىزگەن.

«- ٴوز اتىمنان ٴفيلمنىڭ جارىققا شىعۋىنا ىقپالداستىق ەتكەن مادەنيەت جانە سپورت مينيسترلىگىن باسقارىپ وتىرعان ارىستانبەك مۇحامەدي ۇلىنا، «قازاقفيلم» كينوستۋدياسىنا، «ەل» پروديۋسەرلىك ورتالىعىنا جانە قازاقستاننىڭ رەسەيدەگى ەلشىلىگىنە العىسىمدى ايتقىم كەلەدى. بۇل فيلم الاش وردانىڭ ٴجۇز جىلدىعىنا ارنالعاندىقتان، وسى ٴبىر عاسىردان كەيىنگى تاريحتى قورىتۋ، سالماقتاۋ، الاش قايراتكەرلەرى قازاق حالقىنا قانداي ۇران قالدىردى تاعى ٴبىر وي ەلەگىنەن وتكىزۋ»، - دەيدى ٴفيلمنىڭ سسەناريي اۆتورى بولات ٴمۇرسالىم.

دەرەكتى تۋىندى «ويان، قازاق!»، «جاريالانباعان اۆتونوميا» جانە «قاتەرلى وتكەل» سەكىلدى ٴۇش بولىمنەن تۇرادى.

ارنايى كورسەتىلىمگە مادەنيەت جانە سپورت ٴمينيسترى ارىستانبەك مۇحامەدي ۇلى قاتىسىپ، شىعارماشىلىق ۇجىمعا العىسىن ٴبىلدىردى.

ٴفيلمنىڭ رەجيسسيورى - ەرگەن توقمۋرزين، باس كەڭەسشىسى - مامبەت قويگەلدى، شىعارماشىلىق كەڭەسشىسى - تۇرسىنجان شاپاي، سسەنارييدىڭ اۆتورى - بولات ٴمۇرسالىم، قويۋشى وپەراتورى - مۇستافا ونەر جانە كومپوزيتورى - بەيبىت اقوش.

ٴفيلمدى ش.ايمانوۆ اتىنداعى «قازاقفيلم» اق جانە «ەل» پروديۋسەرلىك ورتالىعىمەن بىرلەسىپ تۇسىرگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي